Levitɛnɔ 6:3 - WE NU GALE 1995

³ Do titole, nɛ nganga he'de vungbu tulu ɔ bɛndɛ bɛndɛ, nɛ tulu ti nɛ ma ɔ 'bɔ na mɛ ni. Nɛ a fo bũnɔ olo dɔnggamɛ wa dɔa ni, nɛ a a ma dɛ kɛ zã gbagala ni.

Levitɛnɔ 6:3 Iomraidhean Croise

Kulu Tɔa 23:4

Fala kɛ ngɔmbɔ tabi punda mɔ wi sɛnɛ nɛ yɔ, hã nɛ kpa a, nɛ nɛ si do a hã wele a.

Kulu Tɔa 28:42

Wa fa sɛ 'bɔ linɛ, nɛ wa fulu do tulu hã wa na, wa he'de ma, nɛ ma ba zã ku wa, nɛ ma usu go'do wa.

GBA WENƆ 24:28

Mɔ tɛ dà ngba mɔ yala iko gɔ, nɛ mɔ tɛ 'bìlì 'bɔ bele dɛ zu a gɔ.

GBA WENƆ 30:9

Mba gɔ, fala kɛ mi kpa mɔ wena, nɛ mbe gɔ, nɛ mi lénggé sɛ 'bɔ do mɔ Gale gɔ, nɛ mi tɔ̃ sɛ na, Gale a wio nde? Nɛ nde fala sã ba mi, nɛ mbe gɔ, nɛ mi zũ sɛ mɔ, nɛ mi hã sɛ sape hã mɔ Gale 'daa.”

Yeremi 5:2

Aa nwa, winɔ wa kana tɛ wa do zu li mɔ, nɛ nde wa dɛ́ olo nu wa gɔ.

Yeremi 7:9

Nɛ 'bana tɛ zũ mɔ, gbɛ wele, ɔ do wuko 'da ngba nɛ, kana tɛ nɛ do bɛlɛ, gbɛ sa'de we dɔnggɔ do gale Bala. Nɛ nɛ dɔnggɔ ogele galenɔ kɛ nɛ ĩ̀ zi ti wa dati gɔ ni.

EZEKIƐLƐ 44:19

Nɛ dati kɛ na, wa hɔ nza dɛ li fanda fala owinɔ wa dungu nɛ ni, nɛ wa hɔlɔ sɛ tulunɔ wa hi'da 'da fala dɛa toe ni. Nɛ wa a ma kɔ 'bili tɔanɔ kɛ ma santo ni, nɛ wa he'de gele tulu, sɛ nɛ wa hɔ de. Wa dɛ sɛ na mɛ ni na, da dɛ kɔ winɔ wa 'bé tɛ tulu santonɔ ni, kɔ wa kpa 'dã mɔ gɔ.

Levitɛnɔ 1:16

Nɛ a fo mɔ ti gɛlɛ nɔɛ ni, nɛ a da ma tɛ fala wa a do bũ olo dɔnggamɛ dɛ kɛ zã gbagala, si 'biti gba wese ni.

Levitɛnɔ 16:4

Nɛ ma wia 'bɔ na, a he'de vungbu tulu ngɔ, do tulu ti nɛ, nɛ a kpo 'dɛ̃ ngɔ nɛ, nɛ a kpo 'bɔ kitambala zu a. Tulunɔ ni vɛ̃, sɛ a otulu linɛ. Nɛ́ kɛ mɛ a otulu santo ni, ma wia na, a fɔlɔ tɛ̃ a dati kɛ na a he'de ma ni.

Levitɛnɔ 19:12

Nɛ tɛ kànà tɛ nɛ do zu li mi do bɛlɛ gɔ. Nɛ dɛ ma, nɛ nɛ faka sɛ zu li mi. Mi a NWA Gale 'da nɛ.

ZAKARIA 5:4

NWA ngɔ mɔ nyanga nza vɛ̃ tɔ̃a na, ɛ do tɛ̃ ɛ hã ɛ nɛ tombo fɔmba ni. Nɛ ma le sɛ kɔ tɔa 'da wi zũ kpo kpo, do wele kpo kpo kɛ a zonggo tɛ̃ a do zu li ɛ do bɛlɛ ni. Nɛ fɔmba ni ma 'bana sɛ dɛ kɔ tɔanɔ 'da wa, nɛ ma 'danga sɛ tɔanɔ 'da wa vɛ̃.”

MALAKI 3:5

NWA ngɔ mɔ nyanga nza vɛ̃ tɔ̃a na: “Mi tɛ sɛ, nɛ mi dungu dɛ sanga nɛ we gɔnɔ ngbangga 'da nɛ. Nɛ winɔ mi gɔnɔ sɛ ngbangga 'da wa dati, wi a Owi dɛ sɔ̃nɔ, do owinɔ kɛ wa ɔ do wukonɔ 'da ngba wa, do wanɔ kɛ wa ba kombo tɛ wa do bɛlɛ, do wanɔ kɛ wa 'bili nu mbili 'da owi dɛa tonɔ 'da wa, do wanɔ kɛ wa zɛlɛ tɛ wi fio wilinɔ do obe gulanɔ, do wanɔ kɛ wa dɛ 'dã mɔ do ogɛnɛnɔ, do owinɔ kɛ wa dɛ́ kili mi gɔ ni. Mi NWA ngɔ mɔ nyanga nza vɛ̃, mi tɔ̃a ní.