MARKO 2:8 - WE NU GALE 1995

⁸ Nɛ dɔ̃ nɛ nde Yezu ĩ sɔ ti linggamɛ 'da wa ia, nɛ a tɔ̃ hã wa na: “Gulu kɛ nɛ lengge ní we ge nde?

MARKO 2:8 Iomraidhean Croise

1 Sakonɔ 29:17

“Aa Gale 'daa, mi ĩ na, mɔ ĩ ti linggamɔ zã Owele kɛ ma usu tɛ̃ ɛ usu ni, nɛ mɔ kɔ̃a gɛnɛ bɔlɔ zu dɛa mɔ. Kɔ mi hã okpamɛnɔ 'da mi gɛ hã mɔ do dia sila. Sɔɛ gɛ, mi zɔa owinɔ 'da mɔ, wa mba li ngba wa do yangga we hã mɔ hã mɔ.

Zumanɔ 139:2

Mi dungu nu tabi mi kulu ngɔ, nɛ mɔ ĩ. Mɔ ĩ ti linggamɔ zu mi zɛ́ belee.

GBA WENƆ 15:26

NWA sɛnɛ 'dã linggamɔ zu wi, nɛ a dɛ yangga do lɛnggɛ dɛa na.

GBA WENƆ 24:9

Yɔndɔ wi lengge fai we dɛ 'dã mɔ. Nɛ wi kɛ a zɔ mɛnɔ vɛ̃ li a yala iko ni, nɛ wa sɛnɛ sɛ a.

Ezai 55:7

E kɔ o'dã winɔ wa kpolo linggamɔ zu wa, nɛ wa la fala 'dã mɛnɔ 'da wa, nɛ wa kifi tɛ wa dɛ 'da NWA Gale, nɛ a ĩ sɛ 'bako hã wa, nɛ a mbɔkɔ sɛ wa.

EZEKIƐLƐ 38:10

“Mi NWA Gale, mi tɔ̃a na: Ngba soe ni ma hɔ, nɛ 'dã linggamɔ ma hɔ sɛ dɛ zu mɔ Gɔgɛ.

MATIE 12:15

Nɛ Yezu zila we nɛ, nɛ a fua tɛ̃ a di ni do'do, nɛ a la dɛ gele fala, nɛ gba gili Owele wa nɛa 'dɔkɔlɔ a. Nɛ a kpasa owi zɛlɛnɔ vɛ̃,

MATIE 16:7

Nɛ owi yambala mɛnɔ wa ma ngɔ tɔ̃ dɛ sanga wa na: “A tɔ̃ ní, we kɛ lɛ kàlà mapa gɔ.”

MATIE 9:4

Nɛ nde Yezu ĩ sɔ ti linggamɛ 'da wa ia, nɛ a tɔ̃ hã wa na: “Gulu kɛ nɛ lengge 'dã linggamɔ ní we ge nde?

MARKO 2:7

“Gulu kɛ wi gɛ dã zu li Gale we ge nde? Wi wia we fo ku'da 'dã mɔ zu wele, wi tati a Gale gɔ nde?”

MARKO 2:9

Mba gɔ, sanga kɛ mi tɔ̃a hã wi kala nyanga gɛ na, mi fua ku'da 'dã mɛnɔ 'da mɔ, do kɛ na, mɔ kúlú ngɔ, kɔ mɔ bá mɔ ɔi 'da mɔ, kɔ mɔ sí ni, kɛ ma nganda wena kɔ nɛ ni a ki nge nde?

MARKO 7:21

Mba gɔ, 'dã linggamɔ yolo kɔ zã wele, sɛ nɛ ma tombo a we yɛnggɛ vĩ zu yɛli, zũ mɔ, gbɛ wele,

LUKA 24:38

Nɛ Yezu tɔ̃ hã wa na: “Gulu kɛ sila nɛ yɛkɛ, nɛ nɛ do kafi ni we ge nde?

LUKA 5:22

Nɛ nde Yezu ĩ sɔ ti linggamɛ 'da wa ia, nɛ a tɔ̃ hã wa na: “Gulu kɛ nɛ lengge ní we ge nde?

LUKA 6:8

Nɛ nde Yezu ĩ ti linggamɛnɔ 'da wa, nɛ a tɔ̃ hã wi kungga kɔ̃ɛ ni na: “Mɔ kúlú ngɔ, kɔ mɔ yóló dɛ li winɔ gɛ vɛ̃.” Nɛ wi ni kulu ngɔ, nɛ a yolo dɛ li winɔ ni.

YOANƐ 21:17

Nɛ 'do nɛ, nɛ a aka 'bɔ fala talɛ kɛ na: “Simɔ, be 'da Yoanɛ, mɔ kɔ̃a gɛnɛ mi nde?” Nɛ 'bako ba li Petro wena, we kɛ Yezu aka a fala talɛ na: “Mɔ kɔ̃a gɛnɛ mi nde” ni. Nɛ Petro gese hã a na: “Nwa, mɔ ĩ ti mɛnɔ vɛ̃, mɔ ĩ na, mi kɔ̃a gɛnɛ mɔ.” Nɛ Yezu tɔ̃ hã a na: “Mɔ fɔ́mɔ́ winɔ 'da mi.

YOANƐ 6:64

Nɛ nde ombe sanga nɛ gɛ, wa kɔ̃̀ ma gɔ.” (Yezu tɔ̃a na mɛ ni, we kɛ a ĩ ti winɔ kɛ wa kɔ̃̀ zi gɔ ni, do wele kɛ a 'dɔlɔ sɛ a ni belee ia.)

Owi Nɛ Tonɔ 5:3

Nɛ Petro tɔ̃ hã Ananiasi na: “Ananiasi, gulu kɛ Satana 'danga sila mɔ, nɛ mɔ 'bili bɛlɛ hã Hi Wi Santo, nɛ mɔ usu mbe nu mbili fɔɛ kɔ tɔa 'da mɔ i, nɛ mɔ tɔ̃ na, mbili fɔɛ 'da mɔ vɛ hã ni we ge nde?

Owi Nɛ Tonɔ 8:22

Kɔ mɔ kífí sila mɔ, nɛ mɔ la fala 'dã mɛnɔ 'da mɔ, nɛ mɔ sambala Gale, kɔ a kɔ̃, nɛ a mbɔkɔ mɔ, nɛ a fo 'dã linggamɛ ni kɔ mɔ do'do.

OHEBRE 4:13

Mɔ kɛ ma usu tɛ ɛ li Gale ni bina. Mɛnɔ vɛ́ kɛ Gale dɛa ma ni, ma ɔ li a dɛ tɛ wila fala iko. A a wi kɛ lɛ tɔ̃ sɛ gulu mɛnɔ vɛ lɛ dɛa ni hã a.

USU MƐNƆ 2:23

Dɛ ngɔ nɛ, mi gbɛ sɛ 'bɔ owinɔ wa nɛ 'dɔkɔlɔ a ni. Na mɛ ni, nɛ eklezianɔ vɛ̃ wa ĩ sɛ na, mi a wi kɛ mi zɔ kɔ sila wele, nɛ mi ĩ ti linggamɔ zu a. Nɛ mi gese sɛ do dɛa toe 'da wele do wele hã a, nɛ ma we do toe a dɛa ni.