MARKO 4:11 - WE NU GALE 1995

¹¹ Nɛ Yezu gese hã wa na: “Kɛ 'da nɛ, Gale bia gulu usu lɛnggɛnɔ kɔ dɛa to nwa 'da a hã nɛ ia. Nɛ nde wanɔ sɔ i mɔ ni, wa zele ma do gba we iko.

MARKO 4:11 Iomraidhean Croise

MATIE 11:25

Nɛ do 'da fala ni, nɛ Yezu tɔ̃a hã Baa ɛ na: “Ee Baa mi, mɔ a Nwa ngɔ li nza do nùi gɛ! Mi hã iɔ̃nae hã mɔ wena, we duzu kɛ mɔ usu mɛnɔ gɛ do owi hã zãnɔ, do owinɔ kɛ wa yambala mɔ wena ni, nɛ mɔ bia ma hã owinɔ kɛ wa yala iko ni.

MATIE 13:16

Nɛ Yezu tɔ̃ hã wa na: “Nɛ a wi yangga, we kɛ nɛ zɔa mɛnɔ gɛ do gbali nɛ, nɛ nɛ tɛ zele 'bɔ ma ngangga gɛ.

MATIE 16:17

Nɛ Yezu tɔ̃ hã a na: “Simɔ, be 'da Yonasi, mɔ a wi yangga. We kɛ wi a wi nù hã a bè gbãlã we gɛ hã mɔ gɔ, nɛ nde wi a Baa mi, kɛ a li nza i ni, hã a bia ma hã mɔ.

MARKO 3:23

Nɛ Yezu sa mɔ hã winɔ, nɛ a tɔ̃ hã wa na: “Tɛlɛ tɛ kɛ Satana wia we fo Satana kɔ wele ni nɛ nde?

MARKO 4:10

'Da fala kɛ Yezu fua tɛ̃ a sanga gba dɔa winɔ do'do, nɛ owi yambala mɛnɔ 'da a, fala nɛ kpo do ombe winɔ kɛ zã a ni, wa aka a na, a tɔ̃ gulu gba wenɔ sɔ a tɔ̃a ni hã lo.

MARKO 4:2

Nɛ a ma ngɔ be we kpi do kpi hã wa. Nɛ a be zi wenɔ hã wa wena do gba we.

LUKA 8:10

Nɛ a gisa hã wa na: “Kɛ 'da nɛ, Gale bia gulu usu lɛnggɛnɔ kɔ dɛa to nwa 'da a hã nɛ ia. Nɛ nde ombe nɛ wa zele ma do gba we iko. Ma ɔ nɛ kɛ wa kɔma kɔ 'Buki na: ‘Gɛnɛ kɔ wa 'du li wa gbaa, nɛ nde wa zɔ́ mɔ gɔ. Gɛnɛ kɔ wa gɛ zala wa gbaa, nɛ nde wa zélé we gɔ’ ni.”

1 KORINTƐ 4:7

Mba gɔ, mɔ nɛa ngɔ ongba mɔ we wio nde? Mɛ kɛ mɔ do ma, nɛ nde wi hã hã mɔ wi a Gale gɔ ni, mɛ a ge nde? Kɔ gulu kɛ mɔ dɔnggɔ tɛ mɔ ngɔ nɛ, ɔ nɛ kɛ mɔ kpa do ngawi 'da mɔ wele nɛ ni we ge nde?

2 KORINTƐ 4:6

Gale kɛ a tɔ̃a zɛ́ na: “E kɔ sa fala yele kɔ tũ fala” ni, a 'bɔ a dɛa na, ma yele kɔ sila lɛ, nɛ ma fĩ li lɛ we ĩ ti yele ngbala dɔ̃lɔ̃ li 'da a, kɛ ma ndele bula li Kristo ni.

EFƐZƐ 1:9

nɛ a bia usu mɛnɔ kɛ a 'dafa ni hã lɛ na, lɛ ĩ ti nɛ. A 'dafa zɛ́ belee na, a dɛ sɛ linggamɛ 'da a do wala 'da Kristo.

KƆLƆSƐ 4:5

Nɛ yɛ́nggɛ́ sanga owinɔ kɛ wa tɛ kɔ̃̀ zu li Kristo gɔ ni do hã zã. Kɔ nɛ kpa fala we dɛ de mɔ, nɛ nɛ dɛ́ ma.

1 TƐSALONIKƐ 4:12

Nɛ dɛ ní, nɛ owinɔ kɛ wa ĩ̀ ti Gale gɔ ni, wa dɔnggɔ sɛ nɛ, nɛ nɛ sɛ a dĩ tole we wele gɔ.

1 TIMOTE 3:7

Ma wia 'bɔ na, owinɔ kɛ wa tɛ kɔ̃̀ zu li Yezu gɔ ni, wa tɔ̃ dia we tɛ̃ a na, da dɛ kɔ sako li a 'dángá, kɔ a te li bili 'da Satana gɔ.

1 YOANƐ 5:20

Lɛ ĩ 'bɔ na, Yezu Be 'da Gale tɛa zi ngɔ nù gɛ, nɛ a hã hã zã hã lɛ na, lɛ ĩ ti ngbongbo Gale. Nɛ lɛ 'bana dɛ kɔ Gale do wala 'da Be 'da a Yezu Kristo. A a ngbongbo Gale, nɛ a hã kpasi kɛ ma é sɛ gɔ ni hã lɛ.