Levitɛnɔ 9:9 - WE NU GALE 1995

⁹ Obenɔ 'da a wa kpɔa tɔkɔ sa'de, nɛ wa tɛ do ma hã a. Nɛ a fi zu kɔ̃ a 'dɔ nɛ, nɛ a kɔ tɛ 'bɛ̃lɛ̃ zu gbagala. Nɛ a tɛnɛ tala tɔkɛ dɛ tɛ nyanga gbagala.

Levitɛnɔ 9:9 Iomraidhean Croise

EZEKIƐLƐ 43:15

Nɛ ma la 'bɔ dɛ ngɔ we mɛtrɛ bɔa, nɛ wa hɔ tɛ fala wa dɔ do sa'denɔ ni. Nɛ wa dɛa li gbala nɛ do nalɛ nɛ, nɛ ma kusu dɛ ngɔ nɛa ngɔ tala zu gbagala.

EZEKIƐLƐ 43:20

Mɔ kpɔ sɛ tɔkɔ sa'de ni, nɛ mɔ kpã ma tɛ li gbala gbagala, kɛ wa dɛa ma kusu dɛ ngɔ, do gbogbo zã gbagala, do fala wa kila do nu gbagala zĩ takpa ni. Mɔ dɛ sɛ na mɛ ni, takɔ gbagala hɔ santo li mi, nɛ mɔ e ma hã mi.

Levitɛnɔ 16:18

nɛ a yolo sɛ tɛ Fala kɛ ma santo wena ni, nɛ a hɔ dɛ fala do gbagala dati tɔa Tande ni. Nɛ a dɛ mɔ kɛ na, ma fɔlɔ gbagala, kɔ ma hɔ sa li mi Gale ni. A ba sɛ tɔkɔ wili ngɔmbɛ do wili dua sĩ, nɛ a kɔ tɛ 'bolo zã gbagala.

Levitɛnɔ 4:25

Nɛ nganga a fi sɛ zu kɔ a 'dɔ tɔkɔ sa'de, nɛ a ndɔ tɛ 'bɛ̃lɛ̃ zu gbagala kɛ wa dɔ do dɔnggamɛnɔ hã NWA ni. 'Do nɛ, nɛ a tɛnɛ tala tɔkɛ dɛ nyanga gbagala ni.

Levitɛnɔ 4:30

Nɛ nganga a fi sɛ zu kɔ̃ a 'dɔ tɔkɔ sa'de, nɛ a ndɔ tɛ 'bɛ̃lɛ̃ zu gbagala dɔ do dɔnggamɛnɔ hã NWA. 'Do nɛ, nɛ a tɛnɛ sɛ tala tɔkɛ dɛ nyanga gbagala ni.

Levitɛnɔ 8:15

Mɔizɛ 'bili gɛlɛ a, nɛ a kpɔ tɔkɛ, nɛ a fi zu kɔ̃ a 'dɔ nɛ, nɛ a kɔ tɛ 'bɛ̃lɛ̃ zu gbagala, takɔ ma hɔ sa li Gale. 'Do nɛ, nɛ a tɛnɛ tala tɔkɛ ni dɛ tɛ nyanga gbagala, we e ma hã Gale, takɔ a dɔ do sa'de fo ku'da 'dã mɔ zu winɔ. Ki ni a tɛlɛ tɛ kɛ Mɔizɛ dɛa do gbagala we e ma hã NWA gɛ a ni.

Levitɛnɔ 9:10

A dɔa kɛndɔnɔ tɛ wala kole sa'de, do gba'bua do Okɛndɔ se'de ni, ɔ nɛ kɛ NWA ba do nu a hã Mɔizɛ ni.

Levitɛnɔ 9:12

'Do nɛ, nɛ Aroni 'bili gɛlɛ wili bata, nɛ a dɔ a we dɔnggɔ do NWA. Nɛ obenɔ 'da a wa kpɔa tɔkɔ nɛ, nɛ wa tɛ do ma hã a. Nɛ a kpã ma tɛ 'bolo zã gbagala.

Levitɛnɔ 9:18

'Do nɛ, nɛ a 'bili gɛlɛ wili ngɔmbɛ do wili bata, kɛ owinɔ wa tɛa do ma do dɔnggamɛ we be dɛa na ni. Nɛ obenɔ 'da a wa kpɔa tɔkɔ nɛ, nɛ wa tɛ do ma hã a, nɛ a kpã ma tɛ 'bolo zã gbagala.

OHEBRE 2:10

Gbãlã we, ma wia zi na, Gale kɛ a dɛa mɛnɔ vɛ, nɛ a zɔ mɔ tɛ nɛ vɛ ni, a 'dafa tɛ mɛ 'bɔ Yezu, nɛ a we ngboo, we duzu zɛlɛ tɛ a kpa ni. Gale dɛa na mɛ ni, takɔ Yezu hũi wala kpasi hã ogba gili wele, nɛ wa hɔ benɔ 'da Gale, nɛ wa mba kpo do a kɔ dɔ̃lɔ̃ li 'da a.