Levitɛnɔ 6:4 - WE NU GALE 1995

⁴ 'Do nɛ, nɛ a kpolo tulunɔ tɛ̃ a ni, nɛ a ba bũi ni hɔ do ma dɛ 'do ngbo ɔi i, tɛ fala kɛ ma sa li Gale ni.

Levitɛnɔ 6:4 Iomraidhean Croise

Ndo Nyanga Dɛ Mɔ 21:25

Nɛ 'do nɛ, nɛ Abrahama ala nu a hã Abimelɛkɛ we duzu kɔ̃ lì 'da a kpo, kɛ owinɔ 'da Abimelɛkɛ wa ba zi ma kɔ̃ a do nga nɛ ni.

NEHEMIE 5:11

Kɔ yolo do sɔɛ gɛ, nɛ gésé ofɔnɔ, do ote vinɔnɔ, do ote olivɛnɔ, do otɔanɔ 'da Owi ba ku'danɔ 'da nɛ hã wa. Nɛ nɛ tɛ sà 'bɔ mɔ 'da ble, do dɔ̃, tabi do nɔnɔ kɛ nɛ ia zi zu wa do ku'da ni, nɛ nɛ fa we kpa mbili ngɔ nɛ gɔ.”

YƆBƆ 20:19

We kɛ a kala zi ma kɔ̃ winɔ do nga nɛ, nɛ a zɛlɛ tɛ Owi sãnɔ, nɛ a dolo zu tɔa mɔ́ wele.

YƆBƆ 24:2

O'dã winɔ wa tili li ngbala fɔɛ 'da wa dɛ dati, nɛ ombe wa zũ batanɔ 'da ogele winɔ, nɛ wa mba li nɛ do kɛ 'da wa.

EZEKIƐLƐ 18:12

A ɔlɔ wi sãnɔ do wi 'bakonɔ. A zũ owinɔ, nɛ a gésé mɛnɔ wa e 'da a do tikɔɛ ni gɔ. A ba tɛ̀ a we dɔnggɔ kpikimanɔ, nɛ a dɛ gã 'dã mɛnɔ. Ní a wele kɛ a ɔ na mɛ ni, a wia we 'bana do kpasi nde? Fala kpo gɔ! A dɛa gã 'dã mɛnɔ vɛ̃, nɛ ma wia na a fe. Nɛ we fie 'da a sɛ dɛ zu a wele nɛ.

EZEKIƐLƐ 18:18

Wi a baa a hã a zɛlɛ tɛ winɔ, nɛ a zũ owinɔ kɛ zã a ni. Na mɛ ni, a do tɛ̃ a hã a nɛ fe we 'dã mɛnɔ a dɛa ni.

EZEKIƐLƐ 18:7

A ɔ́lɔ́ wele gɔ, nɛ a zṹ mɔ gɔ. Wele e mɔ 'da a do tikɔɛ, nɛ a gese do 'da fala ma wia ni. A hã nyɔngɔmɔ hã wele kɛ a do wɔ ni, nɛ a e tulu tɛ wele kɛ a zɔlɔ tulu ni.

EZEKIƐLƐ 33:15

Fala kɛ wi ni la fala dɛ 'dã mɔ, kɔ a gese mɛnɔ kɛ wa ia zi do tikɔɛ 'da a ni, nɛ a gese mɛnɔ kɛ a zũ ni, kɔ a ndo dɛ mbulanɔ kɛ wele dɛ ma, nɛ ma hã kpasi hã a ni, nɛ a kpasa sɛ, nɛ nde a fé sɛ gɔ.

EZEKIƐLƐ 44:19

Nɛ dati kɛ na, wa hɔ nza dɛ li fanda fala owinɔ wa dungu nɛ ni, nɛ wa hɔlɔ sɛ tulunɔ wa hi'da 'da fala dɛa toe ni. Nɛ wa a ma kɔ 'bili tɔanɔ kɛ ma santo ni, nɛ wa he'de gele tulu, sɛ nɛ wa hɔ de. Wa dɛ sɛ na mɛ ni na, da dɛ kɔ winɔ wa 'bé tɛ tulu santonɔ ni, kɔ wa kpa 'dã mɔ gɔ.

Levitɛnɔ 24:18

Fala kɛ a gbɛ sa'de mɔ́ gele wele, nɛ ma wia na, a kpolo fia sa'de ni do tunu li sa'de.

Levitɛnɔ 24:21

Wele kɛ a gbɛ sa'de, nɛ a gese sɛ gele sa'de olo nɛ. Nɛ nde wele kɛ a gbɛ ngba a ní, nɛ ma wia na wa gbɛ a.

AMƆSI 3:10

Owi Samaria wa ĩ̀ ti bɔlɔ zu dɛa mɔ gɔ. Wa zũ mɔ kɔ̃ winɔ, tabi wa kala ma kɔ̃ wa do nga nɛ, nɛ wa ngɛmɛ ma vɛ̃ dɛ kɔ ogã tɔanɔ 'da wa.

Mike 2:2

Fala kɛ nɛ zɔ tɔa, tabi fɔ, kɔ ma de tɛ nɛ, nɛ nɛ kala ma kɔ̃ Owele nɛ. Nɛ zũ 'bɔ nùi 'da owinɔ, nɛ nɛ kala odia mɛnɔ kɔ̃ wa do obenɔ 'da wa.

SOFONI 1:9

Nɛ mi hã sɛ etumbu hã owinɔ kɛ wa dɛ mɔ tɛ wa ɔ nɛ opaganɔnɔ ni, do wanɔ kɛ wa zũ mɛnɔ, tabi wa kala kpamɛnɔ 'da gele winɔ do nga zu, we a kɔ tɔa 'da nwa 'da wa ni.”

MALAKI 1:13

Nɛ nɛ tɔ̃ 'bɔ na: ‘Tili dɔnggɔ mɔ ba li lɛ do'do!’ Nɛ nɛ zɔ mi NWA ngɔ mɔ nyanga nza vɛ̃ li nɛ yala iko. Nɛ kala osa'de zũ, do wanɔ kɛ wa do kunda, tabi gele zɛlɛ tɛ wa ni, nɛ nɛ tɛ do wa hã mi. Kɔ mi aka nɛ na, mi wia tɛ kɔ̃ gɛnɛ mɔ ɔ na mɛ ni nɛ nde?

Tɔlɔ Mɔ 5:7

Nɛ ma wia na, a gbala 'dã mɛ a dɛa ni, nɛ a gese mɛ a 'danga ni hã wele nɛ, nɛ a e kpo mbee mɔlɔ gole mɛ ni ngɔ nɛ.