Levitɛnɔ 3:16 - WE NU GALE 1995

¹⁶ Nɛ nganga a dɔ sɛ mɛnɔ ni vɛ̃ dɛ ngɔ gbagala. Mɛ sɛ a nyɔngɔmɔ kɛ wa dɔ hã NWA, he zɛ̃ nɛ unu a, nɛ ma de tɛ̃ a. Wele kɛndɔnɔ vɛ̃ a mɔ NWA.

Levitɛnɔ 3:16 Iomraidhean Croise

Ndo Nyanga Dɛ Mɔ 4:4

Nɛ Abɛlɛ kala tɛ mɛ 'bɔ Okuti be batanɔ kɔ ba'de 'da a, nɛ a gbɛ wa, nɛ a saka dia mulu nɛ, nɛ a dɔ ma do dɔnggamɔ hã NWA. Nɛ NWA kɔ̃a gɛnɛ Abɛlɛ, nɛ dɔnggamɛ 'da a dia tɛ a wena.

2 Sakonɔ 29:35

Nɛ wa dɔa sa'de we dɔnggɔ do Gale, nɛ wa dɔ 'bɔ mbe okɛndɔnɔ, nɛ wa hã 'bɔ dɔ̃ɛ kɛ ma wia ni we dɔnggɔ do Gale. Tɛlɛ tɛ kɛ wa ndua zi 'bɔ dɛ sambala kɔ tɔa Tɛmpɛlo 'da NWA gɛ a ni.

2 Sakonɔ 7:7

Do kpo kɔ̃ tũi ni, nɛ nwa Salɔmɔ ia zi gbogbo fanda vɛ̃ kɛ dati tɔa Tɛmpɛloe ni hã NWA. Nɛ a kala osa'denɔ, do odɔnggamɔ kpalɛnɔ, do Okɛndɔ sa'denɔ kɛ wa gbɛa wa we be dɛa na ni, nɛ a dɔ mɛnɔ ni vɛ̃ dɛ gbogbo fanda ni hã Gale. A dɛa ni, we kɛ gbagala tũ mɔ bole kɛ wa dɔ do sa'denɔ hã Gale ni, ma ga gɔ, nɛ ma wè na, wa dɔ odɔnggamɛnɔ ni vɛ̃ ngɔ nɛ gɔ.

Kulu Tɔa 29:13

Nɛ mɔ fo kɛndɔ tɛ kala zã sa'de vɛ̃, do kɛndɔ gba'bua, do wala kole a do kɛndɔnɔ tɛ nɛ ni, nɛ mɔ dɔ ma vɛ̃ dɛ ngɔ gbagala ni.

Kulu Tɔa 29:22

Mɔ fo sɛ do bata ni, do kɛndɔ tɛ kala zã a, do kɛndɔ gba'bua, do wala kole a do kɛndɔnɔ kɛ zã nɛ ni, do ku a kɛ ngawili kɔ̃. Nɛ mɔ dɔnggɔ sɛ tala wili bata wele kɛ bɔa ni do mi, takɔ ma be na onganganɔ wa ndua to nganga 'da wa.

Ezai 53:10

Nɛ nwa tɔ̃a na: “Mi a mi kɔ̃a zi na, wi dɛa toe 'da mi kpa ngamɔ, nɛ a fe olo 'dã mɛnɔ 'da ogele winɔ we si olo ku'da nɛ zu wa. Nɛ we duzu kɛ a dɛa na mɛ ni, a ɔ sɛ ngɔ nù gɛ wena, nɛ a sɛ do obe zã a boe. Mɛnɔ kɛ mi 'dafa we dɛ ma ni, a dɛ sɛ ma gbaa we hɔ ndɔti nɛ.

EZEKIƐLƐ 44:15

“Gɛnɛ kɔ obe Israɛlɛ wa siki zi 'do wa hã mi nwa ni, nɛ nde onganga levitɛnɔ kɛ wa a obe zã Sadɔkɛ ni, wa 'bana zi kɛ 'da wa tɛ dɛ olo nu mi do wala olo nɛ ngboo. Kɔ we duzu ki ni, ma kɛ tati a wa hã wa wia sɛ we dɛ to hã mi, nɛ wa hã kɛndɔ do tɔkɔ sa'denɔ do dɔnggamɔ hã mi. Mi NWA Gale, mi tɔ́a ni.

Levitɛnɔ 17:6

Nɛ nganga a kpã sɛ tɔkɔ sa'de ni tɛ gbagala, kɛ ma dati tɔa Tande ni. Nɛ a dɔ fala kɛndɔnɔ dɛ ngɔ gbagala ni, nɛ zɛ̃ nɛ ma unu NWA, nɛ ma de tɛ̃ a.

Levitɛnɔ 4:26

'Do nɛ, nɛ nganga a dɔ sɛ okɛndɔnɔ vɛ̃ tɛ sa'de ni dɛ ngɔ gbagala, ɔ nɛ kɛ wa dɛ do dɔnggamɔ kɛ ma be dɛa na ni. Nɛ dɔnggamɛ ni, ma dɛ sɛ na, Gale fo ku'da 'dã mɛ zu gã wi ni.

Levitɛnɔ 4:31

'Do nɛ, nɛ a fo sɛ okɛndɔnɔ tɛ sa'de ni, ɔ nɛ kɛ wa fo do okɛndɔnɔ tɛ sa'de dɔnggamɔ kɛ ma be dɛa na ni. Nɛ nganga a dɔ sɛ ma ngɔ gbagala, takɔ zɛ̃ nɛ ma unu NWA, nɛ ma de tɛ̃ a. Dɔnggamɛ ni, ma dɛ sɛ na, Gale fo ku'da 'dã mɛ zu wi ni.

Levitɛnɔ 8:25

Mɔizɛ kala fala kɛndɔnɔ tɛ wili bata ni, do do a, do kɛndɔnɔ tɛ kala zã a, do kɛnɔ tɛ gba'bua, wala kole a do kɛndɔnɔ kɛ zã nɛ ni, do ku a, kɛ ngɔ ngawili kɔ.

Levitɛnɔ 9:24

Nyɛa we ma hɔa, nɛ ma bɛlɛ odɔnggamɛnɔ ngɔ gbagala, do kɛndɔnɔ, do gele dɔnggamɛnɔ ngɔ nɛ ni. Nɛ obe Israɛlɛ vɛ̃ wa zɔa ma, nɛ wa zɛ kaliã, nɛ wa bili gbaa, nɛ zu wa to nù.

MATIE 22:37

Nɛ Yezu gisa hã a na: “ ‘Mɔ kɔ̃́ gɛnɛ Nwa Gale 'da mɔ do sila mɔ vɛ̃, mɔ ha tɛ mɔ hã a, nɛ mɔ dɛ́ to hã a do hã zã 'da mɔ vɛ̃.’