Levitɛnɔ 3:5 - WE NU GALE 1995

⁵ Nɛ onganganɔ wa dɔ sɛ mɛnɔ ni vɛ̃ dɛ ngɔ odɔnggamɛnɔ kɛ ma li we ngɔ gbagala ni. Nɛ zɛ̃ dɔnggamɛ ni ma unu sɛ NWA, nɛ ma de tɛ̃ a.

Levitɛnɔ 3:5 Iomraidhean Croise

1 Onwanɔ 8:64

Do 'da fala ni, nɛ nwa Salɔmɔ ia zi gbogbo fanda vɛ̃ kɛ dati tɔa Tɛmpɛloe ni hã NWA. Nɛ a kala osa'denɔ, do odɔnggamɔ kpalɛnɔ, do Okɛndɔ sa'denɔ kɛ wa gbɛa wa we be dɛa na ni, nɛ a dɔ mɛnɔ ni vɛ̃ dɛ gbogbo fanda ni hã Gale. A dɛa ni, we kɛ gbagala tũ mɔ bole kɛ wa dɔ do sa'denɔ hã Gale ni, ma gà gɔ, nɛ ma wè zi na, wa dɔ odɔnggamɛnɔ ni vɛ̃ ngɔ nɛ gɔ.

2 Sakonɔ 35:14

Nɛ 'do kɛ olevitɛnɔ wa kɛ̃a hã wa ni, nɛ wa gi tɛ mɛ 'bɔ kɛ 'da onganganɔ do kɛ 'da wa ngboo ni. Mba gɔ, onganganɔ, obe zã Aroni, wa zi do dɛa to wena. Wa dɔ zi osa'denɔ we hã do dɔnggamɔ hã Gale gbaa, nɛ wese gɛ̃. Gulu nɛ a olevitɛnɔ wa gi zi nyɔngɔmɛ hã wa ni.

Kulu Tɔa 29:13

Nɛ mɔ fo kɛndɔ tɛ kala zã sa'de vɛ̃, do kɛndɔ gba'bua, do wala kole a do kɛndɔnɔ tɛ nɛ ni, nɛ mɔ dɔ ma vɛ̃ dɛ ngɔ gbagala ni.

EZEKIƐLƐ 44:15

“Gɛnɛ kɔ obe Israɛlɛ wa siki zi 'do wa hã mi nwa ni, nɛ nde onganga levitɛnɔ kɛ wa a obe zã Sadɔkɛ ni, wa 'bana zi kɛ 'da wa tɛ dɛ olo nu mi do wala olo nɛ ngboo. Kɔ we duzu ki ni, ma kɛ tati a wa hã wa wia sɛ we dɛ to hã mi, nɛ wa hã kɛndɔ do tɔkɔ sa'denɔ do dɔnggamɔ hã mi. Mi NWA Gale, mi tɔ́a ni.

EZEKIƐLƐ 44:7

Nɛ faka Tɛmpɛloe 'da mi, nɛ nɛ la ogele winɔ, kɛ wa a omanda'ba, nɛ wa zélé mi gɔ ni na, wa le kɔ Tɛmpɛloe do 'da fala nɛ tɛ do nyɔngɔmɛ 'da mi, do kɛndɔ, do tɔkɔ sa'denɔ we dɔnggɔ do mi ni. Nɛ nɛ yala gba tɔkɛ 'da mi do nɛ do'do, we duzu gã 'dã mɛnɔ nɛ dɛa ni.

Levitɛnɔ 1:13

'Do nɛ, nɛ wi ni a fɔlɔ sɛ kala zã sa'de, do ogbɔgɔlɔ nyanga nɛ. Nɛ mbe nganga kpo, a be sɛ ma hã NWA, nɛ a dɔ ma vɛ̃ dɛ ngɔ gbagala ni. Nɛ zɛ̃ dɔnggamɛ ni ma unu sɛ NWA, nɛ ma de tɛ̃ a.

Levitɛnɔ 1:17

'Do nɛ, nɛ a ɛ̃ sɛ sanga nɔɛ bɔa, nɛ a tata a, nɛ o'baka nɛ ma 'bana dɛ tɛ nɛ. Nɛ a dɔ sɛ ma vɛ̃ li we ngɔ gbagala ni. Nɛ zɛ̃ dɔnggamɛ ni ma unu sɛ NWA, nɛ ma de tɛ̃ a.

Levitɛnɔ 1:9

Nɛ wi ni a fɔlɔ sɛ kala zã sa'de ni mba do ogbɔgɔlɔ nyanga nɛ, nɛ mbe nganga kpo dɔ ma vɛ̃ dɛ ngɔ gbagala ni. Nɛ zɛ̃ dɔnggamɛ ni ma unu sɛ NWA, nɛ ma de tɛ̃ a.

Levitɛnɔ 3:11

Nɛ nganga a dɔ sɛ mɛnɔ ni vɛ̃ dɛ li we ngɔ gbagala ni. Mɛ sɛ a nyɔngɔmɔ kɛ wa dɔ hã NWA.

Levitɛnɔ 3:4

owala kole a do okɛndɔnɔ dɛ te'de, do kɛnɔ tɛ ngɔ zã a, do kɛnɔ tɛ gba'bua, kɛ wa fo ma fala nɛ kpo do owala kole sa'de ni.

Levitɛnɔ 4:31

'Do nɛ, nɛ a fo sɛ okɛndɔnɔ tɛ sa'de ni, ɔ nɛ kɛ wa fo do okɛndɔnɔ tɛ sa'de dɔnggamɔ kɛ ma be dɛa na ni. Nɛ nganga a dɔ sɛ ma ngɔ gbagala, takɔ zɛ̃ nɛ ma unu NWA, nɛ ma de tɛ̃ a. Dɔnggamɛ ni, ma dɛ sɛ na, Gale fo ku'da 'dã mɛ zu wi ni.

Levitɛnɔ 4:35

'Do nɛ, nɛ a fo sɛ okɛndɔnɔ te sa'de ni, ɔ nɛ kɛ wa fo do okɛndɔnɔ tɛ bata kɛ wa hã do dɔnggamɔ kɛ ma be dɛa na ni. Nɛ nganga a dɔ sɛ ma mba do gele dɔnggamɛ wa dɔ hã NWA ni. Nɛ dɔnggamɛ ni, ma dɛ sɛ na, Gale fo ku'da 'dã mɛ zu wi ni.

Levitɛnɔ 6:12

NWA tɔ̃a hã Mɔizɛ na, a e mbulanɔ gɛ hã obe Israɛlɛ na:

Levitɛnɔ 7:28

NWA tɔ́a hã Mɔizɛ na,

Levitɛnɔ 9:17

Nɛ a be 'bɔ dɔnggamɔ fũi, nɛ a so zu nɛ, nɛ a dɔ ma ngɔ gbagala, mba do dɔnggamɔ kɛ wa dɔ ma tũ kpo kpo ni.

Tɔlɔ Mɔ 15:8

Fala kɛ wa gbɛ ngɔmbɔ do dɔnggamɔ we dɛ olo mbulu tabi we dɔnggamɔ kɛ ma be dɛa na, tabi we gele dɔnggamɔ iko nde,

Tɔlɔ Mɔ 18:17

Wa gɔ́nɔ́ sɛ zu kuti be wili ngɔmbɔ, be bata, tabi be dua gɔ. Wa la sɛ sa'denɔ ni hã mi fai. Mɔ gbɛ sɛ wa, nɛ mɔ kpã tɔkɔ tɛ wa ngɔ gbagala, nɛ mɔ dɔ fala kɛndɔnɔ na, zɛ̃ we nɛ unu mi, nɛ ma de tɛ mi.

Tɔlɔ Mɔ 28:12

Nɛ fa sɛ fũ, nɛ nɛ so nɔ, nɛ nɛ zanga do fũi ni, nɛ wa mba ma do sa'de kpo kpo we dɔnggɔ do mi. Mɛ sɛ a fũ kilo kusi we wili ngɔmbɔ kpo kpo, nɛ fũ kilo gazɛlɛ we wili bata,

Tɔlɔ Mɔ 28:3

“Tũ kpo kpo, nɛ nɛ tɛ sɛ do obata bɔa, kɛ wa ɔa sabɛlɛ kpo, nɛ fo kunda tɛ wa bina ni, nɛ nɛ dɔ wa hã mi NWA. Nɛ nɛ dɛ sɛ ni 'da fala fai.

1 PETRO 2:5

Kɔ ma wia na, nɛ winɔ kɛ nɛ kpa kpasi ni, nɛ ɔ tɛ mɛ 'bɔ nɛ tanɔ ni, takɔ Gale dɛ nɛ do tɔa ɔi 'da Hi Wi 'da a. Kɔ tɔa ni, nɛ sɛ a onganga santonɔ 'da a, takɔ nɛ hã dɔnggamɔ hã a do sila nɛ kpo. Dɔnggamɛ ni ma hã sɛ yangga hã a, we kɛ nɛ hã ma do wala 'da Yezu Kristo ni.