Levitɛnɔ 4:4 - WE NU GALE 1995

⁴ A nɛ sɛ do wili ngɔmbɛ dɛ nu tɔa Tande kpa ngba wi do NWA. Nɛ a e kɔ̃ a zu sa'de ni, nɛ a 'bili gɛlɛ a dɛ dati NWA.

Levitɛnɔ 4:4 Iomraidhean Croise

2 Sakonɔ 29:23

'Do ki ni, nɛ wa kala oduanɔ kɛ wa nɛ gbɛ wa we hã do dɔnggamɛ hã Gale, takɔ ma fo ku'da 'dã mɛ zu winɔ ni, nɛ wa nɛ do wa dɛ dati Ezekiasi do owinɔ wa mba li ngba wa di ni ni. Nɛ nwa Ezekiasi do owinɔ wa a kɔ̃ wa dɛ ngɔ sa'denɔ ni.

Ezai 53:6

Lɛ vɛ̃ lɛ yɛnggɛ zi mba mba ɔ nɛ odua kɔ ba'de kɛ wa kpè nu wa gɔ ni. Nɛ lɛ dɛ zi tati a mɛnɔ kɛ zã lɛ kɔ̃a gɛnɛ nɛ ni. Nɛ nde NWA kala 'dã mɛnɔ 'da lɛ, nɛ a a zu wi toe 'da a na, a si olo ku'da nɛ.

DANIƐLƐ 9:26

Nɛ do Sɔkpɔ kɔ̃ tũnɔ ni, nɛ wa gbɛ sɛ wi kɛ Gale saka a ni, nɛ fo sɛ wi amba zu a bina. 'Do nɛ, nɛ mbé gã wi a hɔ sɛ do osodanɔ 'da a, nɛ a 'danga sɛ le Yeruzalɛmɛ, do tɔa Tɛmpɛloe. Nɛ nde zã Gale ma nɔ̃lɔ̃ sɛ, nɛ a bi sɛ gã wi ni, nɛ a gbɛ a. Nɛ nde dati kɛ na gã wi ni fe ni, nɛ bolo ma te sɛ kɔ le ni, nɛ ma 'danga sɛ wena, ɔ nɛ kɛ Gale 'bili ni.

Levitɛnɔ 16:21

Nɛ a a kɔ a bɔa nɛ dɛ zu sa'de ni, nɛ a gbala 'dã mɛnɔ do dɛa mɔ nga zui 'da obe Israɛlɛ dɛ zu dua ni. Nɛ 'dã mɛnɔ ni, ma la dɛ zu sa'de ni. 'Do nɛ, nɛ a saka sɛ wele kpo, nɛ a nɛ, nɛ a la dua ni dɛ li gba zɔ́ i.

Levitɛnɔ 4:15

Okumunɔ 'da obe Israɛlɛ wa e sɛ kɔ̃ wa zu sa'de ni, nɛ mbe kpo kɔ wa ni, a 'bili gɛlɛ sa'de dɛ dati NWA.

Levitɛnɔ 4:29

A tɛ do naa dua ni, nɛ a e sɛ kɔ̃ a zu a, nɛ a 'bili gɛlɛ a dɛ dati NWA, tɛ fala kɛ wa 'bili do gɛlɛ sa'denɔ we dɔ wa hã NWA ni.

Levitɛnɔ 8:14

'Do nɛ, nɛ a tɛa do wili ngɔmbɔ we gbɛ a do dɔnggamɔ we fo ku'da 'dã mɔ. Nɛ Aroni do obenɔ 'da a, wa a kɔ̃ wa dɛ zu sa'de ni.

Tɔlɔ Mɔ 8:12

'Do nɛ, nɛ olevitɛnɔ wa a sɛ kɔ̃ wa dɛ ngɔ wili ngɔmbɛnɔ bɔa ni. Nɛ Aroni gbɛ mbe kpo hã mi, we si olo ku'da 'dã mɔ. Nɛ a dɔ sɛ mbe kpo we dɔnggɔ do mi. Nɛ mɛ a dɛa ni, ma fɔlɔ sɛ olevitɛnɔ na, wa hɔ sa wi li mi.

1 PETRO 3:18

Yezu Kristo do tɛ̃ a, a fia zi we 'dã mɛ 'da owinɔ fala kpo ia, a fé sɛ 'bɔ gɔ. A wi kɛ a dɛ̀ zi 'dã mɔ gɔ, nɛ a fia we duzu Owi dɛ 'dã mɔ, takɔ a gese nɛ dɛ 'da Gale. Wa gbɛa a, nɛ kili tɛ a fia, nɛ nde a tunu kɔ fio do ngawi 'da Hi Wi 'da Gale.