Levitɛnɔ 8:7 - WE NU GALE 1995

⁷ 'Do nɛ, nɛ a hi'da vungbu tulu hã Aroni, nɛ a kpo 'dɛ̃ ngɔ nɛ. Nɛ a he'de 'bɔ du tulu tɛ̃ a, nɛ a he'de efɔdɛ dɛ ngɔ nɛ, nɛ a kpo fɛlɛ nɛ do li 'do a.

Levitɛnɔ 8:7 Iomraidhean Croise

Kulu Tɔa 28:4

Otulunɔ wa dɛ sɛ ma ni, ma kɛ: koe tulu ngɔ ngu'du gã nwa nganga, efɔdɛ, du tulu kɛ wa gɛzɛ nu nɛ, vungbu tulu, kitambala do 'dɛ̃. Nɛ nya mɔ Aroni do obulu benɔ 'da a wa he'de sɛ ma we dɛ do toe 'da wa.

GALATI 3:27

Gbãlã we, nɛ vɛ kɛ nɛ kpa batisimɔ ni, nɛ mba kpo do Kristo, nɛ ngangga ni, nɛ ba tɛlɛ tɛ Kristo ngboo.

ROMA 13:14

Nɛ bá wala hã Nwa 'da lɛ Yezu Kristo na, a bi zu nɛ, nɛ nɛ tɛ fà we dɛ mɔ kɛ wɔ kɔ kili tɛ nɛ kɔ̃a ni gɔ.

ROMA 3:22

Li wala kɛ Gale dɛ na, wele hɔ wi bɔlɔ zu li a ni, mɛ a kɔ̃a we wi ni kɔ̃ do zu li Yezu Kristo ni. Nɛ Gale hũi li wala hã winɔ vɛ kɛ wa kɔ̃a zu li Yezu Kristo ni. Mba gɔ, winɔ vɛ wa wia kɔ̃,

Ezai 61:10

Owi Yeruzalɛmɛ wa tɔ̃a na: Lɛ dɛ yangga we mɛnɔ kɛ NWA dɛa ma gɛ. A tɛa we gbaka lɛ, nɛ a kpasa lɛ kɔ ngamɔ. Nɛ yangga 'da lɛ gã wena ɔ nɛ kɛ 'da winɔ kɛ wa hi'da dia tulu do 'da fala mɔ dɔ ba ngba wi ni.

Ezai 61:3

nɛ mi hã yangga hã owi Sioni kɛ wa tɛ dungu gɛla ni. Mi kifi 'bakoe 'da wa do yangga, nɛ mi kifi 'bɔ zuma ala nui 'da wa do zuma dɔnggɔ NWA. Mi kpolo sɛ tulu gɛla 'da wa do tulu ɛngga. Wa ɔ sɛ nɛ odia te kɛ NWA do tɛ̃ a ngboo a mi ma ni. Wa dɛ sɛ mɔ vɛ̃ do bɔlɔ nɛ, nɛ wa hã sɛ dɔ̃lɔ̃ li hã NWA.

Kulu Tɔa 29:5

'Do nɛ, nɛ mɔ kala tulu santonɔ, nɛ mɔ he'de hã Aroni. Otulunɔ ni sɛ a: du tulu kɛ wa gɛzɛ nu nɛ, vungbu tulu, efɔdɛ do koe tulu ngɔ ngu'du gã nwa nganga. Nɛ mɔ kpo sɛ nu fɛlɛnɔ tɛ efɔdɛ ni.

Kulu Tɔa 28:2

Owele wa fulu sɛ otulu santonɔ hã Aroni na, ma be dɔ̃lɔ̃ li 'da a.

Kulu Tɔa 28:6

“Wa fa sɛ tulu nga linɛ, nɛ wa mba do sala bata kɛ ma do fila langi kpi do kpi ni, nɛ wa fulu do efɔdɛ hã gã nwa nganga. Wa gɛzɛ sɛ nu nɛ do fɛlɛ mɔ mbali.

1 SAMUƐLƐ 2:28

Wi kɛ mi saka zi a kɔ nu kpala obe Israɛlɛ vɛ̃, we dɛ to nganga, wi a yaa mɔ Aroni. A zi a wi dɔ sa'de we dɔnggɔ do mi, nɛ a zi 'bɔ a wi dɔ nɔ yɔmbɛ hã mi. A he'de zi 'bɔ tuli li nɛ a efɔdɛ ni, we aka mi do we. Nɛ dɔnggamɛnɔ kɛ obe Israɛlɛ wa hã ma hã mi ni, mi hã mbee nɛ hã a do onu fɛlɛ a.

EZEKIƐLƐ 42:14

Dɛ ngɔ nɛ, onganganɔ kɛ wa le tɛ fala dɔnggɔ do NWA ni, wa wè tɛ hɔ dɛ li fanda ogele winɔ wa dungu nɛ ni do ti iko gɔ. Nɛ nde ma wia na, wa hɔlɔ otulu santonɔ kɛ wa hi'da we dɛ toe hã NWA ni, nɛ wa la ma dɛ kɔ tɔanɔ ni, sɛ nɛ wa ĩ ti hɔ dɛ fala winɔ wa mba do ngba wa ni de.”