Levitɛnɔ 7:6 - WE NU GALE 1995

⁶ Tati a owi wilinɔ kɛ wa a nu fɛlɛ nganga ni, hã wa nyɔngɔ sɛ mulu sa'de ni. Wa nyɔngɔ sɛ ma dɛ li fanda tɔa Tande 'da NWA, kɛ mɛ a fala santo ni, we kɛ mulu sa'de ni ma santo.

Levitɛnɔ 7:6 Iomraidhean Croise

EZEKIƐLƐ 42:13

Nɛ wi ni tɔ̃a hã mi na: “Tɔanɔ si gbãlã ngɔ do kɛ si ba gɔtɔ, nɛ ma siki li ɛ dɛ li fanda Tɛmpɛloe ni, mɛ a otɔa kɛ ma santo. Onganganɔ kɛ wa wia we le tɛ fala dɔnggɔ do nwa ni, wa nyɔngɔ dɔnggamɛnɔ kɛ ma santo wena ni dɛ di ni. Mba gɔ, wa ia tɔanɔ ni hã NWA, nɛ wa a dɔnggamɛnɔ kɛ ma santo wena ni dɛ di ni. Mɛ a mɛnɔ kɛ wa 'dɔlɔ hã NWA, do sa'denɔ kpi do kpi kɛ wa gbɛ wa hã Gale, takɔ a fo ku'da 'dã mɔ zu owinɔ ni.

Levitɛnɔ 2:3

Nɛ tala dɔnggamɛ ni sɛ a mɔ Aroni do obenɔ 'da a. Mɛ a nyɔngɔmɔ kɛ ma santo wena, we kɛ ma yula kɔ dɔnggamɛ kɛ wa hã ma hã NWA ni.

Levitɛnɔ 21:22

Nɛ nde a wia tɛ nyɔngɔ tala dɔnggamɛnɔ wa hã ma hã mi, do nyɔngɔmɛnɔ vɛ̃ kɛ ma santo, do dɔnggamɛnɔ kɛ ma santo wena ni.

Levitɛnɔ 6:11

Nɛ tati a obe zã Aroni, wi wili wanɔ, hã wa nyɔngɔ sɛ tala dɔnggamɔ kɛ nwa hã ma hã wa, nɛ ma santo ni. We duzu ki ni, mbé gele wele iko 'be tɛ tala dɔnggamɛ ni, nɛ ma dɛ sɛ a 'danga wena, we kɛ ma santo.”

Levitɛnɔ 7:5

Nɛ nganga a dɔ sɛ ma vɛ̃ dɛ ngɔ gbagala dati NWA. Ki ni, mɛ a dɔnggamɔ si olo ku'da 'dã mɔ.

AZE 2:12

Fala kɛ wele ba mulu sa'de kɛ wa dɔa we dɔnggɔ do mi Gale, kɔ a fi ma kɔ koe tulu 'da a, kɔ tuli ni dĩ tɛ gele nyɔngɔmɔ ɔ nɛ mapa, Sanggo, dɔ̃, tabi nɔ, nɛ nyɔngɔmɛnɔ ni wia we hɔ nyɔngɔmɔ kɛ ma santo li mi Gale nde?” Nɛ onganganɔ wa gisa hã Aze na: “Gɔ!”

1 KORINTƐ 10:18

Nɛ zɔ́ kɛ obe Israɛlɛ wa dɛ ni. 'Da fala wa dɔ sa'de ngɔ gbagala we dɔnggɔ do Gale, nɛ wa nyɔngɔ mbe sa'de ni, nɛ ma mba wa do Gale kɛ wa dɔ sa'de hã a ni.

1 KORINTƐ 9:13

Nɛ ĩ vɛ na, winɔ kɛ wa dɛ to kɔ tɔa Tɛmpɛloe ni, wa kpasa do mbe dɔnggamɛnɔ. Nɛ wanɔ wa dɔ sa'denɔ ngɔ gbagala hã Gale ni, wa kpa tɛ mɛ 'bɔ mbe mulu sa'denɔ ni.