MARKO 10:1 - WE NU GALE 1995

¹ Nɛ Yezu kulu ngɔ di ni, nɛ a la dɛ ngɔ nù Yude. 'Do nɛ, nɛ a kũ dɛ kulu lì Yɔrdanɛ i. Nɛ gba gili Owele wa tɛa 'bɔ 'da a, nɛ a ma ngɔ be we nu Gale hã wa, ɔ nɛ kɛ a dɛ ma fai ni.

MARKO 10:1 Iomraidhean Croise

WI LENGGE WE 12:9

Wi lengge gulu we kɛ a kɔma 'buki gɛ, a zi a wi hã zã. A bia zi mɛnɔ kɛ a ĩ ti nɛ ni hã owinɔ. A yambala ogba wenɔ, nɛ a fa odia kɛnɔ, nɛ a 'dafa 'da ogba dɔa nɛ.

Yeremi 32:33

Wa siki 'do wa lua do mi. Nɛ gɛnɛ kɔ mi mbese wa 'da fala fai, nɛ nde wele kpo gɛ́ zala ɛ tɛ mbisa wenɔ 'da mi gɔ.

MATIE 26:55

Nɛ Yezu aka gba gili owinɔ ni na: “Gulu kɛ nɛ tɛa 'dɔkɔlɔ mi do okɔya do odɔ te we ba mi, ɔ nɛ kɛ mi a wi zũ ni we ge nde? Tũ kpo kpo, mi dungu zi kɔ Tɛmpɛloe tɛ be we hã owinɔ, nɛ nɛ bà zi mi gɔ.

MATIE 4:23

Nɛ Yezu yɛngga do ngɔ nù Galile vɛ̃ tɛ be mɔ hã owinɔ kɔ tɔa mbulanɔ 'da wa. Nɛ a tɛ be Dia Sako dɛa to nwa 'da Gale hã wa, nɛ a kpasa owi zɛlɛ kpi do kpi.

MARKO 1:21

Yezu do Owi yambala mɛnɔ 'da a, wa la dɛ kɔ le Kafarnaumɛ. Nɛ ma hɔa tũ ɔmɔ tɛ wi, nɛ Yezu lia kɔ tɔa mbula, nɛ a ma ngɔ be we nu Gale.

MARKO 10:2

Nɛ ombe Fariziɛnɔ wa tɛa 'da a, takɔ wa yamba a. Nɛ wa aka a na: “Mbula 'da lɛ hã wala hã wele na, a bɛ̃ kɛnɛ a nde?”

MARKO 12:35

'Da fala kɛ Yezu zi tɛ be wenɔ 'da a kɔ tɔa Tɛmpɛloe ni, nɛ a aka na: “Kɔdɛ kɛ owi be mbulanɔ wa tɔ̃ na, Mɛsiya a be zã Davidi iko ni nɛ nde?

MARKO 14:49

Tũ kpo kpo, mi zi tɛ yɛnggɛ do sanga nɛ gɛ, tɛ be we kɔ Tɛmpɛloe, nɛ nɛ bà zi mi gɔ. Nɛ nde mɛnɔ ma la gɛ, takɔ wenɔ wa kɔma kɔ 'Buki 'da Gale ni, ma dɛ tɛ̃ ɛ.”

MARKO 2:13

Yezu kpolo tɛ̃ a dɛ nu gba ndɔ Galile. Nɛ gba gili owele wa tɛa 'da a, nɛ a ma ngɔ be we nu Gale hã wa.

MARKO 4:2

Nɛ a ma ngɔ be we kpi do kpi hã wa. Nɛ a be zi wenɔ hã wa wena do gba we.

MARKO 6:2

Nɛ do tũ ɔmɔ tɛ wi, nɛ a ma ngɔ be we nu Gale kɔ tɔa mbula. Nɛ gba gili winɔ wa zila bia we 'da a ni, wa ɔngbɔ do ma wena. Nɛ wa ma ngɔ tɔ̃ na: “A kpa hã zã ki ni do nde? A kpa ngawi dɛ gba sɔ̃ mɛnɔ gɛ do nde?

MARKO 6:34

Kɔ Yezu nɛa we zĩlĩ kɔ ga ni, nɛ a zɔ gba gili winɔ ni, nɛ 'bako ba li a dɛ tɛ wa wena, we duzu kɛ wa ɔ nɛ gili bata kɛ fo wi fɔmɔ wa bina ni. Nɛ a ma ngɔ be we nu Gale kpi do kpi hã wa.

MARKO 6:6

Kɔ a nɛa we zɔ na, wa do kɔ̃a we dɛ 'da ɛ bina ni, nɛ a ɔngbɔ wena. 'Do nɛ, nɛ Yezu la we be we nu Gale tɛ kɔ lenɔ vɛ̃ kɛ zã Nazarɛtɛ ni.

YOANƐ 10:40

Nɛ a la dɛ kulu lì Yɔrdanɛ i, tɛ fala Yoanɛ batisa zi do winɔ ni, nɛ a 'bana dɛ di ni.

YOANƐ 11:7

Nɛ 'do nɛ, nɛ a tɔ̃ hã Owi yambala mɛnɔ 'da a na: “Lɛ gílí tɛ lɛ dɛ ngɔ nù Yude i.”

YOANƐ 18:20

Nɛ Yezu gese hã a na: “Mi be zi wenɔ dɛ wila fala, dɛ li gba dɔ. Mi be zi wenɔ fai tɛ kɔ tɔa mbulanɔ, do kɔ Tɛmpɛlo, kɛ Oyudanɔ vɛ̃ wa mba do li ngba wa ni. Mi bè mbe we do usu nɛ gɔ.