Levitɛnɔ 3:8 - WE NU GALE 1995

⁸ nɛ a e kɔ̃ a zu a, nɛ a 'bili gɛlɛ a dɛ dati tɔa Tande ni. Nɛ onganganɔ wa kpɔ sɛ tɔkɔ nɛ, nɛ wa kpã tɛ 'bolo zã gbagala.

Levitɛnɔ 3:8 Iomraidhean Croise

Ezai 53:6

Lɛ vɛ̃ lɛ yɛnggɛ zi mba mba ɔ nɛ odua kɔ ba'de kɛ wa kpè nu wa gɔ ni. Nɛ lɛ dɛ zi tati a mɛnɔ kɛ zã lɛ kɔ̃a gɛnɛ nɛ ni. Nɛ nde NWA kala 'dã mɛnɔ 'da lɛ, nɛ a a zu wi toe 'da a na, a si olo ku'da nɛ.

Levitɛnɔ 1:11

Nɛ a 'bili sɛ gɛlɛ a dɛ kɛ zã gbagala do si gbãlã ngɔ. Nɛ onganganɔ wa kpã sɛ tɔkɔ nɛ tɛ 'bolo zã gbagala.

Levitɛnɔ 1:4

A hɔ do wili ngɔmbɛ ni i mɔ, nɛ a e kɔ a dɛ zu a, nɛ ma ɔ sɛ nɛ dɔnggamɔ we fo ku'da 'dã mɛ zu a ni.

Levitɛnɔ 1:5

'Do nɛ, nɛ a 'bili sɛ gɛlɛ wili ngɔmbɛ ni dɛ di ni. Nɛ onganganɔ, kɛ wa a obe zã Aroni ni, wa kpɔ sɛ tɔkɔ nɛ, nɛ wa be ma hã NWA. 'Do nɛ, nɛ wa kpã tɔkɛ ni tɛ 'bolo zã gbagala kɛ wa dɛa ma tɛ kpongbo nu tɔa Tande we do do sa'de hã NWA ni.

Levitɛnɔ 3:13

Nɛ wi ni e kɔ̃ a zu sa'de, nɛ a 'bili gɛlɛ a dɛ nu tɔa Tande ni. Nɛ onganganɔ wa kpɔ sɛ tɔkɔ nɛ, nɛ wa kpã ma te 'bolo zã gbagala.

Levitɛnɔ 4:15

Okumunɔ 'da obe Israɛlɛ wa e sɛ kɔ̃ wa zu sa'de ni, nɛ mbe kpo kɔ wa ni, a 'bili gɛlɛ sa'de dɛ dati NWA.

Levitɛnɔ 4:24

A tɛ do wili dua ni, nɛ a e sɛ kɔ̃ a zu a, nɛ a 'bili gɛlɛ a dɛ dati NWA, tɛ fala kɛ wa 'bili do gɛlɛ sa'denɔ we dɔ wa hã NWA ni. Ki ni mɛ a dɔnggamɔ we fo ku'da 'dã mɛnɔ zu wi.

Levitɛnɔ 4:4

A nɛ sɛ do wili ngɔmbɛ dɛ nu tɔa Tande kpa ngba wi do NWA. Nɛ a e kɔ̃ a zu sa'de ni, nɛ a 'bili gɛlɛ a dɛ dati NWA.

MATIE 3:17

Nɛ wala gɛlɛ wele wila li nza i na: “Wele kɛ gɛ a Be 'da mi, kɛ a ngɔ sila mi, nɛ mi do yangga wena we a.”

2 KORINTƐ 5:19

We duzu kɛ do wala 'da Kristo, nɛ Gale lènggè do 'dã mɛnɔ 'da winɔ gɔ, nɛ a 'dafa sanga tɛ̃ a do wa vɛ. Nɛ a saka lɛ we tɔ̃ to nɛ hã winɔ.

2 KORINTƐ 5:21

Kristo zi do 'dã mɔ bina, nɛ Gale ia ku'da 'dã mɛ 'da lɛ dɛ zu a, takɔ lɛ mba li ngba lɛ do a, kɔ lɛ hɔ wi bɔlɔ zu li Gale.

EFƐZƐ 2:18

Kristo dɛa na, lɛ vɛ, Oyudanɔ do ogele winɔ, lɛ kɔlɔ do Baa lɛ Gale do wala 'da Hi Wi Santo kpo, kɛ lɛ kpa a ni.

EFƐZƐ 3:12

Kɔ nɛ́ kɛ lɛ kɔ̃a zu li Kristo, nɛ lɛ mba kpo do a ni, lɛ kpa wala we kɔlɔ do Gale do gɛ̃a sila.

1 PETRO 2:24

Kristo ba zi tole 'dã mɛnɔ 'da lɛ dɛ zu a tɛ ngɔ finda te. A dɛa ni, takɔ lɛ ɔ nɛ fio dati mɛnɔ kɛ ma zɔa 'dã mɔ ni, nɛ lɛ ɔ do kpasi we dɛ mɛ kɛ ma a bɔlɔ li Gale ni. Nɛ daninɔ tɛ Kristo ni, ma kpasa lɛ.