MARKO 4:5 - WE NU GALE 1995

⁵ Nɛ mbe ala dɛ ngɔ kpangba, fala kɛ nùi ngɔ nɛ ngboo bina ni, nɛ ma hɔa dɔ̃, we kɛ nùi dɛlɛ ngɔ ngbɛ ɛ gɔ.

MARKO 4:5 Iomraidhean Croise

EZEKIƐLƐ 11:19

“Mi hã sɛ mbé sila wi do mbé linggamɔ hã wa. Mi fo sɛ sila wa kɛ ma nganda ɔ nɛ ta ni, nɛ mi kpolo sɛ ma do mbɔkɔ sila kɛ ma kɔ̃ sɛ we dɔnggɔ mi ni.

EZEKIƐLƐ 36:26

Mi kpolo sɛ sila nɛ, nɛ mbé linggamɔ ma le sɛ kɔ nɛ gɔ. Mi fo sɛ sila nɛ kɛ ma nganda ɔ nɛ ta ni, nɛ mi kpolo ma do sila wi kɛ ma kɔ̃ we kɔ̃a ni.

OZE 10:12

Mi tɔ̃a na: Nɛ dɛ̃ bɔlɔ zu dɛa mɔ, nɛ mi be sɛ dia zã 'da mi hã nɛ fai. Nɛ kpóló dɛa to tɛ nɛ, nɛ 'dã mɛnɔ fo tɛ̃ ɛ kɔ sila nɛ do'do, ɔ nɛ kɛ wa fo do 'dã wɔkɔsɔ kɔ fɔ ni. Ngba soe kpolo tɛ nɛ dɛ 'da mi ma wia ia. Kɔ nɛ dɛ ni, nɛ mi tɛ sɛ, nɛ mi sulu wila nui 'da mi dɛ ngɔ nɛ.

AMƆSI 6:12

Ombalata wa wia tɛ yu yu do ngɔ ogã ta nde? Nɛ winɔ wa wia tɛ zã kpangba dɛ ngɔ, takɔ wa mi do kpalɛ nde? Fala kpo gɔ. Kɔ gulu kɛ nɛ kpolo bɔlɔ zu dɛa mɔ do 'dã mɔ, nɛ nɛ kpolo gbãlã we do bɛlɛ ni we ge nde?

MATIE 13:20

Nɛ wi kɛ a ɔ nɛ nù kpangba kɛ kpalɛ ala ngɔ nɛ ni, wi a wele kɛ a zele Dia Sakoe, nɛ a kɔ̃ gɛnɛ nɛ dɔ̃, nɛ a dɛ yangga nɛ,

MARKO 4:4

A ma ngɔ fɛ kpalɛ, nɛ mbe gbãlã nɛ ala dɛ li wala, nɛ onɔɛ wa tɛa, nɛ wa gɔmɔ ma.

MARKO 4:6

Kɔ wese nɛa we nganda nɛ, nɛ bɔlɔ kpalɛ ni kula do'do, we duzu kɛ Hã nɛ nyɛ̀lɛ̀ dɛ ti nù i gɔ.

LUKA 8:13

Nɛ winɔ kɛ wa ɔ nɛ nù kpangba kɛ kpalɛ ala ngɔ nɛ ni, wi a wanɔ kɛ wa zele Dia Sakoe, nɛ wa kɔ̃ gɛnɛ nɛ do yangga, nɛ nde ma lé wa ngboo gɔ, nɛ wa la fala kɔ̃a we 'da wa 'da kala gɔ. Fala kɛ ngamɔ yamba sila wa, nɛ wa la fala kɔ̃a we 'da wa do'do.

LUKA 8:6

Nɛ mbe ala dɛ ngɔ kpangba, nɛ ma hɔa, nɛ ma kula do'do, we kɛ lì gulu nɛ bina.