MARKO 2:16 - WE NU GALE 1995

¹⁶ Nɛ ombe wi be mbulanɔ kɛ wa zi a Fariziɛnɔ ni, wa nɛa we zɔ na, Yezu tɛ nyɔngɔ mɔ fala nɛ kpo do o'dã winɔ, do owi futa takonɔ ni, nɛ wa aka wi yambala mɛnɔ 'da a na: “Gulu kɛ a nyɔngɔ mɔ do owi futa takonɔ, do o'dã winɔ ní we ge nde?”

MARKO 2:16 Iomraidhean Croise

Ezai 65:5

Nɛ nɛ tɔ̃ hã owinɔ kɛ nɛ kpa wa ni na, wa 'báná dɛ i mɔ, wa tɛ kɔ̀lɔ̀ do lo gɔ, we kɛ lo santo nɛa ngɔ wa. Mi zɔ na mɛ ni, nɛ ma zɛlɛ mi wena, nɛ ngba soe ni vɛ̃ dã kutu kɔ zɔ̃ mi ɔ nɛ zɛ̃ we ni.

MATIE 18:17

Kɔ fala kɛ a zèlè 'bɔ winɔ ni gɔ, nɛ mɔ fi we ni kɔ eklezia. Kɔ fala kɛ a bɛ̃ 'bɔ we zele wa, nɛ nɛ zɔ a nɛ́ a gele wi, tabi 'dã wele ni.

MATIE 5:46

Fala kɛ nɛ kɔ̃ tati a gɛnɛ owinɔ wa kɔ̃a gɛnɛ nɛ ni iko, nɛ dɛ do kɛ nɛ 'bɔ 'da si olo nɛ ni nɛ nde? Gɛnɛ kɔ owi futa takonɔ, wa dɛ 'bɔ na mɛ ni.

MATIE 9:11

Kɔ Ofariziɛnɔ wa nɛa we zɔ ní, nɛ wa aka owi yambala mɛnɔ 'da a na: “Gulu kɛ wi be mɛ 'da nɛ nyɔngɔ mɔ do Owi futa takonɔ do o'dã winɔ we ge nde?”

MARKO 2:15

'Do nɛ, nɛ Yezu do Owi yambala mɛnɔ 'da a, wa tɛ nyɔngɔ mɔ kɔ tɔa 'da Levi ni. Nɛ gba gili owi futa takonɔ, do o'dã winɔ wa tɛa we nyɔngɔ mɛ ni do a. Mba gɔ, Owi ɔ ní wa yɛnggɛ zi 'dɔkɔlɔ a wena.

MARKO 2:7

“Gulu kɛ wi gɛ dã zu li Gale we ge nde? Wi wia we fo ku'da 'dã mɔ zu wele, wi tati a Gale gɔ nde?”

LUKA 18:11

Nɛ Fariziɛ̃ ni kulu ngɔ, nɛ a sambala na: ‘Aa Gale, mi hã iɔ̃nae hã mɔ, we kɛ mi ɔ̀ nɛ mbe winɔ kɛ wa a wi zũ, tabi o'dã wele, tabi wa ɔ do kɛnɛ ngba wa ni gɔ. Mi hã 'bɔ iɔ̃nae hã mɔ, we kɛ mi ɔ̀ nɛ wi futa takoe gɛ gɔ.

LUKA 19:10

We kɛ mi Be 'da Wele, mi tɛa we fa owinɔ kɛ wa yɔa zi wala ni, takɔ mi kpasa wa.”

LUKA 19:7

Kɔ winɔ wa nɛa we zɔ ni, nɛ wa ma ngɔ lungu we, nɛ wa na: “Wi gɛ nɛ ɔ 'da wi dɛ 'dã mɛ gɛ nde?”

LUKA 5:30

Nɛ zã Ofariziɛnɔ do owi be mbulanɔ 'da wa nɔ̃lã, nɛ wa tɔ̃ hã owi yambala mɛnɔ 'da Yezu na: “Gulu kɛ nɛ nyɔngɔ mɔ, nɛ nɛ nɔ dɔ̃ fala nɛ kpo do owi futa takonɔ do o'dã winɔ ní we ge nde?”

Owi Nɛ Tonɔ 23:9

Nɛ wa ma ngɔ he mɔ gboo, nɛ ombe wi be mbulanɔ sanga Ofariziɛnɔ ni, wa kulu ngɔ, nɛ wa amba wa. Nɛ wa tɔ̃ do nga gɛlɛ na: “Lɛ zɔ̀ 'dã mɛ kɛ wi gɛ a dɛa ma ni gɔ. Mbe gɔ, nɛ nde hi wi tabi anzɛ tɔ̃a we hã a tɔ̃a!”

1 KORINTƐ 2:15

Nɛ wi kɛ a do Hi Wi 'da Gale ni, a ĩ ti gɔnɔ sanga wenɔ vɛ, nɛ wele kpo wè tɛ gɔnɔ we 'da a gɔ.

OHEBRE 12:3

Kɔ ma wia na, nɛ lengge do a fai. A kunu zi sila a ngɔ sɛnɛmɛ kɛ o'dã winɔ wa dɛa zi hã a ni. Kɔ nɛ lengge do a, nɛ nde nɛ mbɔ́kɔ́ sɛ gɔ, nɛ nɛ sɛ do kpã sila.