Levitɛnɔ 7:1 - WE NU GALE 1995

¹ “Kɛ gɛ mɛ a mbula ngɔ dɔnggamɔ we si olo ku'da 'dã mɔ. Mɛ a dɔnggamɔ kɛ ma santo ngboo.

Levitɛnɔ 7:1 Iomraidhean Croise

2 Sakonɔ 31:14

Nɛ levitɛ kɛ li a a Kore, be 'da Imna, kɛ a 'bɔ a wi zɔ mɔ tɛ nu ngboe si 'biti gba wese ni, a zi a wi fɔmɔ odɔnggamɛnɔ kɛ winɔ wa tɛ do ma hã Gale do kɔ sila wa iko ni. Nɛ Kore kala zi mɛnɔ ni, nɛ a kɛ̃ ma hã onganganɔ do olevitɛnɔ. Nɛ mɛnɔ kɛ ma santo ni, a hã ma hã onganganɔ.

EZEKIƐLƐ 40:39

Nɛ kɔ gã 'bili tɔa ni, wa a omɛsa nalɛ, bɔa do mbe Sɔkpɔ tɔa, nɛ mbe bɔa do kulu nɛ. Mɛ a mɛsanɔ kɛ wa gbɛ osa'de dɔnggamɛnɔ ngɔ nɛ ni. Nɛ mɛ a dɔnggamɛnɔ kɛ wa dɔ mbee nɛ dɔa, nɛ mbe nɛ we fo ku'da 'dã mɔ, tabi we si olo ku'da 'dã mɔ.

EZEKIƐLƐ 44:29

Wa nyɔngɔ sɛ dɔnggamɛnɔ, do sa'denɔ wa gbɛ do dɔnggamɔ hã mi we fo ku'da 'dã mɔ ni. Nɛ mɛnɔ vɛ̃ kɛ obe Israɛlɛ wa ia hã mi ni sɛ a mɔ́ wa.

EZEKIƐLƐ 46:20

Nɛ a tɔ̃ hã mi na: “Kɛ gɛ mɛ a fala onganganɔ wa nɛ gi do sa'denɔ, takɔ Gale fo ku'da 'dã mɛnɔ ni. Nɛ wa gi sɛ 'bɔ mbe dɔnggamɛnɔ dɛ di ni. Wa dɛ sɛ na mɛ ni na, da dɛ kɔ wa hɔ́ do dɔnggamɔ santonɔ ni dɛ li fanda kɛ winɔ wa nɛ ni, kɔ wa kpa 'dã mɔ gɔ.”

Levitɛnɔ 21:22

Nɛ nde a wia tɛ nyɔngɔ tala dɔnggamɛnɔ wa hã ma hã mi, do nyɔngɔmɛnɔ vɛ̃ kɛ ma santo, do dɔnggamɛnɔ kɛ ma santo wena ni.

Levitɛnɔ 5:11

“Fala kɛ wele do wala we kpa ogbakulĩ bɔa, tabi opizɔ̃ bɔa bina, nɛ ma wia na, a tɛ do kilo fũ nalɛ we hã do dɔnggamɔ we fo ku'da 'dã mɛ zu a. Nɛ nde a tɛ à nɔ, tabi fũ yɔmbɔ ngɔ nɛ gɔ, we kɛ mɛ a dɔnggamɔ we fo ku'da 'dã mɔ.

Levitɛnɔ 5:14

NWA tɔ̃a hã Mɔizɛ na, a e mbulanɔ gɛ hã obe Israɛlɛ na:

Levitɛnɔ 5:15

“Fala kɛ wele zɔlɔ tɛ do dɔnggamɛ kɛ ma wia ni hã NWA, kɔ gɛnɛ kɔ a dɛ̃ do mbana gɔ, nɛ nde a dɛa 'dã mɔ dɛ 'da NWA. Nɛ ma wia na, a tɛ do wili bata, tabi wili dua kɛ fo kunda tɛ̃ a bina ni hã NWA. A tɛ sɛ nɛ, we si olo ku'da 'dã mɛ zu a. Wa we sɛ gole sa'de ni do 'da mɔ we do mbili kɔ tɔa Tande. Nɛ sa'de ni sɛ we hã do dɔnggamɔ si olo ku'da 'dã mɔ.

Levitɛnɔ 5:7

“Fala kɛ wele do wala we hã bata tabi dua, we si olo ku'da 'dã mɛ a dɛa ni bina, nɛ ma wia na, a tɛ do gbakulĩ bɔa, tabi opizɔ̃ bɔa we si do olo ku'da 'dã mɛ 'da a dati NWA. Mbe nɔɛ kpo sɛ we hã do dɔnggamɔ we fo ku'da 'dã mɔ, nɛ wa dɔ sɛ mbe nɛ vɛ̃ we dɔnggɔ do Gale.

Levitɛnɔ 5:8

Wi ni, a tɛ sɛ do onɔɛnɔ ni hã nganga, nɛ nganga hã dɔnggamɔ kɛ we fo ku'da 'dã mɛ ni dati. A sa'ba sɛ gɛlɛ mbe kpo nɔɛ, nɛ ma gbini, nɛ nde a fo sɛ ma gɔ.

Levitɛnɔ 6:17

NWA tɔ́a hã Mɔizɛ na,

Tɔlɔ Mɔ 6:12

Nɛ nde ma wia na, wi ni a hã sɛ 'bɔ mbé tɛ̃ a hã mi NWA. A hã sɛ be bata kɛ a dɛa sabɛlɛ kpo ni do dɔnggamɔ, we si olo ku'da 'dã mɛ 'da a. Nɛ wa tɔ́lɔ́ sɛ 'bɔ kɔ̃ tũnɔ zi a hã do tɛ̃ a hã mi dati ni gɔ, we kɛ kɔ tũi ni, ma yula nù dɛ sanga gɛ iko.