Levitɛnɔ 7:12 - WE NU GALE 1995

¹² “Fala kɛ wele hã dɔnggamɔ we tɔ̃ dia li NWA, nɛ ma wia na, dɛ ngɔ sa'de kɛ a nɛ gbɛ a ni, nɛ a tɛ sɛ do mukate kɛ a zanga ma do nɔ, nɛ a à ina hana mapa tɛ nɛ gɔ ni, do fũ kɛ a zanga ma do nɔ ni.

Levitɛnɔ 7:12 Iomraidhean Croise

2 Sakonɔ 29:31

'Do ki ni, nɛ nwa Ezekiasi tɔ̃ 'bɔ hã winɔ na: “Di ngangga ni, nɛ owinɔ kɛ nɛ hã tɛ nɛ hã NWA Gale ni, nɛ tɛ́ do odɔnggamɔ hã a.” Owinɔ wa nɛa we zele ni, nɛ wa tɛa do osa'de we gbɛ hã Gale. Nɛ owinɔ kɛ wa zi do dia sila ni, wa tɛa zi 'bɔ do odɔnggamɔ hã Gale.

2 Sakonɔ 33:16

Nɛ a 'dafa 'da gbagala 'da NWA Gale, nɛ a dɔ osa'de ngɔ nɛ we dɔnggɔ do a. Nɛ a ba nu a hã Oyuda na, wa dɔnggɔ NWA Gale 'da wa obe Israɛlɛ.

NEHEMIE 12:43

Kɔ̃ tũi ni, mɛ zi a kɔ̃ tũ ɛngga, nɛ winɔ wa hã zi dɔnggamɛnɔ hã Gale wena. Nɛ Gale hã yangga hã owinɔ 'da a wena. Wukonɔ do benɔ tɛ Yeruzalɛmɛ, wa dunu do yangga, nɛ wá zɛ kaliã. Nɛ hiamɔ yangganɔ ni ma dɔ̃lɔ̃ nyɛlɛ wena.

Zumanɔ 107:8

E kɔ wa dɔnggɔ NWA we kɔ̃a zã 'da a, do we ɔngbamɛnɔ a dɛa we wa ni.

Zumanɔ 116:17

Mi hã sɛ dɔnggamɔ we gese iɔ̃nae hã NWA, nɛ mi dɔnggɔ sɛ dia zu li a.

Zumanɔ 50:23

Wi kɛ a dɔnggɔ mi, wi a wele kɛ a gese iɔ̃nae hã mi ni. Wi kɛ a dɛ tɛ̃ a ɔ dia ni, nɛ mi be sɛ hã a na, mi a wi kpasa wi.”

Yeremi 33:11

giti hiamɔ gbalimɔ, do hiamɔ yangga, do zuma mɔ dɔ ba ngba wi. Nɛ zele sɛ 'bɔ giti gɛlɛ winɔ tɛ ga zuma, 'da fala kɛ wa tɛ do dɔnggamɛnɔ dɛ kɔ Tɛmpɛloe 'da mi ni. Nɛ wa tɔ̃ sɛ na: ‘Lɛ dɔ́nggɔ́ NWA ngɔ mɔ nyanga nza vɛ̃, we kɛ a de wena, nɛ kɔ̃a zã 'da a do ndɔti nɛ bina.’ Mi dɛ sɛ na, owinɔ ngɔ nùi gɛ wa dungu 'bɔ do dia nɛ ɔ nɛ kɛ zi dati ni. Mi NWA, mi tɔ́a ni.”

OZE 14:2

Aa nɛ, obe Israɛlɛ, nɛ kpóló tɛ nɛ dɛ 'da NWA Gale 'da nɛ, we kɛ nɛ kɔa zu nyanga nɛ, nɛ nɛ tia we duzu 'dã mɛnɔ 'da nɛ.

Levitɛnɔ 2:4

“Fala kɛ ma ɔ do dɔnggamɔ kɛ wa dɔa ma kɔ furu, nɛ ma wia na, ma ɔ do mapa kɛ nu ma ɔ dĩ, nɛ wa dɛ ma do fũ kɛ wa zanga ma do nɔ iko, nɛ wa tɛ à ina hana mapa tɛ nɛ gɔ. Tabi ma wia na, ma ɔ do mapa kɛ nu ma dĩ̀lĩ̀ gɔ, nɛ wa kpã nɔ ngɔ nɛ, nɛ wa tɛ à ina hana mapa tɛ nɛ gɔ.

Levitɛnɔ 2:5

“Fala kɛ ma ɔ do dɔnggamɔ kɛ wa hana ma ngɔ mbala mɔ bolo, nɛ ma wia na, ma ɔ do fũ kɛ wa zanga ma do nɔ. Nɛ nde wa tɛ à ina hana mapa tɛ nɛ gɔ.

Levitɛnɔ 22:29

Fala kɛ mɔ hã dɔnggamɔ we hã iɔ̃nae hã mi nde, nɛ mɔ dɛ ma ɔ nɛ kɛ mbula ngɔ nɛ tɔ̃a ni, sɛ nɛ mi we sɛ we kɔ̃ gɛnɛ ma de.

Levitɛnɔ 6:16

Mba gɔ, dɔnggamɔ fũi vɛ̃, kɛ nganga hã ma hã NWA ni, wa nyɔ́ngɔ́ ma gɔ. Ma wia na wa dɔ ma vɛ̃ hã NWA.”

Levitɛnɔ 7:15

Nɛ nde we duzu mulu sa'de, kɛ a hã ma do dɔnggamɔ we be dɛa na ni, a nyɔngɔ sɛ ma do ngba soe kɛ a hã do ma ni, nɛ a tɛ è ma ngɔ gɔ.

AMƆSI 4:5

Nɛ nɛ dɔ́ 'bɔ mapa we hã iɔ̃nae hã mi, nɛ nɛ dɛ́ tɛ mɛ 'dã mɔ fai. Nɛ nɛ dɔ́nggɔ́ 'bɔ tɛ nɛ ngɔ mɛnɔ kɛ nɛ hã ma do kɔ sila nɛ iko ni. Ki ni ma de tɛ nɛ Oisraɛlɛ wena! Mi NWA, mi tɔ̃a ni.

Tɔlɔ Mɔ 6:15

Nɛ a tɛ 'bɔ do yele mapa kɛ wa à ina hana mapa tɛ nɛ gɔ, nɛ wa dɔa ma do nɔ ni, do bisikiti kɛ wa à 'bɔ ina hana mapa tɛ nɛ gɔ, nɛ wa ndɔa nɔ ngɔ nɛ, mba do fũ farini, do dɔ́ kɛ ma wia do dɔnggamɛ ni.

LUKA 17:16

nɛ a gu gba zugolo dɛ ti Yezu ni, nɛ a gu li a nù, nɛ a gese iɔ̃nae hã a. Wi ni zi a be Yuda gɔ, a a wi Samaria.

LUKA 17:18

Wa kpòlò tɛ wa we gese iɔ̃nae hã Gale gɔ nde? Wi kpula tɛ̃ ɛ tati a gele wi gɛ iko nde?”

ROMA 1:21

Wa ĩ ti Gale ĩ, nɛ nde wa kɔ̃̀ we dɔnggɔ a ɔ nɛ kɛ ma wia do a ni gɔ, nɛ wa kɔ̃̀ 'bɔ we hã iɔ̃nae hã a gɔ. Linggamɛnɔ 'da wa ma busu, nɛ gbãlã zã wa bi do'do, nɛ wa 'bɔ do dia linggamɔ zu wa bina.

EFƐZƐ 5:20

Nɛ nɛ hã́ iɔ̃nae hã Baa lɛ Gale fai we mɛnɔ vɛ́, do zu li Nwa 'da lɛ Yezu Kristo.

OHEBRE 13:15

Kɔ lɛ dɔ́nggɔ́ Gale 'da fala fai, nɛ lɛ hã́ dɔnggamɔ hã a do wala 'da Yezu. Dɔnggamɛ ni, mɛ a sambala kɛ lɛ dɔnggɔ do a nɛ́ nwa 'da lɛ dɛ li owinɔ vɛ̃ ni.

1 PETRO 2:5

Kɔ ma wia na, nɛ winɔ kɛ nɛ kpa kpasi ni, nɛ ɔ tɛ mɛ 'bɔ nɛ tanɔ ni, takɔ Gale dɛ nɛ do tɔa ɔi 'da Hi Wi 'da a. Kɔ tɔa ni, nɛ sɛ a onganga santonɔ 'da a, takɔ nɛ hã dɔnggamɔ hã a do sila nɛ kpo. Dɔnggamɛ ni ma hã sɛ yangga hã a, we kɛ nɛ hã ma do wala 'da Yezu Kristo ni.