Levitɛnɔ 3:3 - WE NU GALE 1995

³ Nɛ mɛnɔ tɛ sa'de kɛ wa hã sɛ ma hã NWA ni, mɛ a okɛndɔnɔ vɛ̃ tɛ kala zã sa'de ni,

Levitɛnɔ 3:3 Iomraidhean Croise

Zumanɔ 119:70

Gbãlã zã wa bi do'do, nɛ nde kɛ 'da mi, mi do yangga wena we dɛ olo nu mɔ.

Kulu Tɔa 29:13

Nɛ mɔ fo kɛndɔ tɛ kala zã sa'de vɛ̃, do kɛndɔ gba'bua, do wala kole a do kɛndɔnɔ tɛ nɛ ni, nɛ mɔ dɔ ma vɛ̃ dɛ ngɔ gbagala ni.

Kulu Tɔa 29:22

Mɔ fo sɛ do bata ni, do kɛndɔ tɛ kala zã a, do kɛndɔ gba'bua, do wala kole a do kɛndɔnɔ kɛ zã nɛ ni, do ku a kɛ ngawili kɔ̃. Nɛ mɔ dɔnggɔ sɛ tala wili bata wele kɛ bɔa ni do mi, takɔ ma be na onganganɔ wa ndua to nganga 'da wa.

GBA WENƆ 23:26

Be 'daa, mɔ gbíní zã mɔ do mi, nɛ mɔ dɛ yangga we nɛ 'do dɛa to tɛ mi.

Ezai 6:10

Nɛ a tɔ̃ 'bɔ hã mi na: “Mɔ bí gbãlã zã wa, da dɛ kɔ wa ĩ́ ti gulu nɛ gɔ. Nɛ mɔ dɛ na zala wa la, da dɛ kɔ wa zélé we gɔ. Nɛ li wa 'danga, da dɛ kɔ wa zɔ́ mɔ gɔ. Ní gɔ, nɛ wa kifi sɛ sila wa, nɛ wa kpasa sɛ.”

EZEKIƐLƐ 36:26

Mi kpolo sɛ sila nɛ, nɛ mbé linggamɔ ma le sɛ kɔ nɛ gɔ. Mi fo sɛ sila nɛ kɛ ma nganda ɔ nɛ ta ni, nɛ mi kpolo ma do sila wi kɛ ma kɔ̃ we kɔ̃a ni.

EZEKIƐLƐ 44:15

“Gɛnɛ kɔ obe Israɛlɛ wa siki zi 'do wa hã mi nwa ni, nɛ nde onganga levitɛnɔ kɛ wa a obe zã Sadɔkɛ ni, wa 'bana zi kɛ 'da wa tɛ dɛ olo nu mi do wala olo nɛ ngboo. Kɔ we duzu ki ni, ma kɛ tati a wa hã wa wia sɛ we dɛ to hã mi, nɛ wa hã kɛndɔ do tɔkɔ sa'denɔ do dɔnggamɔ hã mi. Mi NWA Gale, mi tɔ́a ni.

Levitɛnɔ 1:12

Wi ni a gɔmɔ sɛ sa'de ni, nɛ a 'bili zu a, nɛ a fo okɛndɔnɔ. Nɛ mbe nganga kpo, a kala sɛ 'bili sa'de ni vɛ̃, mba do zu sa'de do okɛndɔnɔ, nɛ a dɔ ma vɛ̃ li we ngɔ gbagala ni.

Levitɛnɔ 1:8

Nɛ wa kala sɛ o'bili sa'de, mba do zu a do kɛndɔnɔ, nɛ wa a ma dɛ li we ni.

Levitɛnɔ 16:25

'Do nɛ, nɛ a dɔ sɛ kɛndɔ tɛ sa'denɔ ni ngɔ gbagala.

Levitɛnɔ 3:16

Nɛ nganga a dɔ sɛ mɛnɔ ni vɛ̃ dɛ ngɔ gbagala. Mɛ sɛ a nyɔngɔmɔ kɛ wa dɔ hã NWA, he zɛ̃ nɛ unu a, nɛ ma de tɛ̃ a. Wele kɛndɔnɔ vɛ̃ a mɔ NWA.

Levitɛnɔ 3:2

Nɛ wi ni a e sɛ kɔ̃ a dɛ zu sa'de ni, nɛ a 'bili gɛlɛ a dɛ nu tɔa Tande kpa ngba wi do NWA. Nɛ onganganɔ, kɛ wa a obe zã Aroni ni, wa kpɔ sɛ tɔkɔ nɛ, nɛ wa kpã ma tɛ 'bolo zã gbagala.

Levitɛnɔ 3:4

owala kole a do okɛndɔnɔ dɛ te'de, do kɛnɔ tɛ ngɔ zã a, do kɛnɔ tɛ gba'bua, kɛ wa fo ma fala nɛ kpo do owala kole sa'de ni.

Levitɛnɔ 4:10

Mɛ a kpo mɛnɔ kɛ wa fo tɛ sa'de we hã do dɔnggamɔ kɛ ma be dɛa na ni. Nɛ nganga a dɔ sɛ ma dɛ ngɔ gbagala ni.

Levitɛnɔ 7:30

A do tɛ̃ a, a tɛ sɛ do o'bili tɛ sa'de kɛ mɛ a kɛ 'da NWA ni. Mɛ a okɛndɔnɔ do gbãlã ngu'du sa'de. Nɛ a yaka sɛ gbãlã ngu'du sa'de dati NWA, nɛ a hã ma hã a.

Levitɛnɔ 7:5

Nɛ nganga a dɔ sɛ ma vɛ̃ dɛ ngɔ gbagala dati NWA. Ki ni, mɛ a dɔnggamɔ si olo ku'da 'dã mɔ.

Levitɛnɔ 9:10

A dɔa kɛndɔnɔ tɛ wala kole sa'de, do gba'bua do Okɛndɔ se'de ni, ɔ nɛ kɛ NWA ba do nu a hã Mɔizɛ ni.

MATIE 13:16

Nɛ Yezu tɔ̃ hã wa na: “Nɛ a wi yangga, we kɛ nɛ zɔa mɛnɔ gɛ do gbali nɛ, nɛ nɛ tɛ zele 'bɔ ma ngangga gɛ.

MATIE 15:8

‘Winɔ gɛ wa dɔnggɔ mi do nu wa iko, nɛ nde sila wa ngɔ mi bina.

ROMA 5:5

Nɛ olo kɛ lɛ gbini zã lɛ do Gale ni, ma ɔ́ sɛ yala iko gɔ, we duzu kɛ Gale bia kɔ̃a zã 'da a hã lɛ do wala 'da Hi Wi Santo kɛ a hã a hã lɛ ni.

ROMA 6:6

Lɛ ĩ na, Gale gbɛa ã dungi 'da lɛ zi ni ngɔ finda te fala nɛ kpo do Kristo, takɔ 'dã dɛa mɔ tɛ lɛ ma sɔkpɔ, nɛ lɛ tɛ ɔ̀ 'bɔ ngbá 'da 'dã mɔ gɔ.

Mbulanɔ 30:6

“NWA Gale 'da nɛ, a 'dafa sɛ sila nɛ do sila obe zã nɛ, takɔ nɛ kɔ̃ gɛnɛ a do sila nɛ vɛ̃. Nɛ nɛ 'bana sɛ dɛ ngɔ nùi ni fai.

1 SAMUƐLƐ 2:15

Mbe nɛ dati kɛ na, wa dɔ kɛndɔ sa'de hã Gale ni, nɛ wi dɛa to 'da nganga tɛ, nɛ a tɔ̃ hã wi dɔ kɛndɔɛ na: “Mɔ hã sa'de nyɔ nyɔnga kɛ 'da nganga do tɔlɔ nɛ. A kɔ̃̀ sa'de kɛ mɔ gi ia ni gɔ. A kɔ̃a tati a tɔlɔ sa'de.”