Levitɛnɔ 5:9 - WE NU GALE 1995

⁹ Nɛ nganga a kpã sɛ mbe tɔkɔ nɔɛ ni tɛ 'bolo zã gbagala. Ki ni mɛ a dɔnggamɔ we fo ku'da 'dã mɔ.

Levitɛnɔ 5:9 Iomraidhean Croise

Ezai 42:21

NWA Gale, wele bɔlɔ zu dɛa mɔ, a bia hã owinɔ 'da a na, mbulanɔ 'da ɛ ma gã wena, nɛ ma de wena.

Levitɛnɔ 1:15

Nɛ mbe nganga kpo, a tɛ sɛ do nɔɛ ni dɛ dati gbagala. Nɛ a sa'ba gɛlɛ a, nɛ a fo zu a, nɛ a dɛ na, tɔkɔ nɛ ma hulu dɛ ngɔ gbagala. 'Do nɛ, nɛ a dɔ sɛ zu a dɛ ngɔ gbagala ni.

Levitɛnɔ 1:5

'Do nɛ, nɛ a 'bili sɛ gɛlɛ wili ngɔmbɛ ni dɛ di ni. Nɛ onganganɔ, kɛ wa a obe zã Aroni ni, wa kpɔ sɛ tɔkɔ nɛ, nɛ wa be ma hã NWA. 'Do nɛ, nɛ wa kpã tɔkɛ ni tɛ 'bolo zã gbagala kɛ wa dɛa ma tɛ kpongbo nu tɔa Tande we do do sa'de hã NWA ni.

Levitɛnɔ 4:18

Nɛ a ndɔ sɛ 'bɔ tɔkɛ tɛ 'bɛ̃lɛ̃ zu gbagala, kɛ wa dɔ do fũ yɔmbɛ kɔ tɔa Tande i ni. 'Do nɛ, nɛ a tɛnɛ tala tɔkɛ ni dɛ nyanga gbagala kɛ wa dɛa ma tɛ kpongbo nu tɔa Tande i, we dɔ do sa'denɔ hã NWA ni.

Levitɛnɔ 4:25

Nɛ nganga a fi sɛ zu kɔ a 'dɔ tɔkɔ sa'de, nɛ a ndɔ tɛ 'bɛ̃lɛ̃ zu gbagala kɛ wa dɔ do dɔnggamɛnɔ hã NWA ni. 'Do nɛ, nɛ a tɛnɛ tala tɔkɛ dɛ nyanga gbagala ni.

Levitɛnɔ 4:30

Nɛ nganga a fi sɛ zu kɔ̃ a 'dɔ tɔkɔ sa'de, nɛ a ndɔ tɛ 'bɛ̃lɛ̃ zu gbagala dɔ do dɔnggamɛnɔ hã NWA. 'Do nɛ, nɛ a tɛnɛ sɛ tala tɔkɛ dɛ nyanga gbagala ni.

Levitɛnɔ 4:34

Nɛ nganga a fi sɛ zu kɔ̃ a 'dɔ tɔkɔ sa'de ni, nɛ a ndɔ tɛ 'bɛ̃lɛ̃ zu gbagala dɔ do dɔnggamɛnɔ hã mi NWA. 'Do nɛ, nɛ a tɛnɛ tala tɔkɛ dɛ nyanga gbagala ni.

Levitɛnɔ 4:7

“A ndɔ sɛ 'bɔ tɔkɛ tɛ 'bɛ̃lɛ̃ zu gbagala, kɛ wa dɔ do fũ yɔmbɛ kɔ tɔa Tande i ni. 'Do nɛ, nɛ a tɛnɛ tala tɔkɛ ni dɛ nyanga gbagala, kɛ wa dɛa ma tɛ kpongbo nu tɔa Tande we dɔ do sa'de hã NWA ni.

Levitɛnɔ 7:2

Wa 'bili sɛ gɛlɛ sa'de dɛ fala wa 'bili do gɛlɛ sa'denɔ we dɔ wa hã NWA ni. 'Do nɛ, nɛ nganga a kpã sɛ tɔkɔ sa'de ni tɛ 'bolo zã gbagala.

OHEBRE 12:24

Nɛ nɛ hɔa 'bɔ dati Yezu, kɛ a yula sanga tɛ ngba lɛ do Gale, nɛ a 'dafa mbé gba tɔkɔ sanga lɛ ni. Tɔkɔ tɛ Yezu ma a nù, nɛ ma wele we de nɛ ngɔ kɛ 'da Abɛlɛ.

OHEBRE 2:10

Gbãlã we, ma wia zi na, Gale kɛ a dɛa mɛnɔ vɛ, nɛ a zɔ mɔ tɛ nɛ vɛ ni, a 'dafa tɛ mɛ 'bɔ Yezu, nɛ a we ngboo, we duzu zɛlɛ tɛ a kpa ni. Gale dɛa na mɛ ni, takɔ Yezu hũi wala kpasi hã ogba gili wele, nɛ wa hɔ benɔ 'da Gale, nɛ wa mba kpo do a kɔ dɔ̃lɔ̃ li 'da a.