Levitɛnɔ 9:7 - WE NU GALE 1995

⁷ Nɛ a tɔ̃ hã Aroni na: “Mɔ tɛ́, kɔ mɔ kɔlɔ do gbagala, kɔ mɔ hã dɔnggamɛ 'da mɔ, we fo ku'da 'dã mɛ 'da mɔ, nɛ mɔ dɔ 'bɔ mbee nɛ, we dɔnggɔ do NWA. Dɔnggamɛ ni ma dɛ sɛ na, NWA fo ku'da 'dã mɛ 'da mɔ, do kɛ 'da owinɔ. 'Do nɛ, nɛ mɔ hã dɔnggamɛ kɛ owinɔ wa tɛa nɛ ni hã NWA. Nɛ ma fo ku'da 'dã mɛnɔ zu owinɔ, ɔ nɛ kɛ NWA ba do nu a ni.”

Levitɛnɔ 9:7 Iomraidhean Croise

Levitɛnɔ 16:11

“Nɛ Aroni a ba sɛ wili ngɔmbɛ, nɛ a 'bili gɛlɛ a, nɛ a hã a do dɔnggamɔ hã mi NWA na, ma fo ku'da 'dã mɔ zu a do owi nu fɛlɛ a.

Levitɛnɔ 16:24

A hɔlɔ ma, nɛ a fɔlɔ tɛ̃ a tɛ mbe fala kɛ ma santo ni, nɛ a he'de tulunɔ 'da a, nɛ a hɔ we dɔ sa'de bɔa, we dɔnggɔ do mi NWA na, ma fo ku'da 'dã mɔ zu a, do obe Israɛlɛ.

Levitɛnɔ 16:6

Nɛ Aroni a ba sɛ wili ngɔ mbe ni, nɛ a hã a do dɔnggamɔ hã mi NWA, takɔ mi fo ku'da 'dã mɛ zu a do owi nu fɛlɛ a.

Levitɛnɔ 4:3

“Fala kɛ gã nwa nganga hã a dɛ 'dã mɔ, nɛ 'dã mɛ 'da a ma te sɛ ngo owinɔ vɛ. Nɛ a tɛ sɛ do wili ngɔmbɔ kɛ fo kunda tɛ̃ a bina ni, nɛ a doɛnggɔ do NWA, takɔ ma fo ku'da 'dã mɛ zu a.

Levitɛnɔ 8:34

NWA ba nu a na, wa dɛ kpasaa ɔ nɛ kɛ lɛ dɛa sɔɛ gɛ ni, takɔ a fo ku'da 'dã mɛ zu nɛ.

Levitɛnɔ 9:2

Nɛ a tɔ̃ hã Aroni na: “Mɔ bá he zagbãlã ngɔmbɔ, do wili bata kɛ fo kunda tɛ̃ wa bina ni, nɛ mɔ tɛ do wa dati NWA. Mɔ hã sɛ be zagbãlã ngɔmbɛ do dɔnggamɔ we fo ku'da 'dã mɔ, nɛ mɔ dɔ wili bata we dɔnggɔ do NWA.

OHEBRE 5:1

Owinɔ wa saka gã nwa nganga sanga wa kpo kpo vɛ, nɛ wa e a na, a dɛ to dati Gale we duzu lo. A hã odɔnggamɔ hã Gale, nɛ a dɔ osa'de hã a we si do ku'da 'dã mɛnɔ 'da winɔ.

OHEBRE 5:3

Nɛ we duzu kɛ a do ngawi yu 'dã mɔ bina ni, a dɔ́ sa'denɔ hã Gale we lengge do 'dã mɛnɔ 'da otala gele winɔ iko gɔ, nɛ nde ma tɛ mɛ 'bɔ we duzu 'dã mɛnɔ 'da a wele nɛ.

OHEBRE 9:7

Nɛ wi kɛ a le tɛ kɔ bɔa 'bili kɔ tɔa ni, wi tati a gã nwa nganga zu a kpo, nɛ kɔ sabɛlɛ kpo, a le i mɔ fala kpo. Nɛ a le do tɔkɔ sa'de we a ma ngɔ gbagala hã Gale na, a fo ku'da 'dã mɛnɔ 'da ɛ, do ku'da 'dã mɛnɔ kɛ tala ogele winɔ wa dɛa ma, nɛ nde wa ĩ̀ we nɛ gɔ ni.

1 SAMUƐLƐ 3:14

Ma kɛ mi fɔmbɔ nu fɛlɛ a na, gɛnɛ kɔ wa gbɛ sa'de we dɔnggɔ do mi, tabi wa hã dɔnggamɔ, nɛ nde ma fó sɛ ku'da 'dã mɔ zu wa fala kpo gɔ.”