Levitɛnɔ 7:5 - WE NU GALE 1995

⁵ Nɛ nganga a dɔ sɛ ma vɛ̃ dɛ ngɔ gbagala dati NWA. Ki ni, mɛ a dɔnggamɔ si olo ku'da 'dã mɔ.

Levitɛnɔ 7:5 Iomraidhean Croise

Levitɛnɔ 1:13

'Do nɛ, nɛ wi ni a fɔlɔ sɛ kala zã sa'de, do ogbɔgɔlɔ nyanga nɛ. Nɛ mbe nganga kpo, a be sɛ ma hã NWA, nɛ a dɔ ma vɛ̃ dɛ ngɔ gbagala ni. Nɛ zɛ̃ dɔnggamɛ ni ma unu sɛ NWA, nɛ ma de tɛ̃ a.

Levitɛnɔ 1:9

Nɛ wi ni a fɔlɔ sɛ kala zã sa'de ni mba do ogbɔgɔlɔ nyanga nɛ, nɛ mbe nganga kpo dɔ ma vɛ̃ dɛ ngɔ gbagala ni. Nɛ zɛ̃ dɔnggamɛ ni ma unu sɛ NWA, nɛ ma de tɛ̃ a.

Levitɛnɔ 2:16

Nɛ nganga, a so sɛ mbe zu fũi do nɔɛ, nɛ a mba do fũ yɔmbɛ vɛ̃, nɛ a dɔ ma hã NWA. Nɛ dɔnggamɛ ni, ma gba sɛ ta zu NWA ngɔ wi hã ma ni.

Levitɛnɔ 2:2

nɛ a tɛ do ma hã onganganɔ, kɛ wa a obe zã Aroni ni. Nɛ mbe nganga kpo, a so zu fũi kɛ wa zanga do nɔɛ ni, nɛ a so fũ yɔmbɛ vɛ̃, nɛ a dɔ ma dɛ ngɔ gbagala, nɛ ma sɛ a dɔnggamɔ kɛ ma gba ta zu NWA ngɔ wi hã ma ni. Nɛ zɛ̃ dɔnggamɛ ni ma unu sɛ NWA, nɛ ma de tɛ̃ a.

Levitɛnɔ 2:9

Nɛ a fo sɛ zu dɔnggamɛ ni, nɛ a dɔ ma ngɔ gbagala, nɛ ma sɛ a dɔnggamɔ kɛ ma gba ta zu NWA ngɔ wi hã ma ni. Nɛ zɛ̃ dɔnggamɛ ni, ma unu sɛ NWA, nɛ ma de tɛ̃ a.

Levitɛnɔ 3:16

Nɛ nganga a dɔ sɛ mɛnɔ ni vɛ̃ dɛ ngɔ gbagala. Mɛ sɛ a nyɔngɔmɔ kɛ wa dɔ hã NWA, he zɛ̃ nɛ unu a, nɛ ma de tɛ̃ a. Wele kɛndɔnɔ vɛ̃ a mɔ NWA.

Levitɛnɔ 3:3

Nɛ mɛnɔ tɛ sa'de kɛ wa hã sɛ ma hã NWA ni, mɛ a okɛndɔnɔ vɛ̃ tɛ kala zã sa'de ni,

Levitɛnɔ 5:7

“Fala kɛ wele do wala we hã bata tabi dua, we si olo ku'da 'dã mɛ a dɛa ni bina, nɛ ma wia na, a tɛ do gbakulĩ bɔa, tabi opizɔ̃ bɔa we si do olo ku'da 'dã mɛ 'da a dati NWA. Mbe nɔɛ kpo sɛ we hã do dɔnggamɔ we fo ku'da 'dã mɔ, nɛ wa dɔ sɛ mbe nɛ vɛ̃ we dɔnggɔ do Gale.

Levitɛnɔ 7:4

owala kole a do okɛndɔnɔ dɛ se'de, do kɛnɔ tɛ ngɔ zã a, do kɛnɔ tɛ gba'bua, kɛ wa fo ma fala nɛ kpo do owala kole sa'de ni.

Levitɛnɔ 7:6

Tati a owi wilinɔ kɛ wa a nu fɛlɛ nganga ni, hã wa nyɔngɔ sɛ mulu sa'de ni. Wa nyɔngɔ sɛ ma dɛ li fanda tɔa Tande 'da NWA, kɛ mɛ a fala santo ni, we kɛ mulu sa'de ni ma santo.

GALATI 2:20

Wi do kpasi, wi a mi gɔ, nɛ nde Kristo a kpasa kɔ mi. Kpasi kɛ mi do ma ngangga gɛ, mi do ma we kɔ̃a we kɛ mi kɔ̃a do zu li Be 'da Gale, kɛ a kɔ̃a zi gɛnɛ mi wena, nɛ a fia we mi ni.

GALATI 5:24

Owinɔ kɛ wa mba kpo do Kristo ni, wa gbɛa 'dã wɔ kɔ kili tɛ wa, do hɛlɛnɔ kɔ sila wa ni vɛ ia.