Levitɛnɔ 4:3 - WE NU GALE 1995

³ “Fala kɛ gã nwa nganga hã a dɛ 'dã mɔ, nɛ 'dã mɛ 'da a ma te sɛ ngo owinɔ vɛ. Nɛ a tɛ sɛ do wili ngɔmbɔ kɛ fo kunda tɛ̃ a bina ni, nɛ a doɛnggɔ do NWA, takɔ ma fo ku'da 'dã mɛ zu a.

Levitɛnɔ 4:3 Iomraidhean Croise

2 Sakonɔ 29:21

'Da fala la mɔ́ wa, nɛ wa kala ongɔmbɔ sambo, do owili bata sambo, do obe bata sambo, do odua sambo we hã do dɔnggamɔ hã Gale, takɔ ma fo ku'da 'dã mɛ zu winɔ. Wa hã dɔnggamɛ ni, takɔ ma fɔlɔ nu fɛlɛ kula 'da nwa, do Tɛmpɛlo 'da NWA Gale, mba do Oyuda vɛ̃. Nɛ Ezekiasi ba nu a hã onganganɔ kɛ wa a obe zã Aroni ni na, wa dɔ sa'de ngɔ gbagala 'da NWA we dɔnggɔ do a.

Ɛsdrasi 8:35

Nɛ Oyudanɔ vɛ̃ kɛ wa yula kɔlɔ 'duli, nɛ wa si ni, wa dɔa sa'de we dɔnggɔ do Gale 'da wa obe Israɛlɛ. Wa hã wili ngɔmbɔ 'bu ngɔ nɛ bɔa, nɛ wili bata 'bu nɛ kusi ngɔ nɛ gazɛlɛ, nɛ obe bata 'bu nɛ sambo ngɔ nɛ sambo, do dua 'bu ngɔ nɛ bɔa. Wa hã mɛnɔ ni hã Gale we obe Israɛlɛ vɛ̃, takɔ Gale fo ku'da 'dã mɔ zu wa. Wa dɔa sa'denɔ ni hã NWA Gale, nɛ wa ngutu vɛ̃.

Kulu Tɔa 29:14

Mɔ dɛ sɛ ni, takɔ mi fo ku'da 'dã mɛnɔ zu onganganɔ do'do. Nɛ tala sa'de ni, mulu nɛ, ndala nɛ do kala zã nɛ, mɔ da sɛ ma li we do 'do ngbo 'di, nɛ ma bɛlɛ.

Kulu Tɔa 29:21

Nɛ mɔ so sɛ mbe tɔkɛ kɛ ngɔ gbagala, do nɔɛ kɛ ma santoe ni, nɛ mɔ kpã tɛ Aroni, do tɛ obulu benɔ 'da a, do tɛ tulunɔ 'da wa. Na mɛ ni, Aroni do obulu benɔ 'da a, wa hɔ sɛ owinɔ 'da mi, nɛ tulunɔ 'da wa ma sɛ santo.

Kulu Tɔa 29:7

Nɛ mɔ a sɛ nɔ kɛ ma santo zu a, nɛ mɔ e a na, a dɛ to nganga hã mi.

Kulu Tɔa 30:10

Fala kpo kɔ sabɛlɛ kpo, Aroni a kpɔ sɛ tɔkɔ sa'de, nɛ a kɔ zu te gbagala, takɔ ma hɔ santo. Mɛ sɛ a tɔkɔ sa'de kɛ a gbɛa a we dɔnggɔ do mi, takɔ mi fo ku'da 'dã mɛnɔ zu wa do'do ni. Wa dɛ sɛ na mɛ ni kɔ sabɛlɛ do sabɛlɛ. Wa e sɛ gbagala ni hã mi, nɛ wa ba sɛ ma na, ma santo wena.”

EZEKIƐLƐ 40:39

Nɛ kɔ gã 'bili tɔa ni, wa a omɛsa nalɛ, bɔa do mbe Sɔkpɔ tɔa, nɛ mbe bɔa do kulu nɛ. Mɛ a mɛsanɔ kɛ wa gbɛ osa'de dɔnggamɛnɔ ngɔ nɛ ni. Nɛ mɛ a dɔnggamɛnɔ kɛ wa dɔ mbee nɛ dɔa, nɛ mbe nɛ we fo ku'da 'dã mɔ, tabi we si olo ku'da 'dã mɔ.

EZEKIƐLƐ 43:19

'Do nɛ, nɛ mɔ sa sɛ mɔ hã onganganɔ kɛ wa a obe zã Sadɔkɛ ni, we dɛ to dɔnggamɛnɔ. We kɛ tati a wa hã mi ba nu mi hã wa na, wa kɔlɔ do mi we dɛ to hã mi. Nɛ mɔ hã sɛ be wili ngɔmbɔ hã wa, takɔ wa hã do dɔnggamɔ we si olo ku'da 'dã mɔ.

EZEKIƐLƐ 44:27

Do ngba soe a nɛ kpolo tɛ̃ a dɛ li fanda kɛ nu tɔa Tɛmpɛloe i ni, nɛ a gbɛ sɛ sa'de do dɔnggamɔ hã mi, we fo ku'da 'dã mɔ zu a. Mi NWA Gale, mi tɔ̃a ni.

Levitɛnɔ 1:10

“Fala kɛ wele kɔ we gbɛ bata tabi dua, takɔ wa dɔ we dɔnggɔ do NWA, nɛ ma wia na, ma ɔ do wili nɛ, kɛ fo kunda tɛ̃ a bina ni.

Levitɛnɔ 1:3

Fala kɛ wi ni kɔ̃ we gbɛ ngɔmbɔ takɔ a dɔ we dɔnggɔ do NWA, nɛ ma wia na, a nɛ do wili ngɔmbɔ kɛ fo kunda tɛ̃ a bina ni, dɛ nu tɔa Tande i, takɔ NWA kɔ̃ gɛnɛ a.

Levitɛnɔ 16:11

“Nɛ Aroni a ba sɛ wili ngɔmbɛ, nɛ a 'bili gɛlɛ a, nɛ a hã a do dɔnggamɔ hã mi NWA na, ma fo ku'da 'dã mɔ zu a do owi nu fɛlɛ a.

Levitɛnɔ 16:3

“Nɛ dati kɛ na, a le tɛ Fala kɛ ma santo wena ni, ma wia na, a tɛ do wili ngɔmbɔ kpo, we hã do dɔnggamɔ fo ku'da 'dã mɔ zu a, do wili bata kpo, takɔ a dɔ a we dɔnggɔ do mi NWA.

Levitɛnɔ 16:5

Ma wia na, obe Israɛlɛ wa tɛ sɛ do owili dua bɔa hã Aroni, we hã wa do dɔnggamɔ fo ku'da 'dã mɔ zu wa. Nɛ wa tɛ 'bɔ do mbe wili bata kpo, takɔ a dɔ we dɔnggɔ do mi NWA.

Levitɛnɔ 16:6

Nɛ Aroni a ba sɛ wili ngɔ mbe ni, nɛ a hã a do dɔnggamɔ hã mi NWA, takɔ mi fo ku'da 'dã mɛ zu a do owi nu fɛlɛ a.

Levitɛnɔ 4:14

'Da fala kɛ wa ĩ fala 'dã mɛ wa dɛa ni, nɛ ma wia na, wa tɛ do wili ngɔmbɔ we dɔnggɔ do NWA, takɔ ma fo ku'da 'dã mɛ zu wa. Wa tɛ sɛ do wili ngɔmbɛ ni dɛ dati tɔa Tande ni.

Levitɛnɔ 4:23

'Da fala kɛ a ĩ fala 'dã mɛ a dɛa ni, nɛ ma wia na, a tɛ do wili dua kɛ fo kunda tɛ̃ a bina ni, we dɔnggɔ do NWA, takɔ ma fo ku'da 'dã mɛ zu a.

Levitɛnɔ 4:28

'Da fala kɛ a ĩ fala 'dã mɛ a dɛa ni, nɛ ma wia na, a tɛ do naa dua kɛ fo kunda tɛ̃ a bina ni, we dɔnggɔ do NWA, takɔ ma fo ku'da 'dã mɛ zu a.

Levitɛnɔ 4:5

'Do nɛ, nɛ a kpɔ sɛ tɔkɔ nɛ, nɛ a nɛ do ma dɛ kɔ tɔa Tande i.

Levitɛnɔ 5:6

nɛ a tɛ do be naa bata, tabi naa dua we dɔnggɔ do NWA, takɔ ma si olo ku'da 'dã mɛ zu a. Nɛ nganga a hã sɛ dɔnggamɛ ni hã NWA, nɛ ma dɛ sɛ na, NWA fo ku'da 'dã mɛ zu wi ni.

Levitɛnɔ 6:18

a e mbulanɔ ngɔ dɔnggamɛ we fo ku'da 'dã mɛnɔ ni hã Aroni do obenɔ 'da a. Mbulanɔ ni ma kɛ: “Ma wia na, wa 'bili gɛlɛ sa'de dɛ dati tɔa Tande 'da NWA, dɛ fala wa 'bili do gɛlɛ sa'denɔ we dɔ hã a ni. Dɔnggamɛ ni, mɛ a dɔnggamɔ kɛ ma santo.

Levitɛnɔ 8:12

nɛ a a nɔɛ zu Aroni we e a hã Gale.

Levitɛnɔ 9:2

Nɛ a tɔ̃ hã Aroni na: “Mɔ bá he zagbãlã ngɔmbɔ, do wili bata kɛ fo kunda tɛ̃ wa bina ni, nɛ mɔ tɛ do wa dati NWA. Mɔ hã sɛ be zagbãlã ngɔmbɛ do dɔnggamɔ we fo ku'da 'dã mɔ, nɛ mɔ dɔ wili bata we dɔnggɔ do NWA.

Levitɛnɔ 9:3

'Do nɛ, nɛ mɔ tɔ̃ sɛ hã obe Israɛlɛ na, wa tɛ do wili dua hã NWA, takɔ wa hã do dɔnggamɔ we fo ku'da 'dã mɔ. Nɛ wa tɛ 'bɔ do be wili ngɔmbɔ, do be bata, kɛ wa do sabɛlɛ kpo, nɛ fo kunda tɛ̃ wa bina ni, nɛ wa dɔ sɛ we dɔnggɔ do NWA.

Tɔlɔ Mɔ 16:22

Mɔizɛ do Aroni wa nɛa we zele ni, nɛ wa gu li wa nù, nɛ wa he mɔ na: “Aa Gale! Mɔ a mɔ dɛa mɛnɔ nyanga nza gɛ vɛ̃. Kɔ gulu kɛ wele kpo iko dɛ 'dã mɔ, nɛ zã mɔ nɔ̃lɔ̃ dɛ tɛ winɔ vɛ̃ ni we ge nde?”

Tɔlɔ Mɔ 8:8

Wa tɛ sɛ do wili ngɔmbɔ kpo, mba do fũ dɔnggamɔ kɛ wa zanga do nɔ ni. Nɛ mɔ ba sɛ 'bɔ mbe gele wili ngɔmbɔ we hã do dɔnggamɔ we si olo ku'da 'dã mɛ 'da wa.

ROMA 8:3

Mbula kɛ Mɔizɛ kɔma ni, ma wè zi tɛ kpasa wele gɔ, we duzu kɛ winɔ wa zi do ngawi we dɛ ma vɛ̃ bina. Nɛ nde Gale dɛa mɔ kɛ mbula wè tɛ dɛ ma gɔ ni. A tumba Be 'da a ngboo dɛ ngɔ nù gɛ, nɛ a ba kifi tɛ wele, kɛ a a wi dɛ 'dã mɔ ni, nɛ a kala 'dã mɛnɔ 'da winɔ dɛ zu a, nɛ a fe we nɛ. Na mɛ ni, a gbɛa ngawi 'da 'dã mɔ kɔ kifi tɛ lɛ.

2 KORINTƐ 5:21

Kristo zi do 'dã mɔ bina, nɛ Gale ia ku'da 'dã mɛ 'da lɛ dɛ zu a, takɔ lɛ mba li ngba lɛ do a, kɔ lɛ hɔ wi bɔlɔ zu li Gale.

OHEBRE 5:3

Nɛ we duzu kɛ a do ngawi yu 'dã mɔ bina ni, a dɔ́ sa'denɔ hã Gale we lengge do 'dã mɛnɔ 'da otala gele winɔ iko gɔ, nɛ nde ma tɛ mɛ 'bɔ we duzu 'dã mɛnɔ 'da a wele nɛ.

OHEBRE 9:12

Kristo lia zi kɔ 'bili tɔa kɛ ma santo wena ni fala kpo ia, nɛ a hã̀ zi a tɔkɔ wili dua tabi be ngɔmbɛ gɔ, nɛ nde a hã tɔkɔ tɛ a ngboo. Na mɛ ni, nɛ a hã kpasi kɛ ma é sɛ gɔ ni hã lɛ.