MARKO 3:3 - WE NU GALE 1995

³ Nɛ Yezu tɔ̃a hã wi kungga kɔ̃ɛ ni na: “Mɔ kúlú ngɔ dɛ li winɔ gɛ vɛ̃!”

MARKO 3:3 Iomraidhean Croise

Ezai 42:4

A dɛ sɛ toe 'da a fai, a mbɔ́kɔ́ sɛ gɔ. A e sɛ bɔlɔ zu dɛa mɔ ngɔ nùi gɛ vɛ̃. Owinɔ kɛ lenɔ 'da wa ma nyɛlɛ wena ni, wa 'bɔ 'da a na, a be mbula hã lo.”

DANIƐLƐ 6:10

Nwa Dariusi nɛa we zele ni, nɛ a e kɔ a ti mbula ni.

MATIE 12:10

Nɛ nde mbe wi kungga kɔ̃ zi di ni. Nɛ owinɔ di ni ni wa kɔ̃a we fi ngbangga zu Yezu, nɛ wa aka a do 'dã hã na: “Mbula 'da lɛ ma hã wala na, lɛ kpasa wele do tũ ɔmɔ tɛ wi nde?”

MARKO 3:2

Nɛ winɔ kɔ tɔa ni, wa soko mɔ tɛ Yezu gbo gbo gbo, we zɔ tabi na, a kpasa sɛ wi ni do tũ ɔmɔ tɛ wi nde, takɔ wa fi ngbangga zu Yezu.

MARKO 3:4

A kulu ngɔ, nɛ Yezu aka winɔ ni na: “Mbula 'da lɛ hã wala na, do tũ ɔmɔ tɛ wi, nɛ lɛ dɛ de mɔ tabi 'dã mɔ nde? Lɛ kpasa wele, tabi lɛ gbɛ wele nde?” Nɛ nde wa kɔ̃̀ we gese nu nɛ gɔ.

LUKA 6:8

Nɛ nde Yezu ĩ ti linggamɛnɔ 'da wa, nɛ a tɔ̃ hã wi kungga kɔ̃ɛ ni na: “Mɔ kúlú ngɔ, kɔ mɔ yóló dɛ li winɔ gɛ vɛ̃.” Nɛ wi ni kulu ngɔ, nɛ a yolo dɛ li winɔ ni.

YOANƐ 9:4

Fala kɛ wese 'bana ngɔ, nɛ ma wia na, lɛ dɛ mɛnɔ kɛ zã Wi tombo mi kɔ̃a ni. Nɛ nde tũi kɔlɔ tũ nɛ ia, nɛ wele wé sɛ 'bɔ tɛ dɛ to gɔ.

1 KORINTƐ 15:58

Na mɛ ni, onyae kɛ nɛ ngɔ sila mi ni, nɛ yóló nganda, dɔ kɔ̃a we 'da nɛ yáká gɔ. Nɛ hã́ tɛ nɛ we dɛa toe 'da Nwa Yezu 'da fala fai, we kɛ nɛ ĩ na, dɛa toe kɛ nɛ dɛ do zu li a ni, ma yala iko gɔ.

GALATI 6:9

Ní nɛ lɛ tɛ mbɔ̀kɔ̀ tɛ dɛ de mɔ gɔ. Mba gɔ, 'da fala kɛ lɛ mbɔ̀kɔ̀ gɔ, nɛ lɛ kpa sɛ si olo nɛ do li zɔlɔ nɛ.

FILIPƐ 1:14

Nɛ bɔlɔkɛ mi lia gɛ ma dɛa na, mbe dɛlɛ onya lɛ wi kɔ̃a wenɔ wa gbini zã wa do Yezu Kristo dɛ dati. Nɛ ma kpãlã sila wa we be we nu Gale hã Owele, nɛ wa tɛ dɛ̀ 'bɔ kili gɔ.

1 PETRO 4:1

Nɛ ĩ na, kili tɛ Yezu Kristo kpa ngamɔ. We duzu ma, ma wia na, nɛ ɔ do kpo linggamɛ nɛ́ Yezu ni, nɛ nɛ kpãlã sila nɛ kɔ ngamɛnɔ. Mba gɔ, wi kɛ kili tɛ̃ a kpa ngamɔ ni, a dɛ́ 'bɔ 'dã mɔ gɔ.