Wa fa sala bata kɛ ma do fila langi kpi do kpi, nɛ wa fulu do tulu dɔ̃lɔ̃ linɔ we dɛ do to kɔ tɔa Tande 'di, nɛ wa fulu 'bɔ mbe do tulu santonɔ 'da Aroni, ɔ nɛ kɛ NWA tɔ́a zi hã Mɔizɛ ni.
Wa fa fila fɛlɛ, nɛ wa fi do kɔ kolonɔ go'do koe tuli, do kɛnɔ tɛ efɔdɛ ni, nɛ wa kpo ma dɛ tɛ ngbɛ ɛ na, dɔ koe tuli fo tɛ̃ ɛ ngɔ efɔdɛ gɔ. Wa dɛa ɔ nɛ kɛ NWA tɔ̃a zi hã Mɔizɛ ni.
Nɛ wa fa tulu nga linɛ, nɛ wa mba do sala bata kɛ ma do fila langi kpi do kpi, nɛ wa fulu do 'dɛ̃ hã onganganɔ, nɛ wa gɛzɛ tɛ nɛ ɔ nɛ kɛ NWA tɔ̃a zi hã Mɔizɛ ni.
'Do nɛ, nɛ a tili obenɔ 'da Aroni dɛ dati, nɛ a he'de vungbu tulu ngɔ tɛ wa. Nɛ a kpo 'dɛ̃nɔ 'da wa dɛ ngɔ nɛ, nɛ a gu ndasanɔ 'da wa zu wa, kpasaa ɔ nɛ kɛ NWA ba do nu a ni.
Mɔizɛ ba gbãlã ngu'du wili bata ni, nɛ a yaka ma dɛ dati NWA, nɛ a dɔnggɔ do a. 'Do nɛ, nɛ a ba gbãlã ngu'du sa'de ni do mɔ a, kpasaa ɔ nɛ kɛ NWA ba do nu a ni.
Nɛ 'báná dɛ nu tɔa Tande gɛ gba wese do tũ, gbaa 'do tũ sambo. Nɛ nɛ dɛ́ ombulanɔ 'da NWA. Ní gɔ, nɛ nɛ fe sɛ. Ki ni a ombulanɔ kɛ mi kpa ma kɔ Gale gɛ a ni.”
'Do nɛ, nɛ a ɛnzɛ zu a do kitambala, nɛ a kɔ'bɔ mɔ mbali kɛ ma ɔ nɛ fulɛlɛ ni dɛ dati nɛ we be na, nganga a a wi 'da NWA Gale. Mɔizɛ dɛa kpasaa ɔ nɛ kɛ NWA ba do nu a ni.
Sakoe kɛ mi zila zi ma dati, nɛ mi bia ma hã nɛ ni, ma nɛa ngɔ mɛnɔ vɛ. Sakoe ni mɛ a kɛ na, Kristo fia zi we 'dã mɛnɔ 'da lɛ, ɔ nɛ kɛ 'Buki 'da Gale tɔ̃a ni.