LUKA 10:2 - WE NU GALE 1995

² Nɛ a tɔ̃ hã wa na: “Kpalɛ ma li fɔ i wena, nɛ nde Owi dɛ to kala ma wa dɛlɛ gɔ. Kɔ nɛ áká wele fɔɛ, kɔ a tombo Owi dɛa to we kala kpalɛnɔ ni.

LUKA 10:2 Iomraidhean Croise

1 Onwanɔ 18:22

Nɛ Elia tɔ̃ 'bɔ hã wa na: “Wi 'bana di do wi gba olo nu NWA Gale, wi a mi zu mi kpo, ĩ na owi gba olo nu gale Bala wa kama nalɛ do 'bu wa mɔlɔ.

Zumanɔ 68:11

Nɛ owinɔ 'da mɔ wa dɛa tɔa dɛ ngɔ nùi ni, we kɛ mɔ Gale, kɛ mɔ dia la mɔ vɛ̃ ni, mɔ 'dafa zi nùi ni hã Owi 'bakonɔ.

Yeremi 3:15

Mi fa sɛ owinɔ kɛ wa wia li mi ni, nɛ wa kã sɛ nɛ ɔ nɛ kɛ ma wia ni, do hã zã ngboo.

ZAKARIA 11:17

'Bako do wi fɔmɔ bata kɛ a la nadalamɛnɔ 'da a iko ni. E kɔ bolo te, nɛ ma 'danga ngawi 'da a vɛ̃. Nɛ e kɔ gbali a kɛ si ngawili kɔ ma o!”

ZAKARIA 11:5

Owinɔ wa oso batanɔ ni, wa 'bili gɛlɛ wa, nɛ wa la iko, wa kpá etumbu gɔ. Wa be gole mulu batanɔ ni, nɛ wa tɔ̃ na: ‘Lɛ dɔ́nggɔ́ nwa, we kɛ lɛ hɔa wi kpamɔ.’ Gɛnɛ kɔ Owi fɔmɔ batanɔ ni, wa ĩ̀ 'bako hã batanɔ gɔ.”

Tɔlɔ Mɔ 11:17

Mi zĩlĩ sɛ we wele we do mɔ dɛ di ni. Nɛ mi dɛ sɛ na, Hi Wi kɛ mi hã ma hã mɔ ni, zĩlĩ tɛ mɛ 'bɔ ngɔ wa. Na mɛ ni, nɛ wa gala sɛ mɔ, nɛ mɔ bá sɛ 'bɔ dĩ tole winɔ gɛ zu mɔ kpo gɔ.

Tɔlɔ Mɔ 11:29

Nɛ Mɔizɛ gese hã a na: “Mɔ bi tɛ mɔ we mi nde? Ma wia sɔ na, nwa tombo Hi Wi 'da a dɛ ngɔ obe Israɛlɛ vɛ̃, takɔ wa hɔ owi gba olo nu a.”

MATIE 20:1

Nɛ Yezu tɔ̃ hã wa na: “Dɛa to nwa 'da Gale ma wia kɔ̃ do lɛnggɛ 'da mbe wele fɔ kpo, a kulu ngɔ do titole belee, nɛ a ma ngɔ fa owele we dɛ to kɔ fɔ vinɔ 'da a.

MARKO 13:34

Ma ɔ sɛ nɛ lɛnggɛ 'da mbe wi wili kpo, a nɛa we la gɛnɛ, nɛ a la nu tɔa 'da a hã owi dɛa tonɔ 'da a, nɛ a kɛ̃ to hã wele do wele na a dɛ ma. Nɛ a tɔ̃ hã wi zɔ mɔ nu ngboe na, li a ɔ tɛ nu tɔa, nɛ a la.

MARKO 16:15

Nɛ 'do nɛ, nɛ a tɔ̃ hã wa na: “Nɛ yɛ́nggɛ́ nyanga nza gɛ vɛ̃, nɛ nɛ bé Dia Sakoe hã owinɔ.

MARKO 16:20

Nɛ owi yambala mɛnɔ wa la tɛ be Dia Sakoe hã owinɔ nyanga nza gɛ vɛ̃. Nɛ Nwa Yezu zi do wa kɔ dɛa toe 'da wa. Nɛ wa dɛa ogba sɔ̃ mɔ do ngawi 'da a, we be hã owinɔ na, wenɔ wa be ni, mɛ a ngbongbo we.]

LUKA 9:1

Nɛ Yezu sa mɔ hã owi yambala mɛnɔ 'da a 'bu ngɔ wa bɔa ni, nɛ a hã ngawi we fo o'dã hi wi kɔ Owele do we kpasa owi zɛlɛ hã wa.

Owi Nɛ Tonɔ 11:19

'Do kɛ wa gbɛa zi Etiɛnɛ ni, nɛ wa ma ngɔ zɛlɛ tɛ Owi kɔ̃a wenɔ. Nɛ Owi kɔ̃a wenɔ wa yu, nɛ wa pɛsɛ, nɛ ombe wa la gbaa dɛ ngɔ nù Fenisi, do Siprɛ, do Antiɔsɛ, nɛ wa be we 'da Yezu. Nɛ nde wa be tati nɛ hã Oyudanɔ iko.

Owi Nɛ Tonɔ 13:2

Nɛ ngba soe kpo, nɛ wa bɛa nyɔngɔmɔ, nɛ wa tɛ dɔnggɔ Nwa Gale. Nɛ Hi Wi Santo tɔ̃ hã wa na: “Nɛ lá Barnabasi do Saulo do tɛ ɛ, takɔ wa dɛ toe kɛ mi sa zi mɔ hã wa we nɛ ni.”

Owi Nɛ Tonɔ 13:4

Nɛ Hi Wi Santo tumba Barnabasi do Saulo, nɛ wa hɔ nu lì tɛ Selesi. Nɛ wa kũ kɔ masua, nɛ wa la dɛ tɛ ngolo lì Siprɛ.

Owi Nɛ Tonɔ 20:28

Nɛ dĩ́lĩ́ fala tɛ nɛ, nɛ nɛ zɔ́ mɔ tɛ gili winɔ 'da Gale, kɛ Hi Wi Santo hã wa hã nɛ ni. Ma wia na, nɛ fɔmɔ ogili wi Kristonɔ, kɛ Gale kpa wa olo li fio Be 'da a ni.

Owi Nɛ Tonɔ 22:21

Nɛ Nwa Yezu tɔ̃a 'bɔ hã mi na: ‘Mɔ lá, we kɛ mi tombo sɛ mɔ ndũu dɛ sanga winɔ kɛ wa a Oyuda gɔ ni.’ ”

Owi Nɛ Tonɔ 8:4

Nɛ owi kɔ̃a wenɔ kɛ wa pɛsa zi ndã ndã ni, wa ma ngɔ yɛnggɛ do ngɔ nùnɔ vɛ̃ tɛ be Dia Sakoe hã winɔ.

1 KORINTƐ 12:28

Gale kɛa tonɔ kpi do kpi hã owinɔ kɔ Eklezia. A a Owi nɛ tonɔ 'da Yezu Kristo dati, nɛ tɛ bɔa nɛ, wi a owi gba olo nu Gale, nɛ tɛ talɛ nɛ, wi a owi be mɛnɔ. Nɛ 'do nɛ, nɛ wi a owi dɛ gba sɔ̃ mɛnɔ, nɛ 'do wa, wi a owinɔ kɛ wa do ngawi we kpasa Owi zɛlɛ, do wanɔ wa gala Owele, do wanɔ wa dungu nwa ngɔ ngba wa, do wanɔ wa tɔ̃ gele nunɔ kpi do kpi ni.

1 KORINTƐ 15:10

Nɛ nde Gale bia dia zã 'da a hã mi, gulu nɛ a mi ɔ sɔɛ gɛ na mɛ gɛ. Nɛ dia zã Gale bia hã mi ni, ma là yala iko gɔ, we kɛ mi dɛ to wena, mi dɛa nɛa ngɔ Owi nɛ tonɔ vɛ́. Nɛ nde mi dɛ̀ ma do ngawi 'da mi wele nɛ gɔ, mi dɛa do ngawi 'da Gale, kɛ a hã ma hã mi do dia zã 'da a ni.

2 KORINTƐ 6:1

Kɔ lɛ winɔ kɛ lɛ dɛ toe fala nɛ kpo do Gale ni, lɛ aka nɛ na, da dɛ kɔ dia zã kɛ Gale bia hã nɛ ni, ma ɔ́ yala iko gɔ.

FILIPƐ 2:21

Tala winɔ vɛ̃, wa lengge tati a dia mɛ 'da wa wele nɛ iko, wa lénggé do we 'da Yezu Kristo gɔ.

FILIPƐ 2:25

Nɛ nde mi zɔa na, ma dia fɛ̃ na, mi tombo nya mi Epafroditɛ hã nɛ. A a ngba mi wi dɛa to, nɛ lɛ bi zi bole do a kpo we be Dia Sakoe. Nɛ nɛ tumba zi a hã mi, takɔ a gala mi do mɛnɔ kɛ mi zɔla ni.

FILIPƐ 2:30

Mba gɔ, a hɔa fɛna fio kɔ dɛa toe 'da Kristo. A kã zi tɛ̃ a hã fio we gala mi do mɛ kɛ nɛ wè zi tɛ dɛ nɛ gɔ ni.

KƆLƆSƐ 1:29

Kɔ mi gbɛ tɛ mi we dɛa toe ni, nɛ mi bi nganda wena do ngawi 'da Kristo kɛ ma dɛ toe kɔ mi ni.

KƆLƆSƐ 4:12

Epafrasi, kɛ a 'bɔ a wi 'da nɛ ni, a hã balɛ hã nɛ. A a wi dɛa to 'da Yezu Kristo, nɛ a sambala Gale we nɛ 'da fala fai. A sambala na, nɛ yolo nganda, nɛ nɛ hɔ owinɔ kɛ kɔ̃a we 'da wa nganda ia ni. Nɛ nɛ ĩ ti mɛ kɛ zã Gale kɔ̃a na nɛ dɛ ma ni, nɛ nɛ tɛ ɔ̀ do kafi gɔ.

1 TƐSALONIKƐ 2:9

Onyae, nɛ ĩ ti tɛlɛ tɛ kɛ lɛ gbɛa zi do tɛ lɛ li dɛa toe ni. 'Da fala kɛ lɛ be zi Dia Sakoe 'da Gale hã nɛ ni, lɛ dɛ zi to tũ do gba wese na, dɔ lɛ ha dĩ tole hã wele kpo sanga nɛ gɔ.

1 TƐSALONIKƐ 5:12

Onyae, lɛ aka nɛ na, nɛ dɔ́nggɔ́ owinɔ sanga nɛ, kɛ Nwa ia wa na wa kpe ti nɛ, nɛ wa bɔlɔ nɛ ni.

2 TƐSALONIKƐ 3:1

Onyae, do ndɔti nɛ, mi aka nɛ na, nɛ sámbálá Gale we duzu lɛ, takɔ we 'da Nwa yɛ'bɛ dɛ dati, nɛ sako nɛ yɛ'bɛ falanɔ vɛ̃, ɔ nɛ kɛ ma yɛ'ba zi 'da nɛ i ni.

1 TIMOTE 4:10

Mɔ zɔ́ gulu kɛ lɛ bi nganda, nɛ lɛ gbɛ tɛ lɛ li dɛa toe gɛ a ni. Mba gɔ, lɛ gbini zã lɛ do Gale, wele kpasi, kɛ a hã kpasi hã owinɔ vɛ̃, nɛ nde dati ngboo hã wanɔ kɛ wa kɔ̃a zu li a ni.

2 TIMOTE 4:5

Kɔ we mɔ, mɔ ní sila mɔ kɔ mɛnɔ vɛ̃, dɔ ma kpóló linggamɛ 'da mɔ gɔ, nɛ mɔ kúnú sila mɔ kɔ ngamɛnɔ mɔ kpa ni. Mɔ bá tɛ mɔ we be Dia Sakoe, nɛ mɔ 'dáfá toe 'da mɔ na, ma ɔ dia.

FILEMƆ 1:1

Wi a mi Polo, wi bɔlɔkɔ we duzu Yezu Kristo, lɛ do nya lɛ Timote, lɛ kɔmɔ mbɛti gɛ hã mɔ Filemɔ, kɛ mɔ a yali ngba lɛ, nɛ mɔ 'bɔ a ngba lɛ wi dɛa toe 'da Kristo ni.

OHEBRE 3:6

Nɛ nde Yezu Kristo a Be 'da Gale, kɛ Gale ia a ngɔ winɔ 'da a vɛ ni, nɛ Yezu dɛa toe 'dɛ ɛ do wala olo nɛ. Owinɔ 'da Gale ni wi a lɛ. Kɔ ma wia na, lɛ ɔ do kpã sila, nɛ lɛ 'bana tɛ gbini zã lɛ do mɛnɔ kɛ lɛ a linggamɛnɔ 'da lɛ na, a dɛ sɛ hã lɛ ni.

USU MƐNƆ 2:1

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Efɛzɛ ni na: “Wi kɛ a 'be sɔlanɔ sambo do ngawili kɔ̃ a, nɛ a yɛnggɛ do sanga omɔ a do mwindanɔ sambo, kɛ wa dɛa do mɔ mbali ni tɔ̃a na: