MARKO 12:3 - WE NU GALE 1995

³ Wi toe ni nɛa we hɔ i mɔ, nɛ wa ba a, nɛ wa zɛ a gbaa, nɛ wa gese a do wila kɔ̃ a.

MARKO 12:3 Iomraidhean Croise

1 Onwanɔ 18:13

Mɔ zèlè we kɛ Yezabɛlɛ gbɛa zi do Owi gba olo nu NWA Gale, nɛ mi kpasa ombe kɔ wa kama kpo ni gɔ nde? Mi kɛ̃a zi sanga wa 'bu wa mɔlɔ mɔlɔ, nɛ mi usu wa kɔ ota ngɔ kalanɔ, nɛ mi gala wa do nyɔngɔmɔ do lì.

1 Onwanɔ 18:4

Mbe ngba soe zi kpo, nɛ Yezabɛlɛ, kɛnɛ nwa, a tɛ gbɛ owi gba olo nu NWA Gale, nɛ Obadia kpasa zi ombe kɔ wa kama kpo. A kɛ̃a zi wa 'bu wa mɔlɔ mɔlɔ, nɛ a usu wa kɔ ota tɛ ngɔ kalanɔ. Nɛ a gala wa do nyɔngɔmɔ do lì.)

1 Onwanɔ 19:10

Nɛ Elia gese hã a na: “Aa NWA Gale ngɔ nyanga nza vɛ̃, mi kɔ mɔ wena, ma kɛ mi wè 'bɔ we kunu sila mi ngɔ 'dã mɛnɔ 'da obe Israɛlɛ gɔ. We kɛ wa 'danga gba tɔkɛ 'da mɔ, wa gbini ogbagala dɔnggɔ do mɔ, nɛ wa gbɛa owi gba olo nu mɔ. Kɔ mɔ zɔ́, mi bana tati a mi zu mi kpo iko, hã wa fa 'bɔ we gbɛ mi gɛ.”

1 Onwanɔ 19:14

Nɛ Elia gese na: “Aa NWA Gale ngɔ nyanga nza vɛ̃, mi kɔ̃ mɔ wena, ma kɛ mi wè 'bɔ we kunu sila mi ngɔ 'dã mɛnɔ 'da obe Israɛlɛ gɔ. We kɛ wa 'danga gba tɔkɛ 'da mɔ, wa gbini ogbagala dɔnggɔ do mɔ, nɛ wa gbɛa owi gba olo nu mɔ. Kɔ mɔ zɔ́, mi 'bana tati a mi zu mi kpo iko, hã wa fa 'bɔ we gbɛ mi gɛ.”

1 Onwanɔ 22:27

Nɛ mɔ tɔ̃ hã wa na, wa fi a bɔlɔkɔ, nɛ wa hã hã a tati a 'bulu mapa be sĩ do lì iko gbaa, we 'bɔ na mi si li bole do lɔa tɛ mi sɛ nɛ de.”

2 Sakonɔ 16:10

Asa nɛa we zele ni, nɛ zã a nɔ̃lɔ̃ dɛ tɛ wi gba olo nu Gale. Nɛ a ba a, nɛ a fi a bɔlɔkɔ. Nɛ do kpo soe ni, nɛ nwa Asa ma ngɔ zɛlɛ tɛ ombe wi kɔ lenɔ.

2 Sakonɔ 36:16

Nɛ nde Oisraɛlɛ wa zɔ zi owi tonɔ ni li wa yala, nɛ wa fi gbɛlɛgbɛsɛ zu owi gba olo nu Gale, nɛ wa bɛ̃ gɛnɛ wenɔ 'da Gale. Na mɛ ni, nɛ zã Gale nɔ̃lɔ̃ zi dɛ tɛ wa do kɛ na, wa wè zi we yu ma gɔ ni.

NEHEMIE 9:26

“Nɛ nde gɛnɛ kɔ na mɛ ni, wa dɛ̃ zi olo nu mɔ gɔ. Wa bɛ̃a zi we nu mɔ, nɛ wa siki zi 'do wa lua do mbula 'da mɔ. Wa gbɛa zi owi gba olo nu mɔ, kɛ wa hɛ̃lɛ̃ zi wa na, wa kpolo tɛ wa dɛ 'da mɔ ni. Wa ɔ̀mɔ̀ zi tɛ dã zu li mɔ gɔ.

Yeremi 2:30

Mi hã zi etumbu hã nɛ, nɛ nde nɛ kpòlò linggamɛ 'da nɛ gɔ, nɛ etumbui ni dɛ̀ mɔ hã nɛ gɔ. Dɛ ngɔ nɛ, nɛ gbɛa Owi gba olo nu mi, ɔ nɛ kɛ ogbɔgbɔ wa gbɛ do Owele ni.”

Yeremi 20:2

nɛ a kulu ngɔ, nɛ a zɛ mi. Nɛ a ba nu a na, wa ba mi, hã wa fi te nyanga mi, nɛ wa ɛnzɛ mi dɛ nu ngbo Bɛnzamɛ, kɛ wa le nɛ dɛ li fanda tɔa Tɛmpɛloe i ni.

Yeremi 29:26

“NWA ia zi mɔ do nganga dɛ olo Yoyada, nɛ mɔ hɔa gã nwa nganga kɔ tɔa Tɛmpɛloe. Kɔ ma wia na, li mɔ sɔ̃ tɛ oyia winɔ kɛ wa ba tɛ wa ɔ nɛ owi gba olo nu Gale ni. Mɔ kálá wa do bɔlɔkɔ, nɛ mɔ fí dɔkpɔ nyanga wa.

Yeremi 44:16

“Lɛ ĩ na, mɔ tɔ̃ wenɔ ni hã lɛ do zu li NWA, nɛ nde lɛ zélé sɛ we nu mɔ gɔ.

MATIE 15:22

Nɛ mbe wuko kpo zi di ni, a a Yuda gɔ, a a boko Kanana. A tɛa, nɛ a he mɔ na: “Nwa, Be 'da Davidi, mɔ ĩ́ 'bako hã mi! Boko be 'da mi do 'dã hi wi kɔ a, nɛ a zɔ ngamɔ wena!”

MARKO 12:2

“Kɔ ma hɔa ngba soe 'bi wala nɛ, nɛ a tombo mbe wi to mɔ́ a kpo hã Owi dɛa tonɔ ni na, a kala kɛ 'dɛ ɛ si do ma hã ɛ.

MARKO 12:4

Nɛ wele fɔɛ tombo mbé wele hã wa, nɛ wa ba 'bɔ wele ki ni, nɛ wa gɔmɔ zu a, nɛ wa dã a vɛ̃.

Owi Nɛ Tonɔ 7:52

Wi gba olo nu Gale, kɛ oyaa nɛ wa hã̀ zɛ́ zɛlɛ tɛ hã a gɔ ni, a boe nde? Wa gbɛa zi owanɔ kɛ wa tɔ̃a we tɛa 'da Wi bɔlɔ zui ni. Nɛ Wi bɔlɔ zui ni, nɛ a nɛ 'dɔla a ngangga gɛ, nɛ nɛ gbɛa a.

1 TƐSALONIKƐ 2:15

Oyudanɔ ni wa gbɛa zi Nwa Yezu, do owi gba olo nu Gale, nɛ wa zɛlɛ zi 'bɔ tɛ lɛ. Dɛa mɔ tɛ wa ma hã yangga hã Gale gɔ, nɛ wa sɛna winɔ vɛ̃!