MARKO 1:1 - WE NU GALE 1995

¹ Kɛ gɛ mɛ a ndo nyanga Dia Sakoe 'da Yezu Kristo, Be 'da Gale.

MARKO 1:1 Iomraidhean Croise

Zumanɔ 2:7

Nwa ni tɔ́a na: “Nɛ zélé wenɔ kɛ NWA Gale wila hã mi gɛ! A na: ‘Yolo do sɔɛ gɛ, mi hɔa baa mɔ, nɛ mɔ a bulu be 'da mi.

MATIE 14:33

Nɛ owi yambala mɛnɔ sɔ kɔ ga ni, wa gu nù ti Yezu, nɛ wa tɔ̃ hã a na: “Gbãlã we, mɔ a Be 'da Gale!”

MATIE 17:5

Kɔ a 'bana tɛ tɔ̃ we ni, nɛ gba fɛ̃a kutu tɛa, nɛ ma lɔ'ba wa, nɛ wala gɛlɛ wele wila dɛ kɔ kuti ni na: “Wele kɛ gɛ a Be 'da mi, kɛ a ngɔ sila mi, nɛ mi do yangga wena we a. Nɛ zélé a!”

MATIE 3:17

Nɛ wala gɛlɛ wele wila li nza i na: “Wele kɛ gɛ a Be 'da mi, kɛ a ngɔ sila mi, nɛ mi do yangga wena we a.”

MATIE 4:3

Nɛ Satana hɔa, nɛ a tɔ̃ hã a na: “Fala kɛ mɔ a Be 'da Gale kpaa nde, nɛ mɔ tɔ̃́ hã otanɔ gɛ, kɔ ma kifi nyɔngɔmɔ, hã mɔ nyɔngɔ.”

LUKA 1:35

Nɛ anzɛ gese na: “Hi Wi Santo a tɛ sɛ dɛ ngɔ mɔ, nɛ ngawi 'da Gale kɛ a nɛa ngɔ mɛnɔ vɛ̃ ni, ma lɔ'bɔ sɛ mɔ nɛ́ gɔ̃lɔ̃ ni. Nɛ be mɔ ko sɛ a ni, a sɛ a santo, nɛ wa sa sɛ 'bɔ li a na Be 'da Gale.

YOANƐ 1:14

We nu Gale hɔa wele, nɛ a ɔa sanga lɛ, nɛ lɛ zɔa dɔ̃lɔ̃ li 'da a. Mɛ a dɔ̃lɔ̃ li kɛ Baa a Gale hã hã a, kɛ a a kpo Be 'da a ni. Be ni do dia zã wena, nɛ a tɔ̃ zi gbãlã we ngɔ Baa a.

YOANƐ 1:34

Mi zɔa na mɛ ni, nɛ mi tɔ̃ na, a a Be 'da Gale.”

YOANƐ 1:49

Nɛ Natanaɛlɛ tɔ̃ hã a na: “Wi be mɔ, mɔ a Be 'da Gale! Mɔ a Nwa 'da obe Israɛlɛ!”

YOANƐ 20:31

Mi kɔma wenɔ gɛ, takɔ nɛ kɔ̃ na, Yezu a Mɛsiya, Be 'da Gale. Kɔ nɛ kɔ̃ na mɛ ni, nɛ nɛ kpa sɛ kpasi do zu li a.

YOANƐ 3:16

Gale kɔ̃a gɛnɛ winɔ ngɔ nù gɛ la li ngele, ma kɛ a hã kpo Be 'da a na, wi kɛ a kɔ̃ zu li a, nɛ nde a fé sɛ fio gɔ, nɛ a sɛ do kpasi kɛ ma é sɛ gɔ ni.

YOANƐ 6:69

Lɛ kɔ̃a zu li mɔ, nɛ lɛ ĩ 'bɔ na, mɔ a Santo kɛ Gale tumba mɔ.”

Owi Nɛ Tonɔ 13:24

Nɛ dati kɛ na Yezu tɛ ni, nɛ nde Yoanɛ zi tɛ be we nu Gale, tɛ tɔ̃ hã Oyudanɔ na, wa kifi sila wa, kɔ wa kpa batisimɔ.

ROMA 8:3

Mbula kɛ Mɔizɛ kɔma ni, ma wè zi tɛ kpasa wele gɔ, we duzu kɛ winɔ wa zi do ngawi we dɛ ma vɛ̃ bina. Nɛ nde Gale dɛa mɔ kɛ mbula wè tɛ dɛ ma gɔ ni. A tumba Be 'da a ngboo dɛ ngɔ nù gɛ, nɛ a ba kifi tɛ wele, kɛ a a wi dɛ 'dã mɔ ni, nɛ a kala 'dã mɛnɔ 'da winɔ dɛ zu a, nɛ a fe we nɛ. Na mɛ ni, a gbɛa ngawi 'da 'dã mɔ kɔ kifi tɛ lɛ.

ROMA 8:32

Gale kɛ a bè zi zu Be 'da a ngboo ni hã lɛ gɔ, nɛ a 'dɔlɔ a we lɛ vɛ̃ ni, a hã́ sɛ tɛ mɛ 'bɔ mɛnɔ hã lɛ fala nɛ kpo do Be 'da a gɔ nde?