Levitɛnɔ 5:7 - WE NU GALE 1995

⁷ “Fala kɛ wele do wala we hã bata tabi dua, we si olo ku'da 'dã mɛ a dɛa ni bina, nɛ ma wia na, a tɛ do gbakulĩ bɔa, tabi opizɔ̃ bɔa we si do olo ku'da 'dã mɛ 'da a dati NWA. Mbe nɔɛ kpo sɛ we hã do dɔnggamɔ we fo ku'da 'dã mɔ, nɛ wa dɔ sɛ mbe nɛ vɛ̃ we dɔnggɔ do Gale.

Levitɛnɔ 5:7 Iomraidhean Croise

Levitɛnɔ 12:6

“Fala kɛ kɔ̃ tũi ma we na, wa fɔlɔ a we hɔ sa wi li Gale olo kula bulu be tabi boko be ni, nɛ a nɛ sɛ do be bata kɛ a dɛa sabɛlɛ kpo ni, nɛ a hã a hã nganga tɛ nu tɔa Tande i. Nɛ nganga a dɔ sɛ sa'de ni we dɔnggɔ do NWA. A tɛ sɛ 'bɔ do pizɔ̃ tabi gbakulĩ do dɔnggamɔ we fo ku'da 'dã mɔ.

Levitɛnɔ 12:8

Fala kɛ wuke ni do wala we hã be bata bina nde, nɛ a wia we tɛ do ogbakulĩ bɔa tabi pizɔ̃ bɔa. Nɛ wa dɔ sɛ mbe nɔɛ kpo we dɔnggɔ do NWA, nɛ wa hã mbee nɛ do dɔnggamɔ we fo ku'da 'dã mɔ. Nɛ nganga a be sɛ dɔnggamɛ ni dati NWA, nɛ ma fɔlɔ sɛ wuke ni, nɛ a hɔ sa wi li Gale.

Levitɛnɔ 14:30

'Do nɛ, nɛ nganga a ba sɛ mbee gbakulĩ tabi mbee pizɔ̃ɛ, ɔ nɛ kɛ wi ni a tɛa do ma ni,

Levitɛnɔ 14:31

nɛ a gbɛ a we dɔnggɔ do NWA, takɔ ma fo ku'da 'dã mɔ zu wi ni. Nɛ a dɔ sɛ tala nɔɛ, mba do mbee dɔnggamɔ fũi, we dɔnggɔ do NWA. Nɛ mɛ a dɛa ni, ma fɔlɔ sɛ wi ni, nɛ a hɔ sa wi li Gale.”

Levitɛnɔ 15:30

Nɛ nganga a hã sɛ mbee nɔɛ kpo do dɔnggamɔ we fo ku'da 'dã mɔ, nɛ a dɔ mbee nɛ we dɔnggɔ do NWA. Nɛ mɛ a dɛa ni, ma fɔlɔ sɛ wuke ni olo fua tɔkɛ, nɛ a hɔ sa wi li Gale.

Levitɛnɔ 16:5

Ma wia na, obe Israɛlɛ wa tɛ sɛ do owili dua bɔa hã Aroni, we hã wa do dɔnggamɔ fo ku'da 'dã mɔ zu wa. Nɛ wa tɛ 'bɔ do mbe wili bata kpo, takɔ a dɔ we dɔnggɔ do mi NWA.

Levitɛnɔ 27:8

“Wele kɛ a a wi sã, hã a zɔlɔ mbili wa wia ni, nɛ a nɛ sɛ do wi kɛ a hã a hã NWA ni 'da nganga i. Nɛ nganga a we sɛ gole mbili do tɛlɛ tɛ kɛ na, wi ni a wia do futa ma ni.

Levitɛnɔ 5:11

“Fala kɛ wele do wala we kpa ogbakulĩ bɔa, tabi opizɔ̃ bɔa bina, nɛ ma wia na, a tɛ do kilo fũ nalɛ we hã do dɔnggamɔ we fo ku'da 'dã mɛ zu a. Nɛ nde a tɛ à nɔ, tabi fũ yɔmbɔ ngɔ nɛ gɔ, we kɛ mɛ a dɔnggamɔ we fo ku'da 'dã mɔ.

Levitɛnɔ 7:1

“Kɛ gɛ mɛ a mbula ngɔ dɔnggamɔ we si olo ku'da 'dã mɔ. Mɛ a dɔnggamɔ kɛ ma santo ngboo.

Levitɛnɔ 9:3

'Do nɛ, nɛ mɔ tɔ̃ sɛ hã obe Israɛlɛ na, wa tɛ do wili dua hã NWA, takɔ wa hã do dɔnggamɔ we fo ku'da 'dã mɔ. Nɛ wa tɛ 'bɔ do be wili ngɔmbɔ, do be bata, kɛ wa do sabɛlɛ kpo, nɛ fo kunda tɛ̃ wa bina ni, nɛ wa dɔ sɛ we dɔnggɔ do NWA.

Tɔlɔ Mɔ 5:6

a é mbulanɔ gɛ hã obe Israɛlɛ na: “Fala kɛ wi wili tabi wuko dɛ 'dã mɔ dɛ 'da ngba a, nɛ nde a dɛa ma dɛ 'da NWA.

Tɔlɔ Mɔ 6:10

Fala kɛ ma hɔ tɛ tũ kɛ ngbɛ'dɛ'dɛ, nɛ a tɛ sɛ do ongoto bɔa tabi gbakulĩ bɔa hã nganga. A tɛ sɛ nɛ dɛ tɛ nu tɔa Tande kpa ngba wi do mi Gale.

Tɔlɔ Mɔ 6:11

Nɛ nganga a gbɛ sɛ mbe kpo kɔ nɔɛnɔ ni hã mi NWA, we fo ku'da 'dã mɛ zu wi ni. Nɛ a dɔ sɛ mbee nɛ we dɔnggɔ do mi. Nganga a dɛ sɛ mɛnɔ ni vɛ̃ we fɔlɔ wi ni olo kɛ a kɔlɔ do wɔlɛ ni. Do ngba soe ni, nɛ nganga a mbese sɛ winɔ na, wi ni a hɔa 'bɔ wi mɔ́ mi NWA.

MATIE 10:16

“Nɛ zélé! Mi tumba nɛ, nɛ nɛ ɔ sɛ nɛ obata kɛ wa lia sanga ogɔ̃̀ ni. Kɔ li nɛ sɔ̃́ nɛ́ li gɔ̃ ni, nɛ sila nɛ gɛ̃ ɔ nɛ sila gbakulĩ ni.

MATIE 21:12

Yezu nɛa, nɛ a le kɔ tɔa Tɛmpɛloe i, nɛ a kpa owinɔ wa be golenɔ 'da wa di ni ni, mba do Owi oso golenɔ, nɛ a ndaka wa dɛ nza. Nɛ a ili mɛsanɔ 'da Owi kpolo mbilinɔ, do mɔ dungu 'da Owi be gole pizɔ̃nɔ, nɛ a fi ma nù.

MATIE 3:16

Yoanɛ batisa Yezu do'do, nɛ Yezu hɔa nza 'dɔ lì do ti, nɛ do kpo fala ni, nɛ li nza hũi, nɛ a zɔ Hi Wi 'da Gale tɛ zĩlĩ dɛ ngɔ a ɔ nɛ gbakulĩ ni.

LUKA 2:24

Nɛ Maria do Yozɛfu wa nɛa 'bɔ do dɔnggamɔ hã nganga, takɔ a dɔ we dɔnggɔ do Gale, ɔ nɛ kɛ wa kɔmɔ kɔ 'buku mbula na: “Nɛ ha gbakulĩ bɔa, tabi be pizɔ̃ bɔa” ni.

2 KORINTƐ 8:12

We duzu kɛ 'da fala kɛ wele hã mɔ do dia sila, nɛ Gale kɔ̃ gɛnɛ ma, nɛ a lengge tati nɛ do mɛnɔ kɛ wele do ma ni, nɛ nde a lénggé do kɛnɔ wele do ma bina ni gɔ.