MARKO 16:1 - WE NU GALE 1995

¹ Tũ ɔmɔ tɛ wi la do'do, nɛ Maria, boko Magdala, do Salome, do Maria naa Zake, wa usa nɔ yɔmbɔ we nɛ we a tɛ wɔlɔ Yezu.

MARKO 16:1 Iomraidhean Croise

Ndo Nyanga Dɛ Mɔ 50:2

'Do nɛ, nɛ a tɔ̃ hã monganganɔ kɛ wa dɛ toe hã a ni na, wa a ina tɛ wɔlɔ baa a na, da dɛ kɔ a mbúlú gɔ. Nɛ monganganɔ wa dɛa na mɛ ni.

2 Sakonɔ 16:14

Nɛ wa mi a kɔ mbe kpo kɔ zununɔ kɛ a zã zi ma tɛ kɔ Gba Ngbo Nwa 'da Davidi ni. Nɛ wa ia wɔlɔ a tɛ fala kɛ wa a nɔ yɔmbɔnɔ kpi do kpi se'de ni, nɛ wa dã gã we, nɛ wa dɔ mbe fũ yɔmbɔnɔ ni we be dɔ̃lɔ̃ li 'da a.

MARKO 14:3

Yezu zi a kɔ le Betani, tɛ kɔ tɔa 'da Simɔ, kɛ a zi a wi zɛlɛ ngbɛlɛ ni. Nɛ Yezu dungu nù we nyɔngɔ mɔ, nɛ mbe wuko kpo le do nɔ yɔmbɔ kɔ daka albatrɛ dɛ kɔ̃ a. Yɔmbɛ ni, mɛ a nga li nɛ ngboo, wa dɛa do Hã te narɛ, nɛ mɛ a yɔmbɔ olo gã gole. Nɛ wuke ua nu daka yɔmbɛ, nɛ a tɛnɛ dɛ zu Yezu.

MARKO 14:8

Wuke gɛ dɛa mɔ kɛ ma wia na a dɛ ni. A a yɔmbɛ gɛ tɛ mi dati, takɔ wa mi sɛ do mi.

MARKO 15:40

Nɛ ombe wukonɔ wa zi 'bɔ di ni, wa yula ndũu tɛ ka mɔ dɛ tɛ Yezu. Sanga wukonɔ ni, wi zi a Maria, boko Magdala, do Salome, do Maria, naa Zake be wele kɛ, do Yoze.

MARKO 15:42

Mɛ zi a tũi dati tũ ɔmɔ tɛ wi, nɛ mɛ zi a kɔ̃ tũ kɛ wa 'dafa do ɛngga ɔmɔ tɛ wi ni. Nɛ wese nɛa we gɛ̃ nɛ,

MARKO 15:47

Mɛ ni nɛ nde Maria, boko Magdala, do Maria naa Yoze, wa zi boe, nɛ wa zɔa fala Yozɛfu mi do Yezu ni.

MARKO 16:2

Nɛ do kuti tũi kɔ mbé pɔsɛ 'do ɛngga ɔmɔ tɛ wi ni, nɛ wa kulu ngɔ do titole belee, do fala kɛ wese ndo gba nɛ ni, nɛ wa la ngɔ zuni i.

MARKO 16:8

Nɛ wukonɔ wa hɔa nza kɔ zuni, nɛ wa yu dɛ gele fala, nɛ zu wa vĩ, nɛ tɛ wa tana wena. Nɛ wa tɔ̃̀ sako nɛ hã wele gɔ, we kɛ wa dɛa kili do'do. [

LUKA 23:54

Nɛ ngba soe ni zi a tũ 'dafa tɛ wi dati kɛ na ɛngga ndo ni.

LUKA 23:56

Nɛ 'do nɛ, nɛ wa kpula tɛ wa, nɛ wa fa nwá nyama, do nɔ yɔmbɔ, we fɛlɛ sɛ do tɛ Yezu. Nɛ do kɔ̃ tũ ɔmɔ tɛ wi, nɛ wa kpia tɛ wa ɔ nɛ kɛ mbula tɔ̃a ni.

LUKA 24:1

Nɛ do kuti tũi kɔ mbé pɔsɛ 'do ɛngga ɔmɔ tɛ wi, do titole belee, nɛ owukonɔ wa kala nɔyɔmbɔnɔ wa 'dafa ni, nɛ wa nɛ do ma ngɔ zunu i.

YOANƐ 19:25

Mɛ ni nɛ nde Maria, naa Yezu do boko nya a, wa yolo zi dɛ kɛ zã finda te wa bɛ̃lã do Yezu ni, mba do Maria wuke 'da Klopasi, do Maria, boko Magdala.

YOANƐ 19:31

Mɛ zi a tũ dati tũ ɔmɔ tɛ wi, nɛ do tɛlɛ tɛ mɔ olo yaa Yudanɔ, nɛ nde wa kɔ̃̀ zi na, wɔlɔ 'bana ngɔ finda te do tũ ɔmɔ tɛ wi gɔ. Dɛ ngɔ nɛ, tũi ni zi a tũ gã ɛngga ngboo. Ma kɛ onwa Yudanɔ wa nɛa, nɛ wa aka Pilatɛ, takɔ a ba nu a na, sodanɔ wa gbini nyanga winɔ wa bɛ̃lɛ̃ wa ngɔ finda te ni, kɔ wa fo wa ngɔ finda te do'do.