LUKA 4:2 - WE NU GALE 1995

² Nɛ a ɔa i mɔ 'bu tũ nalɛ, nɛ Satana zi tɛ yamba sila a. Nɛ tũnɔ ni vɛ̃ Yezu nyɔ̀ngɔ̀ mɔ gɔ, nɛ wɔ ba a.

LUKA 4:2 Iomraidhean Croise

Ndo Nyanga Dɛ Mɔ 3:15

Mi fi sɛ sɛnɛmɔ sanga mɔ do wuko, sanga obe zã mɔ do obe zã a, nɛ obe zã a wa ma sɛ zu mɔ, nɛ mɔ nyɔngɔ sɛ tɛ mɛ 'bɔ timili nyanga wa.”

1 Onwanɔ 19:8

Nɛ Elia kulu ngɔ, nɛ a nyɔngɔ mɔ, nɛ a nɔ lì, nɛ a kpa ngawi, nɛ a ma ngɔ la nɛ. A nɛa ni gbaa 'do 'bu tũ nalɛ, nɛ a hɔ ngɔ kala Horɛbɛ, kɛ mɛ a kala 'da Gale ni.

ƐSTƐRƐ 4:16

“Mɔ sí, nɛ mɔ mba li obe Yudanɔ kɔ Suzɛ gɛ vɛ̃, nɛ nɛ tɛ nyɔngɔ mɔ gɔ, nɛ nɛ wélé nu nɛ tɛ mi na, dɔ mi fé gɔ. 'Do wese talɛ do tũ talɛ, nɛ tɛ 'bè tɛ nyɔngɔ mɔ gɔ, nɛ nɛ tɛ nɔ 'bɔ mbamba lì gɔ. Mi ta 'bɔ do owuko dɛa tonɔ 'da mi, lɛ dɛ sɛ ní. Olo nɛ, nɛ mi gbini sɛ mbula, nɛ mi nɛ sɛ dati nwa. Fala kɛ ma we na mi fe nde, nɛ mi fe sɛ.”

Kulu Tɔa 24:18

Nɛ Mɔizɛ kũ dɛ dati do kɔ gba zɛ̃ we dɛ ngɔ kala 'di, nɛ a ɔa i mɔ 'bu tũ nalɛ.

Kulu Tɔa 34:28

Mɔizɛ ɔa dɛ i mɔ 'bu tũ nalɛ fala nɛ kpo do NWA, nɛ a nyɔ̀ngɔ̀ zi mɔ, tabi a nɔ̀ lì kɔ tũnɔ ni gɔ, Nɛ a kala tanɔ a sɛa ni, nɛ a kɔmɔ mbulanɔ 'bu kɛ Gale hã ma we ndo nyanga gba tɔkɛ ni dɛ ngɔ nɛ.

YONASI 3:7

Nɛ a tombo winɔ 'da a we sa mbula hã winɔ tɛ le Ninivɛ vɛ̃ na: “Nwa do ogã wi ti nu a, wa ba nu wa na, owinɔ do onadalamɛnɔ, ogã sa'de do obe wanɔ, da dɛ kɔ nyɔngɔmɔ kpo tabi lì gbó nu wa gɔ.

MATIE 21:18

Fala nɛa we sa nɛ, nɛ Yezu ma ngɔ kpolo tɛ̃ a dɛ Yeruzalɛmɛ nga, nɛ wɔ ba zi a wena.

MATIE 4:2

Nɛ a ɔa i mɔ 'bu tũ nalɛ, nɛ nde a nyɔ̀ngɔ̀ mɔ gɔ, nɛ wɔ ba a.

LUKA 4:3

Nɛ Satana tɔ̃ hã a na: “Fala kɛ mɔ a Be 'da Gale kpaa nde, nɛ mɔ tɔ̃́ hã ta gɛ, kɔ ma kifi nyɔngɔmɔ, hã mɔ nyɔngɔ.”

YOANƐ 4:6

Nɛ 'de Yakɔbɔ zã zɛ́ ma ni, ma dɛ di ni. Nɛ Yezu mbɔka tɛ gɔnɔ wala do'do, nɛ a dungu nù dɛ kɛ zã nu lì ni. 'Da fala ni, nɛ nde wese hɔa zi gbogbo zu wi.

Mbulanɔ 9:18

“'Do nɛ, nɛ mi tia 'bɔ mbé nɛ, nɛ mi gu li mi nù dati NWA. Nɛ mi 'bana dɛ nù ni 'do 'bu tũ nalɛ, mi nyɔngɔ mɔ gɔ, nɛ mi nɔ̀ 'bɔ mbamba lì gɔ. Mi dɛa zi na mɛ ni, we kɛ nɛ dɛa 'dã mɔ dɛ 'da NWA. Nɛ dɛa zi mɔ kɛ ma dè tɛ NWA gɔ ni, nɛ nɛ nɔ̃lɔ̃ zã a nganda wena.

Mbulanɔ 9:25

“We duzu ki ni, ma kɛ NWA 'bili zi we kumu nɛ. Nɛ nde mi tia, nɛ mi gu li mi nù, nɛ mi 'bana dɛ di ni 'do 'bu tũ nalɛ. Nɛ mi nyɔngɔ mɔ gɔ, nɛ mi nɔ̀ 'bɔ lì gɔ.

Mbulanɔ 9:9

Mi kũ zi dɛ ngɔ kala i, we kala otanɔ bɔa, kɛ Gale kɔma mbɛti gba tɔkɛ 'da a do lɛ dɛ ngɔ nɛ ni. Nɛ mi ɔa i mɔ 'bu tũ nalɛ. Nɛ do kɔ̃ tũnɔ ni vɛ̃, mi nyɔngɔ mɔ gɔ, nɛ mi nɔ̀ 'bɔ mbamba lì gɔ.

OHEBRE 2:18

Nɛ ngangga ni, Yezu wia tɛ gala owinɔ kɛ Satana fa we ɔlɔ wa ni, we kɛ a ngboo ni, Satana fa zi 'bɔ we ɔlɔ a, nɛ a hã ngamɔ hã a.

OHEBRE 4:15

A a gã nwa nganga, nɛ a wia we dɛ 'bako do lɛ 'da fala kɛ lɛ mbɔkɔ ni, we kɛ Satana ɔlɔ zi a do walanɔ kpi do kpi, ɔ nɛ kɛ a ɔlɔ do lɛ ni, nɛ nde Yezu tè kɔ 'dã mɔ gɔ.

1 SAMUƐLƐ 17:16

'Do 'bu tũ nalɛ, titole do gɛ̃a wese, nɛ nde Goliatɛ tɛ be tɛ̃ a dati obe Israɛlɛ fai.