Levitɛnɔ 9:3 - WE NU GALE 1995

³ 'Do nɛ, nɛ mɔ tɔ̃ sɛ hã obe Israɛlɛ na, wa tɛ do wili dua hã NWA, takɔ wa hã do dɔnggamɔ we fo ku'da 'dã mɔ. Nɛ wa tɛ 'bɔ do be wili ngɔmbɔ, do be bata, kɛ wa do sabɛlɛ kpo, nɛ fo kunda tɛ̃ wa bina ni, nɛ wa dɔ sɛ we dɔnggɔ do NWA.

Levitɛnɔ 9:3 Iomraidhean Croise

Ndo Nyanga Dɛ Mɔ 37:31

Nɛ onya a wa ba wili dua, nɛ wa 'bili gɛlɛ a, nɛ wa ba tulu 'da Yozɛfu, nɛ wa nzakata tɛ nɛ do tɔkɔ dua ni vɛ̃.

Ɛsdrasi 10:19

Wa kpua mbulu dɛ li winɔ vɛ̃ na, lo bɛ̃ sɛ wukonɔ 'da lo, nɛ lo hã wili ngɔmbɔ do dɔnggamɔ hã Gale na, a fo ku'da 'dã mɛ zu lo.

Ɛsdrasi 6:17

Nɛ wa hã osa'denɔ gɛ we dɔnggɔ do Gale do 'da fala ɛngga ni: wili ngɔmbɔ kama kpo, do owili bata kama bɔa, do obe bata kama nalɛ. Nɛ wa hã 'bɔ wili dua 'bu ngɔ nɛ bɔa, dua kpo kpo do 'da zu nu kpala wele do wele, we gbɛ hã Gale, takɔ ma fo ku'da 'dã mɛnɔ zu obe Israɛlɛ vɛ̃.

Kulu Tɔa 12:5

Be bata tabi be dua kɛ wa nɛ gbɛ sɛ a ni, mɛ sɛ a be wili nɛ, kɛ a do sabɛlɛ kpo, nɛ fo kunda tɛ̃ a bina ni.

Ezai 53:10

Nɛ nwa tɔ̃a na: “Mi a mi kɔ̃a zi na, wi dɛa toe 'da mi kpa ngamɔ, nɛ a fe olo 'dã mɛnɔ 'da ogele winɔ we si olo ku'da nɛ zu wa. Nɛ we duzu kɛ a dɛa na mɛ ni, a ɔ sɛ ngɔ nù gɛ wena, nɛ a sɛ do obe zã a boe. Mɛnɔ kɛ mi 'dafa we dɛ ma ni, a dɛ sɛ ma gbaa we hɔ ndɔti nɛ.

Levitɛnɔ 10:16

Mɔizɛ aka we dua, kɛ we hã do dɔnggamɔ fo ku'da 'dã mɛ zu obe Israɛlɛ. Nɛ wa mbisa a na, wa dɔa ma ia. Nɛ zã a nɔ̃lɔ̃ dɛ tɛ Elazarɛ do Itamarɛ, obenɔ 'da Aroni. Nɛ a aka wa na:

Levitɛnɔ 12:6

“Fala kɛ kɔ̃ tũi ma we na, wa fɔlɔ a we hɔ sa wi li Gale olo kula bulu be tabi boko be ni, nɛ a nɛ sɛ do be bata kɛ a dɛa sabɛlɛ kpo ni, nɛ a hã a hã nganga tɛ nu tɔa Tande i. Nɛ nganga a dɔ sɛ sa'de ni we dɔnggɔ do NWA. A tɛ sɛ 'bɔ do pizɔ̃ tabi gbakulĩ do dɔnggamɔ we fo ku'da 'dã mɔ.

Levitɛnɔ 14:10

“Ma hɔ kɔ̃ tũi kɛ ngbɛ'dɛ'dɛ, nɛ wi ni a tɛ sɛ do obe wili bata bɔa, do be naa bata kpo, kɛ wa do sabɛlɛ kpo kpo, nɛ fo kunda tɛ wa bina ni. Nɛ a tɛ 'bɔ do dɔnggamɔ fũ, kɛ wa zanga ma do nɔ ni we kilo kusi, do nɔ sãtilitrɛ 'bu nɛ mɔlɔ, nɛ a hã ma vɛ̃ hã nganga.

Levitɛnɔ 16:15

“'Do nɛ, nɛ a 'bili gɛlɛ wili dua hã do dɔnggamɔ fo ku'da 'dã mɛ zu obe Israɛlɛ ni. Nɛ a kpɔ tɔkɔ nɛ, nɛ a le do ma dɛ 'do ku'bi i, nɛ a kpã ma tɛ mɔ nu Sanduki, nɛ a kpã 'bɔ dati Sanduki, ɔ nɛ kɛ a kpã do tɔkɔ wili ngɔmbɛ ni.

Levitɛnɔ 16:5

Ma wia na, obe Israɛlɛ wa tɛ sɛ do owili dua bɔa hã Aroni, we hã wa do dɔnggamɔ fo ku'da 'dã mɔ zu wa. Nɛ wa tɛ 'bɔ do mbe wili bata kpo, takɔ a dɔ we dɔnggɔ do mi NWA.

Levitɛnɔ 23:12

Do kpo soe ni, nɛ nɛ tɛ sɛ do bata kɛ a dɛa sabɛlɛ kpo, nɛ fo kunda tɛ̃ a bina ni, nɛ nganga dɔ a we dɔnggɔ do mi.

Levitɛnɔ 4:23

'Da fala kɛ a ĩ fala 'dã mɛ a dɛa ni, nɛ ma wia na, a tɛ do wili dua kɛ fo kunda tɛ̃ a bina ni, we dɔnggɔ do NWA, takɔ ma fo ku'da 'dã mɛ zu a.

Levitɛnɔ 4:3

“Fala kɛ gã nwa nganga hã a dɛ 'dã mɔ, nɛ 'dã mɛ 'da a ma te sɛ ngo owinɔ vɛ. Nɛ a tɛ sɛ do wili ngɔmbɔ kɛ fo kunda tɛ̃ a bina ni, nɛ a doɛnggɔ do NWA, takɔ ma fo ku'da 'dã mɛ zu a.

Levitɛnɔ 9:2

Nɛ a tɔ̃ hã Aroni na: “Mɔ bá he zagbãlã ngɔmbɔ, do wili bata kɛ fo kunda tɛ̃ wa bina ni, nɛ mɔ tɛ do wa dati NWA. Mɔ hã sɛ be zagbãlã ngɔmbɛ do dɔnggamɔ we fo ku'da 'dã mɔ, nɛ mɔ dɔ wili bata we dɔnggɔ do NWA.

Levitɛnɔ 9:4

Wa tɛ sɛ 'bɔ do wili ngɔmbɔ, do wili bata, mba do dɔnggamɔ fũ kɛ wa zanga ma do nɔ ni hã NWA. Nɛ ma sɛ a dɔnggamɔ kɛ ma be dɛa na. Mba gɔ, sɔɛ gɛ, NWA a be sɛ tɛ̃ a hã nɛ.”

ROMA 8:3

Mbula kɛ Mɔizɛ kɔma ni, ma wè zi tɛ kpasa wele gɔ, we duzu kɛ winɔ wa zi do ngawi we dɛ ma vɛ̃ bina. Nɛ nde Gale dɛa mɔ kɛ mbula wè tɛ dɛ ma gɔ ni. A tumba Be 'da a ngboo dɛ ngɔ nù gɛ, nɛ a ba kifi tɛ wele, kɛ a a wi dɛ 'dã mɔ ni, nɛ a kala 'dã mɛnɔ 'da winɔ dɛ zu a, nɛ a fe we nɛ. Na mɛ ni, a gbɛa ngawi 'da 'dã mɔ kɔ kifi tɛ lɛ.

2 KORINTƐ 5:21

Kristo zi do 'dã mɔ bina, nɛ Gale ia ku'da 'dã mɛ 'da lɛ dɛ zu a, takɔ lɛ mba li ngba lɛ do a, kɔ lɛ hɔ wi bɔlɔ zu li Gale.

TITO 2:14

A hã zi kili tɛ̃ a we duzu lɛ, takɔ a gɔnɔ zu lɛ kɔ 'dã mɛnɔ vɛ̃. Nɛ a fɔlɔ 'bɔ ndi kɔ sila lɛ do'do na, lɛ ɔ winɔ 'da a ngboo, nɛ lɛ hã tɛ lɛ we dɛ de mɔ.

1 PETRO 2:24

Kristo ba zi tole 'dã mɛnɔ 'da lɛ dɛ zu a tɛ ngɔ finda te. A dɛa ni, takɔ lɛ ɔ nɛ fio dati mɛnɔ kɛ ma zɔa 'dã mɔ ni, nɛ lɛ ɔ do kpasi we dɛ mɛ kɛ ma a bɔlɔ li Gale ni. Nɛ daninɔ tɛ Kristo ni, ma kpasa lɛ.

1 PETRO 3:18

Yezu Kristo do tɛ̃ a, a fia zi we 'dã mɛ 'da owinɔ fala kpo ia, a fé sɛ 'bɔ gɔ. A wi kɛ a dɛ̀ zi 'dã mɔ gɔ, nɛ a fia we duzu Owi dɛ 'dã mɔ, takɔ a gese nɛ dɛ 'da Gale. Wa gbɛa a, nɛ kili tɛ a fia, nɛ nde a tunu kɔ fio do ngawi 'da Hi Wi 'da Gale.

USU MƐNƆ 5:9

Nɛ wa vɛ̃ wa ga mbé zuma na: “Mɔ wia do ba kasa 'buki, nɛ mɔ ɛ̃lɛ̃ ndaka wa nãlã do nu nɛ ni. We kɛ wa gbɛa zi mɔ, nɛ mɔ gɔnɔ zu ogba gili wele do tɔkɔ tɛ mɔ, nɛ mɔ hã wa hã Gale. Winɔ mɔ gɔna zu wa ni, wa a wi kɔ nu fɛlɛ kulanɔ, do lɛnggɛnɔ, do nu kpalanɔ, do kɔ lenɔ vɛ.