LUKA 8:3 - WE NU GALE 1995

³ do Zanɛ, wuke 'da Suza, gã wi ngɔ tɔa 'da Herodɛ, do Suzanɛ, do gba gili wukonɔ kɛ wa kala zi mɛnɔ 'da wa, nɛ wa gala do Yezu do owi yambala mɛnɔ 'da a ni.

LUKA 8:3 Iomraidhean Croise

1 Sakonɔ 29:14

“Lɛ do owinɔ 'da mi, lɛ a Owele yala iko. Nɛ lɛ do ngawi we hã mɛnɔ gɛ hã mɔ tati a lɛ iko bina. Wi hã mɛnɔ vɛ̃ hã lɛ, wi a mɔ. Nɛ lɛ hã hã mɔ a mɛnɔ kɛ mɔ hã ma hã lɛ ni iko.

Ezai 23:18

Nɛ mbilinɔ kɛ wa kpa sɛ ma ni, ma la sɛ dɛ 'da NWA Gale. Wa mbá sɛ li nɛ we usu ma do mɔ wa gɔ, nɛ nde wi nyɔngɔ sɛ ma, wi a owinɔ kɛ wa dɔnggɔ NWA Gale ni. Wa oso sɛ ma do nyɔngɔmɔ, do dia tulu mɔ́ wa.

MATIE 14:1

Do 'da fala ni, nɛ Herodɛ, nwa ngɔ nù Galile zila wenɔ kɛ winɔ wa tɔ̃ ngɔ Yezu ni.

MATIE 14:3

Ĩ na zi dati, nɛ Herodɛ ba Herodiadɛ, wuke 'da kpasa wi ti a Filipɛ kɔ̃ a do kɛnɛ ɛ. Nɛ Yoanɛ tɔ̃ hã Herodɛ na: “Mɔ wè do ba kɛnɛ nya mɔ gɔ.” Kɔ Herodɛ nɛa we zele ni, nɛ a hã nu a na, wa ba Yoanɛ. Nɛ wa ba a, nɛ wa ɛnzɛ a, nɛ wa fi a bɔlɔkɔ.

MATIE 14:6

Nɛ do ngba soe wa dɛa mɔ dɔ we tũ kula 'da Herodɛ ni, nɛ boko be 'da Herodiadɛ yɔa yɔla dati owinɔ kɛ Herodɛ sa mɔ hã wa ni. Nɛ yɔla ni de tɛ Herodɛ wena,

MATIE 2:11

Nɛ wa ha tɔa, nɛ wa zɔ be do naa a Maria, nɛ wa gu nù, nɛ wa dɔngga be, nɛ wa yala tolenɔ 'da wa, nɛ wa kala mɔ mbali, fũ yɔmbɔ do nɔ mirɛ, nɛ wa 'dɔlɔ hã a.

MATIE 20:8

“Kɔ wese nɛa we gɛ̃ yilili, nɛ wele fɔɛ sa mɔ hã kapita 'da a, nɛ a tɔ̃ hã a na: ‘Mɔ sá mɔ hã owi dɛa tonɔ, kɔ mɔ futa wa. Mɔ ndo futa wa do ngɔ wanɔ 'do gɛ, gbaa we hɔ ngɔ wanɔ sɔ dati ni!’

MATIE 25:40

Nɛ mi gese sɛ hã wa na: ‘Mi tɔ̃ hã nɛ do gbãlã we na, 'da falanɔ vɛ̃ kɛ nɛ gala zi obe winɔ, kɛ wa a nya mi ni, nɛ gala zi mi!’

MATIE 26:11

We duzu kɛ owi sãnɔ wa dɛ sanga nɛ gɛ boe fai. Nɛ nde mi, mi ɔ́ sɛ do nɛ fai gɔ.

MATIE 27:55

Nɛ ogba gili wuko wa zi 'bɔ di ni, wa yula ndũu tɛ ka mɔ dɛ tɛ Yezu. Wukonɔ ni wa yula zi do Yezu tɛ Galile i, nɛ wa yɛnggɛ zi do a we gala a.

LUKA 24:10

Wukonɔ ni zi a Maria, boko Magdala, do Zanɛ, do Maria, naa Zake. Nɛ gele wukonɔ kɛ wa sɔ do wa ni, wa tɔ̃a tɛ mɛ 'bɔ we nɛ hã owi nɛ tonɔ.

YOANƐ 12:6

A tɔ̃̀ ni, we kɛ a lengge do owi sãnɔ lingga ni gɔ, nɛ nde we kɛ a zi a wi zũ, nɛ a zi a wi fɔmɔ mbili 'da ongba a, nɛ a nyɔngɔ nu nɛ do usu nɛ nyɔnga.

Owi Nɛ Tonɔ 13:1

Kɔ eklezia tɛ Antiɔsɛ ni, ombe wi gba olo nu Gale do Owi be mɔ wa zi boe. Wi a Barnabasi, Simeoni (kɛ wa sa li a na Tũ wi ni), do Lusiusi (wi Sirɛnɛ), do Manaɛnɛ (kɛ wa dala zi a fala nɛ kpo do Herodɛ, wi fɔmɔ le ni), do Saulo.

2 KORINTƐ 8:9

Mba gɔ, nɛ ĩ ti dia zã 'da Nwa Yezu Kristo, kɛ a a wi kpamɔ, nɛ a ba tɛ a nɛ́ wi sã we nɛ, takɔ sã 'da a dɛ na, nɛ hɔ Owi kpamɔ ni.

FILIPƐ 4:22

Nɛ owinɔ 'da Gale i nga gɛ vɛ̃, wa hã balɛ hã nɛ, wena a wanɔ kɔ tɔa 'da gã nwa ngɔ nù Roma.

1 TIMOTE 5:10

Nɛ ma wia na, owinɔ wa ĩ ti a we dia dɛa mɔ tɛ a. Wa ĩ na: A dala zi obenɔ 'da a do dia nɛ, nɛ a dɛ zi gbɛla ogɛnɛnɔ 'da a dɛa, nɛ a fɔla zi nyanga owinɔ 'da Gale, nɛ a gala zi Owi 'bako, nɛ a dɛa zi 'bɔ de dɛa mɔ kpi do kpi.