Levitɛnɔ 5:1 - WE NU GALE 1995

¹ “O'dã mɛnɔ kɛ ma wia do dɔnggamɔ we fo ku'da nɛ zu wi kɛ a dɛa ma ni ma kɛ: Fala kɛ wa sa mɔ hã wele we ɔ temɔɛ we mɔ kɛ ma la ni, kɔ a bɛ̃ we tɔ̃̀ we mɛ kɛ a zɔa, tabi we kɛ a zila ni, nɛ 'dã mɛ ni sɛ dɛ zu a.

Levitɛnɔ 5:1 Iomraidhean Croise

1 Onwanɔ 22:16

Nɛ Akabɛ tɔ̃ 'bɔ na: “Mɔ kɔ̃a na, mi ala nu mi hã mɔ gbaa, sɛ nɛ mɔ ĩ ti gba olo nu NWA Gale hã mi de nde?”

1 Onwanɔ 8:31

“Fala kɛ wa da wele na, a dɛa 'dã mɔ do ngba a, hã wa ngbɔkɔ a na, a tɛ dati gbagala kɔ tɔa Tɛmpɛloe 'da mɔ we kana tɛ̃ a do fio. Hã a kana tɛ̃ a na, ɛ dɛ̃ ma gɔ,

2 Sakonɔ 18:15

Nɛ Akabɛ tɔ̃ 'bɔ na: “Mɔ kɔ̃a na mi ala nu mi hã mɔ gbaa, sɛ nɛ mɔ ĩ ti gba olo nu NWA Gale hã mi de nde?”

Zumanɔ 38:4

Dã ba mɔ dɛ tɛ mi, nɛ mɔ hã zɛlɛ tɛ hã mi wena. Ti ndala tɛ mi vɛ̃ kpa zɛlɛ, we duzu 'dã mɛnɔ 'da mi.

Kulu Tɔa 22:11

Kɔ fala kɛ wi ni zɔ̃ mɔ tɛ sa'de wa ia 'da a ni gɔ, hã wa zũ a, nɛ a futa sɛ olo nɛ.

GBA WENƆ 29:24

Wi kɛ a kɔ̃ gɛnɛ we mɔ́ wi zũ ni, a fa 'dã mɔ dɛ kili tɛ̃ a wele nɛ. Fala kɛ a tɔ̃ gbãlã we, nɛ owi 'bili wenɔ wa hã sɛ etumbu hã a. Kɔ fala kɛ a kafa do'do, nɛ Gale a fɔmbɔ sɛ a.

GBA WENƆ 30:9

Mba gɔ, fala kɛ mi kpa mɔ wena, nɛ mbe gɔ, nɛ mi lénggé sɛ 'bɔ do mɔ Gale gɔ, nɛ mi tɔ̃ sɛ na, Gale a wio nde? Nɛ nde fala sã ba mi, nɛ mbe gɔ, nɛ mi zũ sɛ mɔ, nɛ mi hã sɛ sape hã mɔ Gale 'daa.”

Ezai 53:11

Wi dɛa toe 'da mi a kpa sɛ yangga olo ngamɛ kɛ a kpa zi ma ni. A ĩ sɛ na, a kpà zi zɛlɛ tɛ yala iko gɔ. Wi dɛa toe 'da mi ĩ ti mi, a a wi bɔlɔ zu, nɛ a kifi gba dɔa winɔ na, wa hɔ wi bɔlɔ zu, we kɛ a ba ku'da 'dã mɛ 'da wa dɛ zu a.

Yeremi 23:10

Nùi ma dunu do owinɔ, kɛ wa yɛnggɛ 'dɔkɔlɔ ogele galenɔ ɔ nɛ owuko ndumba ni. Tɛ wa gbɛngɛ we dɛ 'dã mɔ iko, nɛ kili mbula bá wa gɔ. Gulu nɛ a nùi ma dunu do 'bako, nɛ dia wɔkɔsɔnɔ ma kula vɛ̃ ni.

EZEKIƐLƐ 18:20

Nɛ wi kɛ a dɛa 'dã mɔ ni, a fe sɛ. Obenɔ wa sí sɛ olo 'dã mɛnɔ kɛ baa wa wa dɛa ni gɔ. Nɛ obaa wa, wa sí sɛ tɛ mɛ 'bɔ olo 'dã mɛnɔ kɛ obenɔ wa dɛa ni gɔ. Wi dɛ dia mɔ, a kpa sɛ si olo bɔlɔ zu dɛa mɛ 'da a. Nɛ 'dã wi, a kpa sɛ etumbu olo 'dã mɛnɔ a dɛa ni.

EZEKIƐLƐ 18:4

Mba gɔ, kpasi 'da wele do wele, be tabi baa be, ma dɛ kɔ̃ mi. Nɛ tati a wele kɛ a dɛa 'dã mɔ ni, nɛ a fe sɛ.

Levitɛnɔ 17:16

Fala kɛ a fɔ̀lɔ̀ tulu tɛ̃ a, tabi tɛ̃ a gɔ, nɛ a te sɛ do ngbangga dati Gale.”

Levitɛnɔ 19:8

Wele kɛ a nyɔngɔ ma, nɛ nde a faka mɔ kɛ wa ia ma hã mi ni. Nɛ a te sɛ do ngbangga, nɛ wa fo sɛ a sanga nɛ obe Israɛlɛ do'do.

Levitɛnɔ 20:17

“Fala kɛ wele ba nya a wuko nɛ, boko be 'da baa a, tabi boko be 'da naa a, kɔ wa mba ngɔ te do a, nɛ nde wa dɛa mɔ sape. Nɛ wa hã sɛ etumbu hã wa dɛ li ongba wa. Nɛ 'dã mɛ wa dɛa ni sɛ dɛ zu wi wili.

Levitɛnɔ 4:2

a e mbulanɔ gɛ hã obe Israɛlɛ na: “Fala kɛ wele dɛ 'dã mɔ, hã a gbini mbe kɔ mbulanɔ 'da NWA kpo, kɔ a dɛ̀ ma do mbana gɔ, nɛ wa dɛ sɛ na mɛ gɛ:

Levitɛnɔ 5:15

“Fala kɛ wele zɔlɔ tɛ do dɔnggamɛ kɛ ma wia ni hã NWA, kɔ gɛnɛ kɔ a dɛ̃ do mbana gɔ, nɛ nde a dɛa 'dã mɔ dɛ 'da NWA. Nɛ ma wia na, a tɛ do wili bata, tabi wili dua kɛ fo kunda tɛ̃ a bina ni hã NWA. A tɛ sɛ nɛ, we si olo ku'da 'dã mɛ zu a. Wa we sɛ gole sa'de ni do 'da mɔ we do mbili kɔ tɔa Tande. Nɛ sa'de ni sɛ we hã do dɔnggamɔ si olo ku'da 'dã mɔ.

Levitɛnɔ 5:17

“Fala kɛ wele gbini mbe kpo sanga mbulanɔ 'da NWA, hã gɛnɛ kɔ a dɛ̃ do mbana gɔ, nɛ nde a dɛa 'dã mɔ, nɛ a tia do ngbangga dati NWA, nɛ ma wia na, a futa olo nɛ.

Levitɛnɔ 7:18

Fala kɛ ma hɔ tɛ tũ kɛ talɛ, kɔ wele nyɔngɔ mulu sa'de dɔnggamɛ kɛ a hã ma ni, nɛ nde NWA kɔ̃́ sɛ gɛnɛ nɛ gɔ, nɛ dɔnggamɛ 'da a ni, ma sɛ yala iko. We kɛ mulu sa'de ni, ma hɔa mɔ ndi li NWA ia. Wele kɛ a nyɔngɔ ma, nɛ nde a dɛa 'dã mɔ.

Tɔlɔ Mɔ 9:13

Nɛ nde wi kɛ a hɔ́ wi ndi li mi gɔ, tabi a nɛ̀ gɛnɛ gɔ, kɔ a bɛ̃ we dungu ɛngga do kɔ tũi mi wia ni, nɛ wa fo sɛ a kɔ obe Israɛlɛ do'do. Wi kɛ a tɛ̀ do dɔnggamɛ 'da a do kɔ̃ tũi mi wia ni gɔ, nɛ nde a dɛa 'dã mɔ li mi Gale.

MATIE 26:63

Nɛ nde Yezu gèsè we kpo gɔ. Nɛ gã nwa ni aka 'bɔ a mbé nɛ na: “Mɔ káná tɛ mɔ do zu li Gale wele kpasi, nɛ mɔ tɔ̃ hã lɛ, mɔ a Mɛsiya, Be 'da Gale nde?”

1 PETRO 2:24

Kristo ba zi tole 'dã mɛnɔ 'da lɛ dɛ zu a tɛ ngɔ finda te. A dɛa ni, takɔ lɛ ɔ nɛ fio dati mɛnɔ kɛ ma zɔa 'dã mɔ ni, nɛ lɛ ɔ do kpasi we dɛ mɛ kɛ ma a bɔlɔ li Gale ni. Nɛ daninɔ tɛ Kristo ni, ma kpasa lɛ.

Owi kpe dati 17:2

Nɛ mbe tũ kpo, nɛ a tɔ̃ hã naa a na: “Mbe wele zũ zi dɛ mbili koto do kama kpo kɔ̃ mɔ, nɛ mɔ fɔmba wi zũi ni dɛ li mi. Kɔ mɔ zɔ́ mbili ni, ma kɛ. Wi a mi hã mi zũ zi ma.” Nɛ naa a tɔ̃ hã a na: “Be 'daa, e kɔ NWA wele nu ɛ tɛ mɔ!”