Levitɛnɔ 8:8 - WE NU GALE 1995

⁸ A hi'da koe tulu ngɔ ngu'du a dɛ ngɔ efɔdɛ ni. Nɛ a kala Urimɛ do Tumimɛ, mɛnɔ kɛ ma santo we aka do NWA ni, nɛ a a ma kɔ koe tuli ni.

Levitɛnɔ 8:8 Iomraidhean Croise

Ɛsdrasi 2:63

Nɛ wi fɔmɔ le hã mbula na, wa tɛ nyɔngɔ mɛnɔ kɛ winɔ wa hã we dɔnggɔ do Gale ni gɔ, gbaa na nganga kpo be linggamɛ 'da Gale si ngɔ wa, do wala 'da Urimɛ do Tumimɛ, mɛnɔ kɛ wa aka do Gale ni sɛ nɛ de.

NEHEMIE 7:65

Nɛ wi fɔmɔ le hã zi mbula na, wa tɛ nyɔngɔ mɛnɔ kɛ winɔ wa hã we dɔnggɔ do Gale ni gɔ, gbaa na nganga kpo be linggamɛ 'da Gale si ngɔ wa do wala 'da Urimɛ do Tumimɛ, mɛnɔ kɛ wa aka do Gale ni sɛ nɛ de.

Kulu Tɔa 29:1

NWA tɔ̃a hã Mɔizɛ na: “Mɔ zélé tɛlɛ tɛ kɛ mɔ e sɛ Aroni do obulu benɔ 'da a na, wa dɛ to nganga hã mi ni. “Mɔ saka sɛ wili ngɔmbɔ kpo, do owili bata bɔa, kɛ wa do kunda tɛ wa bina ni.

SƆKPƆ DIA ZUMANƆ 8:6

Mɔ é mi dɛ kɔ sila mɔ, nɛ mɔ tɛ kɔ̃̀ 'bɔ gɛnɛ gele wuko gɔ. We kɛ kɔ̃ gɛnɛ ngba wi ma nganda wena, ma nganda la mɔ vɛ̃ ɔ nɛ fio ni. Ma bɛlɛ wele ɔ nɛ gba nyɛa we, nɛ ma yangga wele ɔ nɛ ua dã kolo ni.

Ezai 59:17

Omɔ bi bolonɔ 'da a, mɛ a bɔlɔ zu dɛa mɛ, do kpasi a hã ma ni. Nɛ tulu tɛ̃ a, mɛ a kɔ̃a zã 'da a kɛ a kɔ̃a we bili do nu gbã hã owanɔ kɛ wa dɛa 'dã mɔ do owinɔ 'da a ni.

Tɔlɔ Mɔ 27:21

A dɛ sɛ toe 'da a ti nganga Elazarɛ, kɛ a aka sɛ linggamɛ 'da mi do wala 'da omɛnɔ kɛ ma santo ni. Yozue do obe Israɛlɛ vɛ̃, wa dɛ sɛ mbulanɔ 'da Elazarɛ 'da falanɔ vɛ̃.”

EFƐZƐ 6:14

Nɛ 'dáfá tɛ nɛ! Nɛ hé'dé gbãlã we 'da Gale dɛ 'dɛ tili nɛ ɔ nɛ 'dɛ́ ni. Nɛ dɛ́ bɔlɔ zu dɛa mɔ, nɛ ma ɔ nɛ tulu mɔ bolo kɛ nɛ hi'da dɛ tɛ nɛ ni.

Mbulanɔ 33:8

A tɔ̃a dɛ ngɔ nu kpala Levi na: “NWA, mɔ kala Urimɛ do Tumimɛ, mɛnɔ kɛ wa aka do mɔ ni, nɛ mɔ hã ma hã owi nu kpala Levi. Wa a odia wi tonɔ 'da mɔ. Mɔ yamba zi wa tɛ kɔ le Masa, nɛ mɔ gɔnɔ dia gulu we hã wa tɛ nu lì Mɛriba.

1 TƐSALONIKƐ 5:8

Nɛ nde lɛ, kɛ lɛ kɔ sa fala ni, ma wia na lɛ dĩlĩ fala tɛ lɛ. Lɛ dúngú do kɔ̃a we dɛ 'da Gale, nɛ lɛ 'bana tɛ kɔ̃ gɛnɛ ngba lɛ, nɛ ma ɔ nɛ tulu bolo kɛ lɛ hi'da dɛ tɛ lɛ ni. Lɛ gbíní zã lɛ do kpasi kɛ Yezu a hã sɛ ma hã lɛ ni, ma ɔ nɛ ndasa bolo kɛ lɛ gu zu lɛ ni.

1 SAMUƐLƐ 2:28

Wi kɛ mi saka zi a kɔ nu kpala obe Israɛlɛ vɛ̃, we dɛ to nganga, wi a yaa mɔ Aroni. A zi a wi dɔ sa'de we dɔnggɔ do mi, nɛ a zi 'bɔ a wi dɔ nɔ yɔmbɛ hã mi. A he'de zi 'bɔ tuli li nɛ a efɔdɛ ni, we aka mi do we. Nɛ dɔnggamɛnɔ kɛ obe Israɛlɛ wa hã ma hã mi ni, mi hã mbee nɛ hã a do onu fɛlɛ a.

1 SAMUƐLƐ 28:6

Nɛ a aka NWA Gale na, ɛ dɛ nɛ nde? Nɛ nde nwa gèsè nu we hã a do yalɛ tabi do wala 'da wi gba olo nu a gɔ. A gèsè 'bɔ we do wala 'da mɔ kɛ ma santo we aka do a Gale ni gɔ.