LUKA 2:4 - WE NU GALE 1995

⁴ Nɛ Yozɛfu kulu tɛ mɛ 'bɔ ngɔ tɛ Nazarɛtɛ, tɛ ngɔ nù Galile, nɛ a si dɛ Bɛtleɛmɛ, tɛ ngɔ nù Yude. Mba gɔ, Bɛtleɛmɛ a le 'da nwa Davidi, nɛ Yozɛfu zi a wi nu fɛlɛ Davidi.

LUKA 2:4 Iomraidhean Croise

Ndo Nyanga Dɛ Mɔ 35:19

'Da fala kɛ Rasɛlɛ fia, nɛ wa mi a dɛ kɛ zã wala Efrata, kɛ wa sa mbe 'bɔ li nɛ na, Bɛtleɛmɛ ni.

Ndo Nyanga Dɛ Mɔ 48:7

Mi kala Manase do Efraimɛ ɔ nɛ obenɔ 'da mi, we lengge do naa mɔ Rasɛlɛ. Mba gɔ, 'da fala kɛ mi yula zi ngɔ nù Mezopotami i, kɔ mi tɛ si ma, nɛ dati kɛ na mi hɔ kɔ le Efrata, tɛ ngɔ nù Kanana ni, nɛ naa mɔ Rasɛlɛ a fe dɛ kɔ̃ mi dɛ li wala ni. Nɛ mi mi zi a dɛ kɛ zã wala ni.” Nɛ sɔɛ gɛ, wa sa li Efrata na Bɛtleɛmɛ.

Mike 5:2

NWA a la sɛ owinɔ 'da a dɛ kɔ owi sɛnɛ wa gbaa na, wuke kɛ a saka a ni, a ko be 'da a. Olo nɛ, nɛ tala obe Israɛlɛ kɛ wa 'bana nza tɛ kɔla 'duli 'di ni, wa si sɛ dɛ ngɔ nù Israɛlɛ, nɛ wa mba li ngba wa do onya wa.

MATIE 1:20

Kɔ a ma ngɔ 'dafa na mɛ ni, nɛ anzɛ 'da Nwa Gale hɔ 'da a li yalɛ, nɛ a tɔ̃ hã a na: “Yozɛfu, be 'da Davidi, mɔ tɛ dɛ̀ kili ba Maria gɔ, we kɛ zã tɛ̃ a gɛ ma yula do wala 'da Hi Wi Santo.

MATIE 2:23

Nɛ wa la dɛ i mɔ, nɛ wa ɔa kɔ mbe le kpo li nɛ a Nazarɛtɛ. Ma la na mɛ ni, takɔ we owi gba olo nu Gale wa tɔ̃a zɛ́ na: “Wa sa sɛ li a na wi Nazarɛtɛ” ni, ma dɛ tɛ̃ ɛ.

LUKA 2:3

Nɛ wele do wele si zi dɛ kɔ le 'da ɛ ngboo ni, takɔ wa kɔmɔ li a.

LUKA 2:5

Yozɛfu nɛa zi fala nɛ kpo do wuke 'da a Maria, kɛ zã a dɛla zi kporr ni.

LUKA 4:16

Nɛ Yezu hɔa tɛ Nazarɛtɛ, le kɛ a gã zi dɛ kɔ nɛ ni. Nɛ do tũ ɔmɔ tɛ wi, nɛ a nɛa kɔ tɔa mbula ɔ nɛ kɛ a dɛ ma fai ni. Nɛ a kulu ngɔ we tɔlɔ 'Buki 'da Gale,

YOANƐ 1:46

Nɛ Natanaɛlɛ tɔ̃ hã a na: “Dia mɔ wia we hɔ kɔ le Nazarɛtɛ nde?” Nɛ Filipɛ na: “Mɔ tɛ́, kɔ mɔ zɔ́!”

YOANƐ 7:42

'Buki 'da Gale tɔ̃a na, Mɛsiya sɛ a wi nu fɛlɛ Davidi, nɛ a yolo sɛ tɛ Bɛtleɛmɛ, le ma kua nwa Davidi ni.”

RUTI 1:19

Nɛ wa nɛa bɔa nɛ ni gbaa, nɛ wa hɔ kɔ le Bɛtleɛmɛ. Wa nɛa we le dɛ Bɛtleɛmɛ i, nɛ ogba dɔa wele wa gɔnɔ dati wa. Nɛ owukonɔ wa aka na: “Wi gɛ a Noemi nde?”

RUTI 2:4

Olo nɛ la sĩ, nɛ Buzɛ yolo Bɛtleɛmɛ i, nɛ a hɔ. Nɛ a fana Owi dɛa tonɔ na: “NWA dúngú do nɛ!” Nɛ wi dɛa tonɔ wa gese tɛ mɛ 'bɔ na: “NWA wélé nu a tɛ mɔ!”

RUTI 4:11

Nɛ okumunɔ, do wanɔ vɛ̃ kɛ wa zi di ni ni, wa gese na: “Ĩi, lɛ kɔ̃a, lɛ a Otemɔɛnɔ 'da mɔ. E kɔ nwa wele nu a tɛ wuke mɔ nɛ ba a, we e a kɔ tɔa 'da mɔ ni. E kɔ a ɔ nɛ Rasɛlɛ do Lea, wukonɔ 'da Yakɔbɔ, kɛ wa kua lɛ obe Israɛlɛ vɛ̃ ni. E kɔ kpamɛ 'da mɔ ma gã kɔ nu fɛlɛ Efrata, nɛ sako li mɔ dɔ̃lɔ̃ kɔ le Bɛtleɛmɛ vɛ̃.

RUTI 4:17

Ongba Noemi wukonɔ wa ia zi li be na Obɛdɛ, nɛ wa na: “Noemi kpa be yaa wi.” Obɛdɛ gã zi, nɛ a kua bulu be, nɛ a e li a na Yɛse. Nɛ Yɛse kua Davidi.

1 SAMUƐLƐ 16:1

NWA tɔ̃a hã Samuɛlɛ na: “Mɔ nɛ he kɔ̃a Saulo hia fai nde? Mi bɛ̃a gɛnɛ a ia, a 'bɔ mbé nɛ a nwa ngɔ nù Israɛlɛ gɔ. Na mɛ ni, mɔ kúlú ngɔ, kɔ mɔ bá daka nɔɛ 'da mɔ, kɔ mɔ nɛ́ 'da mbe wi wili kpo tɛ kɔ le Bɛtleɛmɛ, li a a Yɛse. We kɛ mi saka nwa kɛ mi kɔ̃a a ni sanga obenɔ 'da a.”

1 SAMUƐLƐ 16:4

Samuɛlɛ dɛa nɛ́ kɛ nwa tɔ̃a hã a ni. Nɛ a nɛa Bɛtleɛmɛ i. Okumu le ni wa zɔa a, nɛ wa tɛ we kpa a, nɛ nde sila wa dɛ ngɔ wena. Nɛ wa aka a na: “Aa wi zɔ mɔ, mɔ tɛa do dia kɔ sila nde?”

1 SAMUƐLƐ 17:12

Davidi a be 'da Yɛse, wi nu kpala Efrata, tɛ kɔ le Bɛtleɛmɛ, ngɔ nù Yuda. Yɛse kua zi obulu be ngbɛ'dɛ'dɛ, nɛ do 'da fala Saulo zi a nwa ni, nɛ nde a dɛa kpasa wena.

1 SAMUƐLƐ 17:58

A hɔa, nɛ Saulo aka a na: “Be 'daa, mɔ a wio nde?” Nɛ Davidi gese na: “Mi a be 'da wi toe 'da mɔ Yɛse, kɛ a a wi kɔ le Bɛtleɛmɛ ni.”

1 SAMUƐLƐ 20:6

Kɔ fala kɛ baa mɔ aka we mi, nɛ mɔ tɔ̃ hã a na, mi gɔa kɔ̃ mɔ na, mɔ hã wala hã mi, nɛ mi wɛlɛ tɛ mi dɔ̃ tɛ le 'da mi Bɛtleɛmɛ i, takɔ mi mba do owi nu fɛlɛ kulanɔ 'da mi, 'da fala dɔnggamɛ kɛ wa hã ma hã Gale kɔ sabɛlɛ do sabɛlɛ ni.