“Mɔizɛ, mɔ sá mɔ hã nya mɔ Aroni do obulu benɔ 'da a: Nadabɛ, Abihu, Elazarɛ do Itamarɛ, nɛ mɔ fo wa kɔ tala obe Israɛlɛ do'do, nɛ mɔ e wa na, wa dɛ to nganga hã mi.
“Mɔ Mɔizɛ, mɔ he'de sɛ tulunɔ ni hã nya mɔ Aroni do obulu benɔ 'da a, nɛ mɔ á nɔ zu wa, nɛ mɔ kɛ̃ tonɔ 'da wa hã wa. Tɛlɛ tɛ kɛ mɔ e sɛ wa na, wa dɛ́ to nganga hã mi Gale gɛ a ni.
NWA tɔ̃a hã Mɔizɛ na: “Mɔ zélé tɛlɛ tɛ kɛ mɔ e sɛ Aroni do obulu benɔ 'da a na, wa dɛ to nganga hã mi ni. “Mɔ saka sɛ wili ngɔmbɔ kpo, do owili bata bɔa, kɛ wa do kunda tɛ wa bina ni.
“Aroni fe do'do, nɛ wa kala sɛ tulunɔ 'da a kɛ ma santoe ni, nɛ wa hã ma hã obe zã a, nɛ wa he'de ma do tũi kɛ wa e sɛ wa na, wa ndo dɛ to nganga hã mi Gale ni.
nɛ mɔ kpo 'dɛ̃ 'da wa dɛ ngɔ nɛ, nɛ mɔ gu ndasanɔ zu wa. Mɔ dɛ ni, nɛ wa do obe zã wa vɛ̃, wa dɛ sɛ to nganga hã mi fai. “Tɛlɛ tɛ kɛ mɔ e sɛ Aroni do obulu benɔ 'da a na, wa ndo dɛ to nganga hã mi ni, ma kɛ:
“Mɔ kpe sɛ ti Aroni do obulu benɔ 'da a, nɛ mɔ nɛ do wa dɛ nu tɔa Tande 'di. Wa hɔ i mɔ, nɛ mɔ tɔ̃ hã wa na, wa fɔ́lɔ́ tɛ wa do tɛlɛ tɛ kɛ na, wa hɔ sa wi li mi Gale.
“Mɔ sá mɔ hã Aroni do obenɔ 'da a dɛ nu tɔa Tande kpa ngba wi do mi NWA. 'Do nɛ, nɛ mɔ tɛ do mɛnɔ gɛ: tulu santonɔ, nɔ a zu wi, wili ngɔmbɔ we gbɛ do dɔnggamɔ we fo ku'da 'dã mɔ, owili bata bɔa, do yele mapa kɛ wa à ina hana mapa tɛ nɛ gɔ ni.
