Levitɛnɔ 9:4 - WE NU GALE 1995

⁴ Wa tɛ sɛ 'bɔ do wili ngɔmbɔ, do wili bata, mba do dɔnggamɔ fũ kɛ wa zanga ma do nɔ ni hã NWA. Nɛ ma sɛ a dɔnggamɔ kɛ ma be dɛa na. Mba gɔ, sɔɛ gɛ, NWA a be sɛ tɛ̃ a hã nɛ.”

Levitɛnɔ 9:4 Iomraidhean Croise

Kulu Tɔa 16:10

'Da fala Aroni tɛ tɔ̃ we hã obe Israɛlɛ ni, nɛ wa siki li wa si 'biti li gba zɔ̃ɛ, nɛ wa zɔ lɔnggɔ zɛ̃ we kɛ ma be dɔlɔ li 'da NWA ni.

Kulu Tɔa 19:11

Nɛ wa 'dáfá tɛ wa we mbasa, we kɛ ngba soe ni, winɔ vɛ̃ wa zɔ sɛ mi tɛ zĩlĩ dɛ ngɔ kala Sinai.

Kulu Tɔa 24:16

nɛ dɔlɔ li 'da NWA zĩlĩ dɛ ngɔ kala Sinai, ɔ nɛ gba nyɛa we ni, nɛ obe Israɛlɛ wa zɔa ma zu kala 'di. Gba zɛ̃ we ni kpia ngɔ kala 'do tũ gazɛlɛ, nɛ ma nɛa we hɔ tɛ tũi kɛ sambo, nɛ Gale sa mɔ hã Mɔizɛ dɛ kɔ nɛ ni.

Kulu Tɔa 29:43

“Mi zĩlĩ sɛ dɛ di ni ɔ nɛ yele ngbala, nɛ mi kpa sɛ ngba mi do obe Israɛlɛ. Na mɛ ni, nu tɔa Tande ma sɛ santo we dɔ̃lɔ̃ li 'da mi.

EZEKIƐLƐ 43:2

Nɛ mi zɔ Gale 'da obe Israɛlɛ, a yula si 'biti gba wese, kɔ a tɛ tɛ do gã dɔ̃lɔ̃ li 'da a vɛ̃. Nɛ giti a tɛ dɔ̃lɔ̃ ɔ nɛ giti gba fua lì ni. Nɛ yele ngbala dɔ̃lɔ̃ li 'da a, ma yele nùi.

EZEKIƐLƐ 43:27

Kɔ̃ tũnɔ ni ma e, kɔ ma hɔ kɔ̃ tũ kɛ ngbɛ'dɛ'dɛ, nɛ onganganɔ wa wia sɛ we dɔ osa'de ngɔ gbagala, do hã odɔnggamɔ kɛ ma be dɛa na ni hã mi. Wa dɛ na mɛ ni, nɛ zã mi ma kɔ̃ sɛ gɛnɛ nɛ owinɔ 'da mi. Mi NWA Gale, mi tɔ̃a ni.”

Levitɛnɔ 2:1

“Fala kɛ wele kɔ we tɛ do fũ we dɔnggɔ do NWA, nɛ ma wia na, a saka dia kɛ, nɛ a zanga ma do nɔ, nɛ a a fũ yɔmbɔ ngɔ nɛ,

Levitɛnɔ 3:1

“Fala kɛ wele kɔ̃ we gbɛ ngɔmbɔ do dɔnggamɔ kɛ ma be dɛa na, nɛ ma wia na, ma ɔ do wili ngɔmbɔ tabi naa ngɔmbɔ kɛ fo kunda tɛ̃ a bina ni.

Levitɛnɔ 9:23

nɛ wa le do Mɔizɛ dɛ kɔ tɔa Tande i. Kɔ wa nɛa we hɔ nza ni, nɛ wa wele nu wa tɛ winɔ. Nɛ gã dɔ̃lɔ̃ li 'da NWA bia tɛ̃ ɛ hã obe Israɛlɛ.

Levitɛnɔ 9:3

'Do nɛ, nɛ mɔ tɔ̃ sɛ hã obe Israɛlɛ na, wa tɛ do wili dua hã NWA, takɔ wa hã do dɔnggamɔ we fo ku'da 'dã mɔ. Nɛ wa tɛ 'bɔ do be wili ngɔmbɔ, do be bata, kɛ wa do sabɛlɛ kpo, nɛ fo kunda tɛ̃ wa bina ni, nɛ wa dɔ sɛ we dɔnggɔ do NWA.

Levitɛnɔ 9:5

Wa kala mɛnɔ vɛ̃ kɛ Mɔizɛ tɔlɔ ma ni, nɛ wa tɛ do ma dɛ dati tɔa Tande kpa ngba wi do NWA. Nɛ obe Israɛlɛ vɛ̃ wa mba ngba wa dɛ di ni, nɛ wa yolo dɛ dati NWA.

Levitɛnɔ 9:6

Nɛ Mɔizɛ tɔ̃ na: “Mi nɛ be mɛ kɛ NWA ba nu a hã nɛ na nɛ dɛ, takɔ gã dɔ̃lɔ̃ li 'da a ma be tɛ̃ ɛ hã nɛ ni.”

Tɔlɔ Mɔ 14:10

Obe Israɛlɛ wa zila ni, nɛ wa vɛ̃ wa fa we lo wa do ta na, wa gbɛ wa do'do. Nɛ nde wa nɛa we gbanga nɛ, nɛ dɔ̃lɔ̃ li 'da NWA zĩlĩ dɛ ngɔ tɔa Tande, nɛ ma nyɛ li wa gbarr.

Tɔlɔ Mɔ 16:19

Nɛ Kore mba li obe Israɛlɛ vɛ̃, nɛ wa yolo dɛ dati Mɔizɛ do Aroni dɔ̃ɔ do nu tɔa Tande ni. Na mɛ ni, nɛ gã dɔlɔ li 'da NWA ma zĩlĩ ɔ nɛ gba nyɛa we, nɛ obe Israɛlɛ vɛ̃ wa zɔ ma.