MARKO 3:5 - WE NU GALE 1995

⁵ Nɛ Yezu ka mɔ tɛ wa do nɔ̃lɔ̃ zã, nɛ a zi 'bɔ do 'bako wena, we duzu kɛ wa do 'dã sila. Nɛ a tɔ̃ hã wi zɛlɛ ni na: “Mɔ bɔ́lɔ́ kɔ̃ mɔ!” Nɛ a bɔlɔ kɔ̃ a, nɛ ma de.

MARKO 3:5 Iomraidhean Croise

Ndo Nyanga Dɛ Mɔ 6:6

Nɛ 'bako ba a, nɛ a sa tɛ a we kɛ a dɛa wa, nɛ a ia wa ngɔ nù gɛ ni.

1 Onwanɔ 13:6

Nɛ nwa Yeroboamɛ ala nu a hã wi gba olo nu Gale na: “Mɔ kɔ̃́, nɛ mɔ aka NWA Gale 'da mɔ na, a fo 'dã mɛ 'da mi, hã 'baka mi de dɛ olo nɛ.” Nɛ wi gba olo nu Gale sambala NWA Gale, nɛ kɔ̃ Yeroboamɛ de dɛ olo nɛ.

NEHEMIE 13:8

Nɛ zã mi nɔ̃lɔ̃ wena, nɛ mi da mɛnɔ 'da Tobia kɔ 'bili tɔa ni vɛ̃ dɛ nza.

Zumanɔ 95:10

Wa 'danga sila mi gbaa 'do 'bu sabɛlɛ nalɛ, nɛ mi tɔ̃ na: ‘Kɛnɔ gɛ a Owi vĩ zu iko, wa kɔ̃̀ we dɛ mbulanɔ 'da mi gɔ.’

MATIE 12:13

Nɛ a tɔ̃ hã wi zɛlɛ ni na: “Mɔ bɔ́lɔ́ kɔ̃ mɔ!” Nɛ a bɔlɔ kɔ̃ a, nɛ ma de ɔ nɛ mbee ki ni.

MARKO 3:4

A kulu ngɔ, nɛ Yezu aka winɔ ni na: “Mbula 'da lɛ hã wala na, do tũ ɔmɔ tɛ wi, nɛ lɛ dɛ de mɔ tabi 'dã mɔ nde? Lɛ kpasa wele, tabi lɛ gbɛ wele nde?” Nɛ nde wa kɔ̃̀ we gese nu nɛ gɔ.

LUKA 13:15

Nɛ Nwa Yezu gese hã a na: “Nɛ, wi ɔlɔ winɔ gɛ! Sanga nɛ gɛ, wi kɛ a yálá mbe ngɔmbɛ tabi punda 'da a, nɛ a nɛ we hã lì hã a do ngba soe ɛngga gɔ ni a wio nde?

LUKA 17:14

Nɛ Yezu zɔa wa, nɛ a tɔ̃ hã wa na: “Nɛ nɛ́, hã onganganɔ wa zɔ nɛ.” Kɔ wa ma ngɔ la nɛ, nɛ zɛlɛ ngbɛlɛ tɛ wa ni e do ti.

LUKA 6:10

Nɛ Yezu ka mɔ tɛ wa gbaa, nɛ a tɔ̃ hã wi zɛlɛ ni na: “Mɔ bɔ́lɔ́ kɔ̃ mɔ!” Nɛ a bɔlɔ kɔ̃ a, m nɛ ma de.

YOANƐ 9:7

Nɛ a tɔ̃ hã a na: “Mɔ nɛ́, kɔ mɔ fɔ́lɔ́ li mɔ tɛ 'dɔ zã lì Siloe.” (Gulu li Siloe na: “Wa tumba a.”) Nɛ wi tandui la, nɛ a fɔlɔ li a. Kɔ a nɛ kpolo tɛ̃ a, nɛ nde a zɔ mɔ zɔa.

ROMA 11:25

Onyae, mi kɔ̃a na, nɛ ĩ́ ti usu we kɛ Gale bia ma hã mi gɛ, da dɛ kɔ nɛ dɔ́nggɔ́ tɛ nɛ na, lo a wi hã zã gɔ. Usu we ni ma kɛ: Nga zu kɛ ombe Israɛlɛ wa dɛ dɛ 'da Gale ni, ma 'báná sɛ fai gɔ. Ma ɔ sɛ na mɛ ni gbaa na, li winɔ kɛ Gale saka we kpasa wa sanga gele nu kɔnggɔnɔ ni, ma we do'do sɛ nɛ de.

2 KORINTƐ 3:14

Nɛ nde gbãlã zã obe Israɛlɛ bi zi do'do, nɛ wa ĩ́ zi ti gulu mɛnɔ ni gɔ. Nɛ gbaa ti a do sɔɛ gɛ, li wa tɛ hũ̀i gɔ. Ma kɛ, fala wa tɔlɔ 'Buku à Gba Tɔkɔ 'da Gale ni, nɛ nde tulu 'bana tɛ kele li wa. Tati a wi kɛ a kɔ̃ zu li Kristo ni, sɛ nɛ tuli ni fo tɛ́ ɛ li a de.

EFƐZƐ 4:18

Gbãlã zã wa bi do'do, nɛ wa kpá sɛ kpasi kɛ Gale hã ma ni gɔ, we kɛ wa ĩ̀ ti mɔ kpo gɔ, nɛ sila wa nganda do'do.

EFƐZƐ 4:26

'Da fala kɛ zã nɛ nɔ̃lɔ̃, nɛ nɛ dɛ zĩ na, dɔ nɛ dɛ́ 'dã mɔ gɔ. Nɛ wese tɛ gɛ̃̀ nɛ do nɔ̃lɔ̃ zã ni gɔ.

EFƐZƐ 4:30

Nɛ tɛ hã̀ 'bako hã Hi Wi Santo 'da Gale gɔ. Mba gɔ, Hi Wi Santo ɔ nɛ dã kɛ Gale gɔnɔ ma tɛ nɛ, we 'bɔ do 'da tũi kɛ a kpasa sɛ do nɛ ni.

OHEBRE 3:10

We duzu ma, nɛ zã mi nɔ̃lã dɛ tɛ wa, nɛ mi tɔ̃a hã wa na, nɛ a owi vĩ zu iko, nɛ kɔ̃̀ we dɛ mbulanɔ 'da mi gɔ.

OHEBRE 3:17

Nɛ winɔ kɛ zã Gale nɔ̃lã zɛ́ dɛ tɛ wa 'do 'bu sabɛlɛ nalɛ ni a wio nde? Wi a wanɔ kɛ wa dɛa zɛ́ 'dã mɛnɔ, nɛ wa fia li gba zɔ̃ i ni.

OHEBRE 5:9

Kɔ Gale zɔa na, Yezu dɛa toe 'da a, nɛ ma wia vɛ ia ni, nɛ Gale ia a do wi hã kpasi kɛ ma é sɛ gɔ ni hã winɔ vɛ̃, kɛ wa zele nu a ni.

USU MƐNƆ 6:16

Nɛ wa he mɔ hã kalanɔ do tanɔ na: “Nɛ té dɛ ngɔ lɛ, nɛ nɛ úsú lɛ, dɔ Wi dungu ngɔ kpongbo nwa zɔ́ lɛ, hã dã ba Be Bata dɛ tɛ lɛ gɔ.

Owi kpe dati 10:16

Nɛ 'do ki ni, nɛ wa la fala dɔnggɔ ogele galenɔ ni, nɛ wa hã tɛ wa we dɔnggɔ NWA. Nɛ NWA zɔa na mɛ ni, nɛ a wè zi 'bɔ tɛ kunu sila a ngɔ 'bakoe kɛ wa kpa ma ni gbaa gɔ.

1 SAMUƐLƐ 20:34

Nɛ zã Yonatanɛ nɔ̃lɔ̃ wena, nɛ a kulu ngɔ, nɛ a la. Do kpo soe bɔa kɔ tũ ɛngga ni, nɛ a bɛ̃a nyɔngɔmɔ. Nɛ a zi do linggamɔ wena we Davidi, we kɛ baa a tɔ̃ 'dã we tɛ̃ a wena.