LUKA 4:1 - WE NU GALE 1995

¹ Yezu nɛa we hɔ nza 'dɔ lì Yɔrdanɛ, nɛ ngawi 'da Hi Wi Santo dunu kɔ a, nɛ a kã a dɛ li gba zɔ̃ i.

LUKA 4:1 Iomraidhean Croise

1 Onwanɔ 18:12

Kɔ fala kɛ mi la di do'do, hã Hi Wi 'da NWA Gale tɛ, hã a ba mɔ la do mɔ dɛ gele fala do olo mi gɛ, nɛ mi dɛ sɛ nɛ nɛ nde? Fala kɛ mi tɔ̃ hã Akabɛ ní, hã a zɔ̀ mɔ gɔ ni, nɛ a gbɛ́ sɛ mi gɔ nde? Mɔ ĩ vɛ̃ na, yolo tɛ gã 'da mi gbaa tia do sɔɛ gɛ, mi a ngbongbo wi dɔnggɔ NWA Gale ngboo.

1 Onwanɔ 19:4

Nɛ a la dɛ li gba zɔ i, gbaa nɛ wese gɛ̃ a. Nɛ a dungu nù ti gɔ̃lɔ̃ be te kpo, nɛ a sambala na e fe. A na: “Aa NWA, mbé wɔ tɛ dungu nza tɛ mi 'bɔ bina! Mɔ kɔ, nɛ mɔ gbɛ́ mi iko, we kɛ mi dè nɛ ngɔ oyaa mi gɔ.”

Ezai 61:1

Hi Wi 'da NWA Gale ngɔ mi boe. NWA saka mi, nɛ a tombo mi na, mi nɛ, hã mi be dia sakoe hã owi sãnɔ, nɛ mi nganda sila owinɔ kɛ wa mbɔka ni, nɛ mi tɔ̃ hã owi kɔlɔ 'dulinɔ na, wa hɔa nza kɔ ngbá ia, nɛ mi fo owi bɔlɔkɔnɔ dɛ nza.

EZEKIƐLƐ 3:14

Nɛ ngawi 'da Hi Wi 'da NWA lia kɔ mi nganda wena, nɛ 'da fala a la do mi ni, nɛ a yaka mi, nɛ zã mi nɔ̃lɔ̃.

MATIE 3:16

Yoanɛ batisa Yezu do'do, nɛ Yezu hɔa nza 'dɔ lì do ti, nɛ do kpo fala ni, nɛ li nza hũi, nɛ a zɔ Hi Wi 'da Gale tɛ zĩlĩ dɛ ngɔ a ɔ nɛ gbakulĩ ni.

LUKA 2:27

Yozɛfu do Maria wa hɔa kɔ tɔa Tɛmpɛlo i do nzɔ Yezu, takɔ wa dɛ mɛ kɛ mbula 'da wa tɔ̃a ni, nɛ Hi Wi Santo tombo tɛ mɛ 'bɔ Simeoni dɛ di ni. A nɛa we zɔ be,

LUKA 3:3

Nɛ Yoanɛ yɛnggɛ do ngɔ nùnɔ kɛ zã lì Yɔrdanɛ ni vɛ̃. Nɛ a ma ngɔ tɔ̃ hã winɔ na: “Nɛ kífí sila nɛ, kɔ nɛ kpá batisimɔ, nɛ Gale a fo sɛ ku'da 'dã mɛnɔ zu nɛ.”

LUKA 3:38

nɛ Kainamɛ a be 'da Enosi, nɛ Enosi a be 'da Sɛtɛ, nɛ Sɛtɛ a be 'da Adamu, nɛ Adamu a be 'da Gale.

LUKA 4:14

Nɛ ngawi 'da Hi Wi Santo dunu kɔ Yezu, nɛ a kpolo tɛ̃ a dɛ ngɔ nù Galile i. Nɛ sako li a yɛ'ba ngɔ nùi ni vɛ̃.

LUKA 4:18

“Hi Wi 'da Nwa Gale ngɔ mi boe, a saka mi na, mi be Dia Sakoe hã owi sãnɔ. A tumba mi na, mi tɔ̃ hã owi bɔlɔkɔ na, wa hɔa nza kɔ bɔlɔkɛ ia, nɛ mi hũi li owi lɔa linɔ na, wa zɔ mɔ, nɛ mi fo owinɔ kɛ ogele wele wa zɛlɛ tɛ wa ni ti kɔ̃ Owi zɛlɛ tɛ wa do'do.

YOANƐ 1:32

Nɛ Yoanɛ tɔ̃ 'bɔ na: “Mi zɔa Hi Wi Santo, nɛ nde a yula li nza i, nɛ a zĩlĩ dɛ ngɔ a ɔ nɛ gbakulĩ ni, nɛ a 'bana dɛ ngɔ a ni.

YOANƐ 3:34

Wi kɛ Gale tumba a ni, a tɔ̃ wenɔ 'da Gale, we kɛ Hi Wi Santo 'da Gale dunu kɔ sila a.

Owi Nɛ Tonɔ 1:2

gbaa we hɔ tɛ ngba soe kɛ a kũ nɛ dɛ li nza i ni. Nɛ dati kɛ na, a kũ dɛ li nza i ni, nɛ a tɔ̃a zi mbulanɔ 'da a hã owi yambala mɛno, kɛ a saka zi wa ni. A tɔ̃a ma hã wa do ngawi 'da Hi Wi Santo.

Owi Nɛ Tonɔ 10:38

Nɛ nɛ ĩ tɛlɛ tɛ kɛ Gale hã zi ngawi, do Hi Wi Santo hã Yezu Kristo, wi Nazarɛtɛ ni. Nɛ a yɛnggɛ kɔ le do le tɛ dɛ odia mɔ. A kpasa owinɔ kɛ wa zi kɔ ngbá 'da Satana ni, we kɛ Gale fala nɛ kpo do a.

Owi Nɛ Tonɔ 8:39

Kɔ wa nɛa we hɔ nza 'dɔ lì, nɛ Hi Wi 'da Nwa Gale ba Filipɛ la do a do'do, nɛ gã wi ni zɔ̀ 'bɔ a gɔ. Nɛ a si do yangga.