Levitɛnɔ 4:7 - WE NU GALE 1995

⁷ “A ndɔ sɛ 'bɔ tɔkɛ tɛ 'bɛ̃lɛ̃ zu gbagala, kɛ wa dɔ do fũ yɔmbɛ kɔ tɔa Tande i ni. 'Do nɛ, nɛ a tɛnɛ tala tɔkɛ ni dɛ nyanga gbagala, kɛ wa dɛa ma tɛ kpongbo nu tɔa Tande we dɔ do sa'de hã NWA ni.

Levitɛnɔ 4:7 Iomraidhean Croise

Zumanɔ 118:27

NWA a Gale zu a kpo, e kɔ yele ngbala 'da a yele kɛ zã lɛ. Nɛ kálá nwá 'bete dɛ kɔ̃ nɛ, nɛ nɛ la tɛ zĩ do gbagala kolo kolo.

Kulu Tɔa 29:12

Nɛ mɔ kpɔ tɔkɔ tɛ̃ a, nɛ mɔ yulu zu kɔ̃ mɔ kɔ nɛ, nɛ mɔ kɔ tɛ zu ma'baya kɛ tɛ li gbala gbagala ni. 'Do nɛ, nɛ mɔ a tala tɔkɛ ni dɛ tɛ nyanga gbagala.

Levitɛnɔ 1:5

'Do nɛ, nɛ a 'bili sɛ gɛlɛ wili ngɔmbɛ ni dɛ di ni. Nɛ onganganɔ, kɛ wa a obe zã Aroni ni, wa kpɔ sɛ tɔkɔ nɛ, nɛ wa be ma hã NWA. 'Do nɛ, nɛ wa kpã tɔkɛ ni tɛ 'bolo zã gbagala kɛ wa dɛa ma tɛ kpongbo nu tɔa Tande we do do sa'de hã NWA ni.

Levitɛnɔ 16:18

nɛ a yolo sɛ tɛ Fala kɛ ma santo wena ni, nɛ a hɔ dɛ fala do gbagala dati tɔa Tande ni. Nɛ a dɛ mɔ kɛ na, ma fɔlɔ gbagala, kɔ ma hɔ sa li mi Gale ni. A ba sɛ tɔkɔ wili ngɔmbɛ do wili dua sĩ, nɛ a kɔ tɛ 'bolo zã gbagala.

Levitɛnɔ 4:18

Nɛ a ndɔ sɛ 'bɔ tɔkɛ tɛ 'bɛ̃lɛ̃ zu gbagala, kɛ wa dɔ do fũ yɔmbɛ kɔ tɔa Tande i ni. 'Do nɛ, nɛ a tɛnɛ tala tɔkɛ ni dɛ nyanga gbagala kɛ wa dɛa ma tɛ kpongbo nu tɔa Tande i, we dɔ do sa'denɔ hã NWA ni.

Levitɛnɔ 4:25

Nɛ nganga a fi sɛ zu kɔ a 'dɔ tɔkɔ sa'de, nɛ a ndɔ tɛ 'bɛ̃lɛ̃ zu gbagala kɛ wa dɔ do dɔnggamɛnɔ hã NWA ni. 'Do nɛ, nɛ a tɛnɛ tala tɔkɛ dɛ nyanga gbagala ni.

Levitɛnɔ 4:30

Nɛ nganga a fi sɛ zu kɔ̃ a 'dɔ tɔkɔ sa'de, nɛ a ndɔ tɛ 'bɛ̃lɛ̃ zu gbagala dɔ do dɔnggamɛnɔ hã NWA. 'Do nɛ, nɛ a tɛnɛ sɛ tala tɔkɛ dɛ nyanga gbagala ni.

Levitɛnɔ 4:34

Nɛ nganga a fi sɛ zu kɔ̃ a 'dɔ tɔkɔ sa'de ni, nɛ a ndɔ tɛ 'bɛ̃lɛ̃ zu gbagala dɔ do dɔnggamɛnɔ hã mi NWA. 'Do nɛ, nɛ a tɛnɛ tala tɔkɛ dɛ nyanga gbagala ni.

Levitɛnɔ 5:9

Nɛ nganga a kpã sɛ mbe tɔkɔ nɔɛ ni tɛ 'bolo zã gbagala. Ki ni mɛ a dɔnggamɔ we fo ku'da 'dã mɔ.

Levitɛnɔ 8:15

Mɔizɛ 'bili gɛlɛ a, nɛ a kpɔ tɔkɛ, nɛ a fi zu kɔ̃ a 'dɔ nɛ, nɛ a kɔ tɛ 'bɛ̃lɛ̃ zu gbagala, takɔ ma hɔ sa li Gale. 'Do nɛ, nɛ a tɛnɛ tala tɔkɛ ni dɛ tɛ nyanga gbagala, we e ma hã Gale, takɔ a dɔ do sa'de fo ku'da 'dã mɔ zu winɔ. Ki ni a tɛlɛ tɛ kɛ Mɔizɛ dɛa do gbagala we e ma hã NWA gɛ a ni.

Levitɛnɔ 9:9

Obenɔ 'da a wa kpɔa tɔkɔ sa'de, nɛ wa tɛ do ma hã a. Nɛ a fi zu kɔ̃ a 'dɔ nɛ, nɛ a kɔ tɛ 'bɛ̃lɛ̃ zu gbagala. Nɛ a tɛnɛ tala tɔkɛ dɛ tɛ nyanga gbagala.

EFƐZƐ 2:13

Nɛ nyɛla zi do Gale wena, nɛ nde ngangga gɛ, nɛ mba kpo do Yezu Kristo, nɛ nɛ kɔla do Gale we duzu fie 'da Kristo.

OHEBRE 9:15

We duzu ma, Kristo hɔa wi yolo sanga tɛ ngba lɛ do Gale, we 'dafa mbé gba tɔkɔ sanga lɛ, takɔ winɔ kɛ Gale sa zɛ́ mɔ hã wa ni, wa kpa odia mɛnɔ kɛ ma é sɛ gɔ, nɛ Gale kpua zɛ́ mbulu nɛ hã wa ni. Wa wia sɛ we kpa ma, we duzu kɛ Kristo fia, nɛ fie 'da a kpasa winɔ kɔ 'dã mɛnɔ, kɛ wa dɛa zi 'da fala wa 'bana ti mbula ã gba tɔkɛ ni.

OHEBRE 9:21

Nɛ Mɔizɛ kpã 'bɔ tɔkɛ tɛ ngɔ tɔa tande, nɛ a kpã tɛ mɛnɔ vɛ kɛ wa dɛ do tonɔ we dɔnggɔ do Gale ni.

USU MƐNƆ 6:9

Nɛ 'do ki ni, nɛ Be Bata ɛ̃lɛ̃ mɔlɔ ndaka nu 'buki ni, nɛ mi nɛ ka mɔ dɛ ti gbagala kɛ wa hã dɔnggamɛnɔ hã Gale ngɔ nɛ ni, nɛ mi zɔ ohi wele. Mɛ a hi owinɔ wa gbɛa zi wa, we kɛ wa kɔ̃a gɛnɛ we nu Gale, nɛ wa bia ma hã winɔ ni.