LUKA 7:8 - WE NU GALE 1995

⁸ Mba gɔ, mi tɛ mɛ 'bɔ, mi do onwa ngɔ mi boe, nɛ mi 'bɔ do osoda kɛ wa ti mbula 'da mi ni boe. Kɔ fala kɛ mi tɔ̃ hã mbe na: ‘Mɔ lá!’ Nɛ a la. Kɔ mi tɔ̃ hã mbe na: ‘Mɔ tɛ́!’ Nɛ a tɛ. Kɔ mi tɔ̃ hã wi dɛa toe 'da mi na: ‘Mɔ dɛ́ kɛ gɛ!’ Nɛ a dɛ.”

LUKA 7:8 Iomraidhean Croise

LUKA 7:7

ma kɛ mi zɔa na, mi hɔ̀ 'bɔ wi nɛ dati mɔ gɔ. Kɔ mɔ tɔ̃́ we kpo iko, nɛ wi toe 'da mi a kpasa sɛ.

LUKA 7:9

Kɔ Yezu nɛa we zele ni, nɛ a ɔngbɔ do lɛnggɛ 'da nwa ngɔ sodanɔ ni wena. Nɛ a siki tɛ̃ a, nɛ a tɔ̃ hã gba gili winɔ kɛ wa nɛ 'dɔkɔlɔ a zununu ni na: “Mi tɔ̃ hã nɛ na, kɛ mi ɔa ngɔ nù Israɛlɛ gbaa gɛ, mi kpà mbe wi kɛ a do kɔ̃a we dɛ 'da mi ɔ nɛ wi gɛ gɔ.”

Owi Nɛ Tonɔ 23:17

Nɛ Polo sa mɔ hã mbe wi ngɔ sodanɔ kpo, nɛ a tɔ̃ hã a na: “Mɔ ka be zagbãlã gɛ hã gã wi ngɔ sodanɔ, we kɛ a do lɛnggɛ we tɔ̃ hã a.”

Owi Nɛ Tonɔ 23:23

'Do nɛ, nɛ gã wi ngɔ sodanɔ sa mɔ hã Owi ti a bɔa, nɛ a tɔ̃ hã wa na: “Nɛ ngɛ́mɛ́ li osoda kama bɔa, do Owi kũ ngɔ mbalata 'bu wa sambo, do owi da sɛlɛ kama bɔa. Nɛ nɛ 'dáfá tɛ nɛ, takɔ tũi gɛ, do sa kusi, nɛ nɛ nɛ́ do wa Sezare.

Owi Nɛ Tonɔ 23:26

“Wi a mi Klodɛ Liziasi, mi tumba balɛ hã mɔ Feliksi, gã wi 'da mi.

Owi Nɛ Tonɔ 23:31

Nɛ sodanɔ wa dɛa ɔ nɛ kɛ gã wi ngɔ wa tɔ̃a hã wa ni. Wa ba Polo, nɛ wa kã a do tũi ni gbaa, nɛ wa hɔ tɛ Antipatrisi.

Owi Nɛ Tonɔ 24:23

Nɛ a tɔ̃ hã wi ngɔ sodanɔ, kɛ a zɔ mɔ tɛ Polo kɔ bɔlɔkɛ ni na, wa dá mbe li wa ngɔ a do'do, nɛ wa hã́ mbe wala hã ongba a na, wa tɛ we gala a.

Owi Nɛ Tonɔ 25:26

Nɛ nde mi tɛ kpà we ngboo mi nɛ kɔmɔ ngɔ a hã gã nwa ni gɔ. Ma kɛ mi ia a dati nɛ, nɛ nde wena dati mɔ nwa Agripa, takɔ mɔ aka a, sɛ nɛ mi kpa we mi nɛ kɔmɔ ma ni de.

KƆLƆSƐ 3:22

Nɛ, ongbánɔ, nɛ zélé nu owele nɛ ngɔ nù gɛ kɔ mɛnɔ vɛ̃. Nɛ tɛ zèlè nu wa do ngɔ li wa iko, we de li wa gɔ, nɛ nde nɛ zélé nu wa do dia sila vɛ̃, we kɛ nɛ dɛ kili Nwa Yezu.