MARKO 13:2 - WE NU GALE 1995

² Nɛ Yezu gese hã a na: “Mɔ ɔngbɔ gba dia tɔa gɛ nde? Nɛ nde mɔ ĩ na do 'do, nɛ wa 'danga sɛ gba dia tɔa gɛ, nɛ gbãlã ta kpo 'báná sɛ ngɔ ngbɛ ɛ gɔ, ma gbini sɛ vɛ̃.”

MARKO 13:2 Iomraidhean Croise

Yeremi 26:18

“'Da fala Ezekiasi zi a nwa ngɔ nù Yuda ni, nɛ mbe wi gba olo nu Gale zi kpo tɛ kɔ le Moresɛtɛ, li a a Mike. A gba zi olo nu NWA ngɔ mɔ nyanga nza vɛ̃ hã Owi ngɔ nù Yuda na: ‘Kala Sioni ma hɔ sɛ mbé fɔ, le Yeruzalɛmɛ ma dɛ sɛ olo tɔa, nɛ owɔkɔsɔ ma kele sɛ ngɔ kala tɔa Tɛmpɛloe vɛ̃.’

DANIƐLƐ 9:26

Nɛ do Sɔkpɔ kɔ̃ tũnɔ ni, nɛ wa gbɛ sɛ wi kɛ Gale saka a ni, nɛ fo sɛ wi amba zu a bina. 'Do nɛ, nɛ mbé gã wi a hɔ sɛ do osodanɔ 'da a, nɛ a 'danga sɛ le Yeruzalɛmɛ, do tɔa Tɛmpɛloe. Nɛ nde zã Gale ma nɔ̃lɔ̃ sɛ, nɛ a bi sɛ gã wi ni, nɛ a gbɛ a. Nɛ nde dati kɛ na gã wi ni fe ni, nɛ bolo ma te sɛ kɔ le ni, nɛ ma 'danga sɛ wena, ɔ nɛ kɛ Gale 'bili ni.

Mike 3:12

Kɔ nɛ zɔ mɛ kɛ o'dã mɛnɔ 'da nɛ, ma nɛ dɛ nɛ ni: kala Sioni ma hɔ sɛ mbé fɔ, le Yeruzalɛmɛ ma dɛ sɛ olo tɔa, nɛ wɔkɔsɔ ma kele sɛ ngɔ kala tɔa Tɛmpɛloe vɛ̃.

MATIE 24:2

Nɛ Yezu tɔ̃a hã wa na: “Nɛ zɔa mɛnɔ tɛ tɔa gɛ vɛ̃ nde? Mi tɔ̃ hã nɛ do gbãlã we na, wa 'danga sɛ ma vɛ̃, nɛ gbãlã ta kpo 'báná sɛ ngɔ ngbɛ ɛ gɔ, ma gbini sɛ vɛ̃.”

LUKA 21:6

“Ngba soenɔ 'do gɛ, nɛ wa gbini sɛ mɛnɔ nɛ zɔ gɛ vɛ̃, nɛ gbãlã ta kpo 'báná sɛ ngɔ ngbɛ ɛ gɔ, ma gbɛsɛ sɛ vɛ̃.”

Owi Nɛ Tonɔ 6:14

Mba gɔ, lɛ zila a tɛ tɔ̃ na, Yezu, wi Nazarɛtɛ, a 'danga sɛ Tɛmpɛloe, nɛ a kpolo sɛ mbulanɔ kɛ yaa lɛ Mɔizɛ hã zɛ́ ma hã lɛ ni.”

USU MƐNƆ 11:2

Nɛ mɔ tɛ wè 'da du li fanda kɛ 'do tɔa Gale nza nga ni gɔ. Mɔ la ma, we kɛ mi la zi ma hã ogele winɔ. Wa tɛ sɛ, nɛ wa ma le santoe gɛ do nyanga wa gbutu gbutu, gbaa 'do tũ koto do kama bɔa do 'bu nɛ gazɛlɛ.