Levitɛnɔ 4:6 - WE NU GALE 1995

⁶ A hɔ do ma i mɔ, nɛ a fi zu kɔ̃ a 'dɔ tɔkɛ ni, nɛ a kpã ma dɛ dati NWA fala sambo, tɛ si fala wa ia do ku'bu gɔnɔ sanga tɔa ni.

Levitɛnɔ 4:6 Iomraidhean Croise

Kulu Tɔa 40:21

Nɛ wa ba ma, nɛ wa e kɔ tɔa Tande 'di, nɛ wa 'bili fala ni do ku'bu na, ma kele Sanduki. Wa dɛa ɔ nɛ kɛ NWA tɔ̃a zi hã Mɔizɛ ni.

Kulu Tɔa 40:26

Wa ba gbagala kɛ wa dɛa do mɔ mbali ni, nɛ wa e ma kɔ tɔa Tande dɛ dati ku'bi kɛ wa 'bili do kɔ tɔa ni.

Levitɛnɔ 14:16

Nɛ a fi zu kɔ a si ngawili kɔ 'dɔ nɛ, nɛ a kpã ma dɛ dati NWA fala sambo.

Levitɛnɔ 14:18

Nɛ a tɛnɛ tala nɔɛ kɛ ma 'bana kɔ a ni dɛ zu wi ni. Nɛ mɛ a dɛa ni, ma fo 'dã mɛ zu wi ni.

Levitɛnɔ 14:27

nɛ a fi zu kɔ̃ a si ngawili kɔ̃ gɛ 'dɔ nɛ, nɛ a kpã ma dati NWA fala sambo.

Levitɛnɔ 14:7

nɛ a kpã ma dɛ tɛ wi kɛ a kpasa olo zɛlɛ ngbɛlɛ ni fala sambo. Nɛ a tɔ̃ sɛ hã wi ni na, a hɔa sa wi li Gale, 'Do nɛ, nɛ a da sɛ kɔ̃ a tɛ nɔɛ kɛ a 'bana do tunu li a ni, nɛ a bũlũ, nɛ a le zamɔ.

Levitɛnɔ 16:14

'Do nɛ, nɛ a fi sɛ zu kɔ a 'dɔ tɔkɔ wili ngɔmbɛ ni, nɛ a kpã tɛ mɔ nu Sanduki si 'biti gba wese fala kpo. Nɛ a kpã 'bɔ mbé nɛ dɛ dati Sanduku Gba Tɔkɛ ni fala sambo.

Levitɛnɔ 16:19

Nɛ a fi zu kɔ a 'dɔ tɔkɛ ni, nɛ a kpã tɛ gbagala fala sambo. Nɛ mɛ a dɛa ni, ma fɔlɔ sɛ gbagala olo ndinɔ do 'dã mɛnɔ 'da obe Israɛlɛ, nɛ ma hɔ sa li mi Gale.

Levitɛnɔ 25:8

“Nɛ tɔlɔ sɛ sabɛlɛ sambo fala sambo, nɛ ma hɔ sabɛlɛ 'bu nɛ nalɛ ngɔ nɛ kusi.

Levitɛnɔ 26:18

“Kɔ olo kɛ mi hã etumbunɔ ni vɛ̃ hã nɛ, hã nɛ 'bana tɛ bɛ̃ we nu mi fai, nɛ mi gã sɛ 'da etumbu olo 'dã mɛnɔ 'da nɛ fala sambo.

Levitɛnɔ 26:24

nɛ mi tɛ mɛ 'bɔ, mi dɛ sɛ nga zu hã nɛ, nɛ mi gã sɛ 'bɔ 'da etumbu olo 'dã mɛnɔ 'da nɛ fala sambo.

Levitɛnɔ 26:28

nɛ zã mi ma nɔ̃lɔ̃ sɛ nganda wena, nɛ mi dɛ sɛ tɛ mɛ 'bɔ nga zu hã nɛ, nɛ mi gã sɛ 'bɔ 'da etumbu olo 'dã mɛnɔ 'da nɛ fala sambo.

Levitɛnɔ 4:17

Nɛ a fi zu kɔ̃ a 'dɔ tɔkɛ ni, nɛ a kpã ma dɛ dati NWA fala sambo, tɛ si fala wa ia do ku'bu gɔnɔ sanga tɔa ni.

Levitɛnɔ 4:25

Nɛ nganga a fi sɛ zu kɔ a 'dɔ tɔkɔ sa'de, nɛ a ndɔ tɛ 'bɛ̃lɛ̃ zu gbagala kɛ wa dɔ do dɔnggamɛnɔ hã NWA ni. 'Do nɛ, nɛ a tɛnɛ tala tɔkɛ dɛ nyanga gbagala ni.

Levitɛnɔ 4:30

Nɛ nganga a fi sɛ zu kɔ̃ a 'dɔ tɔkɔ sa'de, nɛ a ndɔ tɛ 'bɛ̃lɛ̃ zu gbagala dɔ do dɔnggamɛnɔ hã NWA. 'Do nɛ, nɛ a tɛnɛ sɛ tala tɔkɛ dɛ nyanga gbagala ni.

Levitɛnɔ 4:34

Nɛ nganga a fi sɛ zu kɔ̃ a 'dɔ tɔkɔ sa'de ni, nɛ a ndɔ tɛ 'bɛ̃lɛ̃ zu gbagala dɔ do dɔnggamɛnɔ hã mi NWA. 'Do nɛ, nɛ a tɛnɛ tala tɔkɛ dɛ nyanga gbagala ni.

Levitɛnɔ 8:11

Nɛ a fi zu kɔ̃ a 'dɔ nɔɛ, nɛ a kpã ma tɛ gbagala do osi'bili mɔ tɛ nɛ, gba sani a do lì fɔlɔ wi, do 'dinggili e sani ngɔ nɛ. A dɛa ni fala sambo,

Levitɛnɔ 8:15

Mɔizɛ 'bili gɛlɛ a, nɛ a kpɔ tɔkɛ, nɛ a fi zu kɔ̃ a 'dɔ nɛ, nɛ a kɔ tɛ 'bɛ̃lɛ̃ zu gbagala, takɔ ma hɔ sa li Gale. 'Do nɛ, nɛ a tɛnɛ tala tɔkɛ ni dɛ tɛ nyanga gbagala, we e ma hã Gale, takɔ a dɔ do sa'de fo ku'da 'dã mɔ zu winɔ. Ki ni a tɛlɛ tɛ kɛ Mɔizɛ dɛa do gbagala we e ma hã NWA gɛ a ni.

Levitɛnɔ 9:9

Obenɔ 'da a wa kpɔa tɔkɔ sa'de, nɛ wa tɛ do ma hã a. Nɛ a fi zu kɔ̃ a 'dɔ nɛ, nɛ a kɔ tɛ 'bɛ̃lɛ̃ zu gbagala. Nɛ a tɛnɛ tala tɔkɛ dɛ tɛ nyanga gbagala.

Tɔlɔ Mɔ 19:4

'Do nɛ, nɛ Elazarɛ a so sɛ tɔkɔ sa'de ni sĩ, nɛ a ndɔ zu kɔ̃ a 'dɔ nɛ, nɛ a kpã si 'biti wala nu tɔa Tande fala sambo.

Yozue 6:4

Onganga sambo wa kala sɛ mɔtũlũ kpo kpo dɛ kɔ wa, nɛ wa kpe dati Sanduku Gba Tɔkɛ. Kɔ ma hɔ tɛ sambo tũi, nɛ nɛ vɛ̃ nɛ zĩ sɛ do 'do ngbo nu le fala sambo. Onganganɔ wa kpe sɛ dati Sanduku Gba Tɔkɛ, nɛ wa dama mɔtũlĩ. Nɛ nɛ nɛ 'do Sanduki.

Yozue 6:8

Wa dɛa vɛ̃ nɛ kɛ Yozue ba do nu a ni. Ngɔ gili ombe nwa bolonɔ wa kpia dati, nɛ onganganɔ sambo kɛ wa dama mɔtũlĩ ni wa kpe, nɛ dɛ 'do wa, nɛ onganganɔ kɛ wa ba Sanduku Gba Tɔkɛ ni, wa kpe, nɛ ngɔ gili mbe onwa bolonɔ wa kpe dɛ 'do Sanduki. Do 'da fala owinɔ wa zĩ zi 'do ngboe ni, nɛ nde onganganɔ wa zi tɛ dama mɔtũlĩ fai.