Levitɛnɔ 5:12 - WE NU GALE 1995

¹² A tɛ sɛ do fũi ni hã nganga, nɛ nganga a so sɛ zu nɛ, we gba ta zu nwa ngɔ wi hã dɔnggamɛ ni, nɛ a dɔ ma mba do gele dɔnggamɛnɔ ngɔ gbagala ni hã NWA. Ki ni a dɔnggamɔ we fo ku'da 'dã mɔ.

Levitɛnɔ 5:12 Iomraidhean Croise

Levitɛnɔ 1:13

'Do nɛ, nɛ wi ni a fɔlɔ sɛ kala zã sa'de, do ogbɔgɔlɔ nyanga nɛ. Nɛ mbe nganga kpo, a be sɛ ma hã NWA, nɛ a dɔ ma vɛ̃ dɛ ngɔ gbagala ni. Nɛ zɛ̃ dɔnggamɛ ni ma unu sɛ NWA, nɛ ma de tɛ̃ a.

Levitɛnɔ 1:17

'Do nɛ, nɛ a ɛ̃ sɛ sanga nɔɛ bɔa, nɛ a tata a, nɛ o'baka nɛ ma 'bana dɛ tɛ nɛ. Nɛ a dɔ sɛ ma vɛ̃ li we ngɔ gbagala ni. Nɛ zɛ̃ dɔnggamɛ ni ma unu sɛ NWA, nɛ ma de tɛ̃ a.

Levitɛnɔ 1:9

Nɛ wi ni a fɔlɔ sɛ kala zã sa'de ni mba do ogbɔgɔlɔ nyanga nɛ, nɛ mbe nganga kpo dɔ ma vɛ̃ dɛ ngɔ gbagala ni. Nɛ zɛ̃ dɔnggamɛ ni ma unu sɛ NWA, nɛ ma de tɛ̃ a.

Levitɛnɔ 2:16

Nɛ nganga, a so sɛ mbe zu fũi do nɔɛ, nɛ a mba do fũ yɔmbɛ vɛ̃, nɛ a dɔ ma hã NWA. Nɛ dɔnggamɛ ni, ma gba sɛ ta zu NWA ngɔ wi hã ma ni.

Levitɛnɔ 2:2

nɛ a tɛ do ma hã onganganɔ, kɛ wa a obe zã Aroni ni. Nɛ mbe nganga kpo, a so zu fũi kɛ wa zanga do nɔɛ ni, nɛ a so fũ yɔmbɛ vɛ̃, nɛ a dɔ ma dɛ ngɔ gbagala, nɛ ma sɛ a dɔnggamɔ kɛ ma gba ta zu NWA ngɔ wi hã ma ni. Nɛ zɛ̃ dɔnggamɛ ni ma unu sɛ NWA, nɛ ma de tɛ̃ a.

Levitɛnɔ 2:9

Nɛ a fo sɛ zu dɔnggamɛ ni, nɛ a dɔ ma ngɔ gbagala, nɛ ma sɛ a dɔnggamɔ kɛ ma gba ta zu NWA ngɔ wi hã ma ni. Nɛ zɛ̃ dɔnggamɛ ni, ma unu sɛ NWA, nɛ ma de tɛ̃ a.

Levitɛnɔ 3:11

Nɛ nganga a dɔ sɛ mɛnɔ ni vɛ̃ dɛ li we ngɔ gbagala ni. Mɛ sɛ a nyɔngɔmɔ kɛ wa dɔ hã NWA.

Levitɛnɔ 3:4

owala kole a do okɛndɔnɔ dɛ te'de, do kɛnɔ tɛ ngɔ zã a, do kɛnɔ tɛ gba'bua, kɛ wa fo ma fala nɛ kpo do owala kole sa'de ni.

Levitɛnɔ 4:35

'Do nɛ, nɛ a fo sɛ okɛndɔnɔ te sa'de ni, ɔ nɛ kɛ wa fo do okɛndɔnɔ tɛ bata kɛ wa hã do dɔnggamɔ kɛ ma be dɛa na ni. Nɛ nganga a dɔ sɛ ma mba do gele dɔnggamɛ wa dɔ hã NWA ni. Nɛ dɔnggamɛ ni, ma dɛ sɛ na, Gale fo ku'da 'dã mɛ zu wi ni.

Levitɛnɔ 5:11

“Fala kɛ wele do wala we kpa ogbakulĩ bɔa, tabi opizɔ̃ bɔa bina, nɛ ma wia na, a tɛ do kilo fũ nalɛ we hã do dɔnggamɔ we fo ku'da 'dã mɛ zu a. Nɛ nde a tɛ à nɔ, tabi fũ yɔmbɔ ngɔ nɛ gɔ, we kɛ mɛ a dɔnggamɔ we fo ku'da 'dã mɔ.

Levitɛnɔ 5:13

Nganga a dɛ sɛ na mɛ ni, nɛ dɔnggamɛ ni ma dɛ sɛ na, NWA fo ku'da 'dã mɛ zu wi ni. Nɛ tala fũi ni sɛ a mɔ́ nganga ɔ nɛ kɛ 'da dɔnggamɔ fũi ni.”

Levitɛnɔ 6:15

“Nɛ 'da falanɔ vɛ̃ 'do gɛ, be zã Aroni kɛ wa a sɛ nɔ zu a, takɔ a dɛ to gã nwa nganga ni, a hã sɛ dɔnggamɔ kpasaa na mɛ ni. Nɛ wa dɔ sɛ ma vɛ̃ we dɔnggɔ do NWA. Wa dɛ sɛ mbula ni 'da fala fai.

Tɔlɔ Mɔ 5:26

A so sɛ zu fũ dɔnggamɛ ni, ɔ nɛ dɔnggamɔ kɛ ma gba ta zu mi NWA ngɔ wuke ni, nɛ a dɔ ma ngɔ gbagala dɔ do sa'de hã mi. 'Do nɛ, nɛ a ba sɛ nu a hã wuke na, a nɔ lì ni.

Owi Nɛ Tonɔ 10:4

Nɛ Kɔmɛyɛ soko a, nɛ kili ba a, nɛ a aka a na: “Nwa, dɛa nɛ nde?” Nɛ anzɛ gese hã a na: “Gale kɔ̃a gɛnɛ sambala 'da mɔ, do mɛnɔ kɛ mɔ gala do Owi sãnɔ ni, nɛ a lingga do mɔ.

EFƐZƐ 5:2

Nɛ kɔ̃́ gɛnɛ ngba nɛ ɔ nɛ kɛ Kristo kɔ̃a zi do gɛnɛ lɛ, nɛ a hã zi tɛ́ a vɛ we duzu lɛ ni. A hã zi kili tɛ a hã Gale ɔ nɛ dɔnggamɔ kɛ ma unu de wena, nɛ ma hã yangga hã Gale ni.