Levitɛnɔ 6:2 - WE NU GALE 1995

² a e mbulanɔ gɛ hã Aroni do obenɔ 'da a. Mbulanɔ ni ma ngɔ dɔ sa'de do dɔnggamɔ. A na: “Ma wia na, wa e dɔnggamɛ ni ngɔ gbagala do tũi, nɛ wa dã we tɛ nɛ, nɛ ma bɛlɛ gbaa we hɔ titole.

Levitɛnɔ 6:2 Iomraidhean Croise

Ndo Nyanga Dɛ Mɔ 26:7

Nɛ owinɔ di ni wa aka a we wuke 'da a, nɛ a gese hã wa na, a a boko nya ɛ. A kɔ̃̀ zi we tɔ̃ na Rebɛka a wuke 'da ɛ gɔ, we kɛ a dɛ zi kili na, mbe gɔ, nɛ owinɔ di ni ni wa gbɛ sɛ ɛ, we ba Rebɛka do wuko 'da wa, we duzu kɛ a de zɔnga wena.

Zumanɔ 51:4

Mɔ fɔlɔ ndi 'dã mɛnɔ mi dɛa ni, nɛ mɔ fó ma vɛ̃, takɔ mi hɔ sa wi li mɔ.

GBA WENƆ 24:28

Mɔ tɛ dà ngba mɔ yala iko gɔ, nɛ mɔ tɛ 'bìlì 'bɔ bele dɛ zu a gɔ.

Ezai 21:2

NWA Gale bia mɔ hã mi, mɛ a mɔ kɛ ma 'danga wena, nɛ tɛ wele fe tɛ nɛ fia. Owinɔ kɛ wa dɛ zi na dati dɛa ni, wa hɔa wi vũ to tɛ ngba wa. Ngba soe 'danga mɔ ma hɔa ia. NWA tɔ̃a na: “Osoda Elamɛ, nɛ kúlú ngɔ we bi bolo! Osoda Mɛdɛ, nɛ bá le ni! Mi dɛ sɛ na, ngawi 'da Owi Babilɔnɛ ma e, nɛ wa ha sɛ 'bɔ ngamɔ hã wele gɔ.”

Ezai 24:16

Nɛ tɛ ndɔti nù 'di, lɛ zila zuma na: “Lɛ dɔ́nggɔ́ Gale, a a wi bɔlɔ zu!” Nɛ nde kɛ 'da mi, mi tɔ̃ do kɔ sila mi na: “Ma ia do mi ia, fo 'bɔ mbé kpasi do mi bina. Mi a wi 'bako!” Owi tɔ̃ ngalangbanɔ wa tɛ tɔ̃ ngalangba, nɛ wa tɛ 'danga sanga winɔ dɛ dati fai.

Ezai 33:1

Aa nɛ, owi sɛnɛ lɛ, nɛ kpa sɛ 'bako. Nɛ 'danga mɛnɔ 'da owinɔ 'da lɛ vɛ̃, nɛ nde wele 'dàngà mbe mɔ mɔ nɛ ɔ ni fala kpo gɔ. Nɛ vũ to tɛ wa, nɛ nde wele vũ̀ mbe kuti to tɛ nɛ gɔ. Kɔ nɛ ĩ́ na, fala kɛ nɛ 'danga mɛnɔ vɛ̃ do'do, nɛ Owele wa 'danga sɛ tɛ mɛ 'bɔ mɛnɔ 'da nɛ. Nɛ vũ sɛ to tɛ wa gbaa, nɛ do ndɔti nɛ, Owele wa vũ sɛ tɛ mɛ 'bɔ to tɛ nɛ.

Yeremi 9:5

'Dã mɛ 'da wa gã dɛ dati, wa mbɔ́kɔ́ tɛ wa tɛ 'bili bɛlɛ gɔ, nɛ wa bɛ̃a na, wa ĩ 'bɔ ti mi NWA gɔ. Mi NWA, mi tɔ̃a ni.”

EZEKIƐLƐ 40:46

Nɛ gã 'bili tɔa kɛ ma siki li ɛ si gbãlã ngɔ ni, mɛ a kɛ wa ia ma hã onganganɔ wa dɛ toe tɛ fala gbagala dɔ do sa'denɔ ni. Onganganɔ ni vɛ̃ wa a obe zã Sadɔkɛ. Nɛ kɔ nu kpala Levi, tati a obe zã Sadɔkɛ hã wa wia we kɔlɔ do NWA we dɛ to hã a.

Levitɛnɔ 1:3

Fala kɛ wi ni kɔ̃ we gbɛ ngɔmbɔ takɔ a dɔ we dɔnggɔ do NWA, nɛ ma wia na, a nɛ do wili ngɔmbɔ kɛ fo kunda tɛ̃ a bina ni, dɛ nu tɔa Tande i, takɔ NWA kɔ̃ gɛnɛ a.

Levitɛnɔ 19:11

Nɛ tɛ zũ̀ mɔ mɔ́ ngba nɛ gɔ, nɛ nɛ tɛ 'bìlì bɛlɛ, tabi ɔkɔlɔ ngba nɛ gɔ.

Levitɛnɔ 5:15

“Fala kɛ wele zɔlɔ tɛ do dɔnggamɛ kɛ ma wia ni hã NWA, kɔ gɛnɛ kɔ a dɛ̃ do mbana gɔ, nɛ nde a dɛa 'dã mɔ dɛ 'da NWA. Nɛ ma wia na, a tɛ do wili bata, tabi wili dua kɛ fo kunda tɛ̃ a bina ni hã NWA. A tɛ sɛ nɛ, we si olo ku'da 'dã mɛ zu a. Wa we sɛ gole sa'de ni do 'da mɔ we do mbili kɔ tɔa Tande. Nɛ sa'de ni sɛ we hã do dɔnggamɔ si olo ku'da 'dã mɔ.

Levitɛnɔ 5:19

Ki ni mɛ a dɔnggamɔ we si olo ku'da 'dã mɔ kɛ wele dɛa dɛ 'da NWA ni.”

Levitɛnɔ 6:1

NWA ba nu a hã Mɔizɛ na,

AMƆSI 8:5

Nɛ tɔ̃ do kɔ sila nɛ na: “Ɛngga mbé zɛkɛ ma e dɔ̃, takɔ lɛ be gole blenɔ 'da lɛ.” Nɛ nɛ kɔ̃a 'bɔ na, kɔ̃ tũ ɔmɔ tɛ wi ma la do'do, takɔ nɛ hũi nu kpalɛnɔ 'da nɛ, kɔ nɛ be gole nɛ. Nɛ ngba'bala tɛ mɔ we do mɔ golenɔ 'da nɛ hã owinɔ, nɛ nɛ zũ 'bɔ nu kiloe 'da wa.

HABAKUKƐ 1:13

Nɛ nde NWA, kɔdɛ kɛ mɔ wia tɛ ka mɔ tɛ o'dã winɔ gɛ do li mɔ iko ni nɛ nde? Wa bɛ̃a mbula 'da mɔ, nɛ mɔ ha etumbu hã wa gɔ we ge nde? 'Dã mɔ bi sĩ kɔ mɔ bina, nɛ mɔ wè tɛ kunu sila mɔ we zɔ 'dã mɔ gɔ. Gulu kɛ 'dã mɛ 'da winɔ ni ma gã nɛa ngɔ 'dã mɛ 'da wanɔ wa zɛlɛ tɛ wa ni, nɛ mɔ wélé we gɔ we ge nde?

YOANƐ 8:44

Baa nɛ, wi a Satana, nɛ nɛ kɔ̃a we dɛ mɛnɔ kɛ zã Satana kɔ̃a ni. Zɛ́ belee, a a wi gbɛ wi fai, nɛ a kɔ̃̀ mbe gɛnɛ gbãlã we fala kpo gɔ, we kɛ fo gbãlã we kɔ a bina. Kɔ fala kɛ a 'bili bɛlɛnɔ, nɛ nde mɛ a tɛlɛ tɛ̃ a hã ni, we kɛ a a wele bɛlɛ. Bɛlɛnɔ vɛ̃ yula kɔ a.

Owi Nɛ Tonɔ 5:4

Dati kɛ wa tɛ òsò zi fɔɛ 'da mɔ gɔ ni, nɛ nde mɛ zi a kɛ 'da mɔ. Nɛ 'do kɛ wa usa ni, nɛ nde wele mbili nɛ 'bɔ a mɔ́ mɔ. Kɔ mɛ dɛa mɔ ngboo na, mɔ 'bili do kɔ sila mɔ, we dɛ mɔ ɔ nɛ mɛ gɛ ni a ge nde? Mɔ 'bìlì bɛlɛ hã wele gɔ, nɛ nde mɔ 'bili bɛlɛ hã Gale.”

EFƐZƐ 4:25

We duzu ma, nɛ lá fala 'bili bɛlɛ, nɛ wele do wele tɔ̃́ gbãlã we hã ngba a. We kɛ lɛ vɛ́, lɛ a mɔ tɛ kili tɛ wi kpo.

KƆLƆSƐ 3:9

Nɛ tɛ 'bìlì bɛlɛ hã ongba nɛ gɔ, we kɛ nɛ la ã dungi 'da nɛ, do mɛnɔ nɛ dɛ zi ni,

USU MƐNƆ 22:15

Nɛ nde owi ndinɔ, kɛ wa a owi dɛ sɔ̃, owi yɛnggɛ vĩ zu yɛli, owi gbɛ wi, owi dɔnggɔ kpikima, owi 'bili bɛlɛ, do owi dɛ mɔ do bɛlɛ ni, wa vɛ wa 'bana sɛ dɛ 'do le.