Levitɛnɔ 7:2 - WE NU GALE 1995

² Wa 'bili sɛ gɛlɛ sa'de dɛ fala wa 'bili do gɛlɛ sa'denɔ we dɔ wa hã NWA ni. 'Do nɛ, nɛ nganga a kpã sɛ tɔkɔ sa'de ni tɛ 'bolo zã gbagala.

Levitɛnɔ 7:2 Iomraidhean Croise

Ezai 52:15

Nɛ nde ngangga ni, ogele nu kɔnggɔnɔ wa tɛ ɔngbɔ we 'da a, nɛ we 'da a ma ba we nu 'Onwanɔ vɛ̃. Mba gɔ, wa zèlè mbe kuti wenɔ kɛ wa tɔ̃ ma hã wa gɛ gɔ, nɛ wa zɔ̀ mbe kuti mɔ ɔ ni gɔ.”

EZEKIƐLƐ 36:25

Mi sulu sɛ gɛ̃lɛ̃ li lì dɛ ngɔ nɛ, nɛ ma fɔlɔ ndi kpikimanɔ do gele ndinɔ tɛ nɛ do'do.

EZEKIƐLƐ 40:39

Nɛ kɔ gã 'bili tɔa ni, wa a omɛsa nalɛ, bɔa do mbe Sɔkpɔ tɔa, nɛ mbe bɔa do kulu nɛ. Mɛ a mɛsanɔ kɛ wa gbɛ osa'de dɔnggamɛnɔ ngɔ nɛ ni. Nɛ mɛ a dɔnggamɛnɔ kɛ wa dɔ mbee nɛ dɔa, nɛ mbe nɛ we fo ku'da 'dã mɔ, tabi we si olo ku'da 'dã mɔ.

Levitɛnɔ 1:11

Nɛ a 'bili sɛ gɛlɛ a dɛ kɛ zã gbagala do si gbãlã ngɔ. Nɛ onganganɔ wa kpã sɛ tɔkɔ nɛ tɛ 'bolo zã gbagala.

Levitɛnɔ 1:3

Fala kɛ wi ni kɔ̃ we gbɛ ngɔmbɔ takɔ a dɔ we dɔnggɔ do NWA, nɛ ma wia na, a nɛ do wili ngɔmbɔ kɛ fo kunda tɛ̃ a bina ni, dɛ nu tɔa Tande i, takɔ NWA kɔ̃ gɛnɛ a.

Levitɛnɔ 1:5

'Do nɛ, nɛ a 'bili sɛ gɛlɛ wili ngɔmbɛ ni dɛ di ni. Nɛ onganganɔ, kɛ wa a obe zã Aroni ni, wa kpɔ sɛ tɔkɔ nɛ, nɛ wa be ma hã NWA. 'Do nɛ, nɛ wa kpã tɔkɛ ni tɛ 'bolo zã gbagala kɛ wa dɛa ma tɛ kpongbo nu tɔa Tande we do do sa'de hã NWA ni.

Levitɛnɔ 14:13

Nɛ nganga a 'bili sɛ gɛlɛ bata dɛ fala wa 'bili do gɛlɛ osa'de dɔnggamɔ we fo ku'da 'dã mɛnɔ, tabi dɔnggamɔ kɛ wa dɔ hã NWA ni. Fala ni ma santo, nɛ a 'bili sɛ gɛlɛ bata dɛ di ni, we kɛ sa'de kɛ wa gbɛ a we gbɛlɛ ti nyanga wi olo zɛlɛ ni, mɛ a dɔnggamɔ kɛ ma santo, ɔ nɛ dɔnggamɔ kɛ we fo ku'da 'dã mɛnɔ ni. Nɛ wele nɛ a mɔ́ nganga.

Levitɛnɔ 3:2

Nɛ wi ni a e sɛ kɔ̃ a dɛ zu sa'de ni, nɛ a 'bili gɛlɛ a dɛ nu tɔa Tande kpa ngba wi do NWA. Nɛ onganganɔ, kɛ wa a obe zã Aroni ni, wa kpɔ sɛ tɔkɔ nɛ, nɛ wa kpã ma tɛ 'bolo zã gbagala.

Levitɛnɔ 3:8

nɛ a e kɔ̃ a zu a, nɛ a 'bili gɛlɛ a dɛ dati tɔa Tande ni. Nɛ onganganɔ wa kpɔ sɛ tɔkɔ nɛ, nɛ wa kpã tɛ 'bolo zã gbagala.

Levitɛnɔ 4:24

A tɛ do wili dua ni, nɛ a e sɛ kɔ̃ a zu a, nɛ a 'bili gɛlɛ a dɛ dati NWA, tɛ fala kɛ wa 'bili do gɛlɛ sa'denɔ we dɔ wa hã NWA ni. Ki ni mɛ a dɔnggamɔ we fo ku'da 'dã mɛnɔ zu wi.

Levitɛnɔ 4:29

A tɛ do naa dua ni, nɛ a e sɛ kɔ̃ a zu a, nɛ a 'bili gɛlɛ a dɛ dati NWA, tɛ fala kɛ wa 'bili do gɛlɛ sa'denɔ we dɔ wa hã NWA ni.

Levitɛnɔ 4:33

A tɛ do naa bata ni, nɛ a e sɛ kɔ a zu a, nɛ a 'bili gɛlɛ a dɛ dati NWA, tɛ fala wa 'bili do gɛlɛ sa'denɔ we dɔ wa hã NWA ni.

Levitɛnɔ 5:16

Nɛ ma wia na, wi ni futa olo mɛnɔ 'da NWA kɛ ma 'bana kɔ̃ a i ni, nɛ a e kpo mbee mɔlɔ gole mɛ ni ngɔ nɛ. Nɛ a hã ma vɛ̃ hã nganga. 'Do nɛ, nɛ nganga a gbɛ sɛ sa'de ni, we dɔnggɔ do NWA. Nganga a dɛ sɛ na mɛ ni, nɛ dɔnggamɛ ni ma dɛ sɛ na, Gale fo ku'da 'dã mɛ zu wi ni.

Levitɛnɔ 5:7

“Fala kɛ wele do wala we hã bata tabi dua, we si olo ku'da 'dã mɛ a dɛa ni bina, nɛ ma wia na, a tɛ do gbakulĩ bɔa, tabi opizɔ̃ bɔa we si do olo ku'da 'dã mɛ 'da a dati NWA. Mbe nɔɛ kpo sɛ we hã do dɔnggamɔ we fo ku'da 'dã mɔ, nɛ wa dɔ sɛ mbe nɛ vɛ̃ we dɔnggɔ do Gale.

Levitɛnɔ 5:9

Nɛ nganga a kpã sɛ mbe tɔkɔ nɔɛ ni tɛ 'bolo zã gbagala. Ki ni mɛ a dɔnggamɔ we fo ku'da 'dã mɔ.

Levitɛnɔ 6:7

“Winɔ kɛ wa be sɛ dɔnggamɔ fũ hã NWA tɛ dati gbagala, wi a obenɔ 'da Aroni.

Tɔlɔ Mɔ 6:12

Nɛ nde ma wia na, wi ni a hã sɛ 'bɔ mbé tɛ̃ a hã mi NWA. A hã sɛ be bata kɛ a dɛa sabɛlɛ kpo ni do dɔnggamɔ, we si olo ku'da 'dã mɛ 'da a. Nɛ wa tɔ́lɔ́ sɛ 'bɔ kɔ̃ tũnɔ zi a hã do tɛ̃ a hã mi dati ni gɔ, we kɛ kɔ tũi ni, ma yula nù dɛ sanga gɛ iko.

OHEBRE 11:28

Nɛ we duzu kɔ̃a we 'da a, ma kɛ a ba nu a hã obe Israɛlɛ na, wa dungu ɛngga Hɔ Nza kɔ Ngbá, nɛ wa kpã tɔkɛ tɛ gbangga nu tɔanɔ 'da wa na, da dɛ kɔ anzɛ gbɛ wi gbɛ́ Okuti bulu benɔ 'da wa gɔ.

OHEBRE 12:24

Nɛ nɛ hɔa 'bɔ dati Yezu, kɛ a yula sanga tɛ ngba lɛ do Gale, nɛ a 'dafa mbé gba tɔkɔ sanga lɛ ni. Tɔkɔ tɛ Yezu ma a nù, nɛ ma wele we de nɛ ngɔ kɛ 'da Abɛlɛ.

1 PETRO 1:2

Baa lɛ Gale 'bili zɛ́ do kɔ sila ɛ belee we saka nɛ do owinɔ 'da a, nɛ a hã 'bɔ Hi Wi 'da a hã nɛ, we 'dafa sila nɛ, takɔ nɛ zele we nu Yezu Kristo, nɛ tɔkɔ tɛ Yezu fɔlɔ 'dã mɛnɔ 'da nɛ na, nɛ hɔ sa wi li Gale. E kɔ Gale be dia zã 'da a hã nɛ, nɛ a dɛ na, nɛ ɔ do gɛ̃a sila fai.