Levitɛnɔ 3:11 - WE NU GALE 1995

¹¹ Nɛ nganga a dɔ sɛ mɛnɔ ni vɛ̃ dɛ li we ngɔ gbagala ni. Mɛ sɛ a nyɔngɔmɔ kɛ wa dɔ hã NWA.

Levitɛnɔ 3:11 Iomraidhean Croise

Zumanɔ 22:14

Wa 'bã nu wa dɛ tɛ mi, nɛ wa he mɔ we ɛ̃ sanga mi, ɔ nɛ kɛ wa a ogbɔgbɔ ni.

EZEKIƐLƐ 44:7

Nɛ faka Tɛmpɛloe 'da mi, nɛ nɛ la ogele winɔ, kɛ wa a omanda'ba, nɛ wa zélé mi gɔ ni na, wa le kɔ Tɛmpɛloe do 'da fala nɛ tɛ do nyɔngɔmɛ 'da mi, do kɛndɔ, do tɔkɔ sa'denɔ we dɔnggɔ do mi ni. Nɛ nɛ yala gba tɔkɛ 'da mi do nɛ do'do, we duzu gã 'dã mɛnɔ nɛ dɛa ni.

Levitɛnɔ 21:17

a é mbulanɔ gɛ hã Aroni na: “Fala kɛ mbe kpo kɔ obe zã mɔ a ɔ wi kunda, nɛ ma wè na, a kɔlɔ do gbagala we hã nyɔngɔmɔ hã mi gɔ. Nɛ mbula ni sɛ we obe zã mɔ vɛ̃ kɔ sabɛlɛnɔ vɛ̃.

Levitɛnɔ 21:6

Ma wia na, onganganɔ wa hã tɛ wa we dɛ toe 'da mi, nɛ wa tɛ 'dàngà zu li mi gɔ. Mba gɔ, toe 'da wa mɛ a hã odɔnggamɛnɔ kɛ mɛ a nyɔngɔmɛ 'da mi ni hã mi, NWA Gale 'da wa. Ma kɛ ma wia na, wa ɔ santo ngboo.

Levitɛnɔ 21:8

Ma wia na, nɛ dĩlĩ fala tɛ nganga, nɛ nɛ zɔ a na, a santo. Mba gɔ, fala kɛ nɛ tɛ do nyɔngɔmɔ, nɛ wi hã ma hã mi Gale 'da nɛ, wi a a. Mi a Gale kɛ mi santo, nɛ mi saka nɛ obe Israɛlɛ na, nɛ ɔ owinɔ 'da mi kɛ nɛ santo.

Levitɛnɔ 22:25

Kɔ fala kɛ mɔ oso sa'de ɔ na mɛ ni kɔ̃ gɛnɛ, nɛ mɔ tɛ hã̀ a do dɔnggamɔ hã mi gɔ. Mba gɔ, sa'de kɛ wa hɔla a ni, a hɔa sa'de kunda ia, nɛ mi wè tɛ kɔ̃ gɛnɛ a gɔ.”

Levitɛnɔ 3:16

Nɛ nganga a dɔ sɛ mɛnɔ ni vɛ̃ dɛ ngɔ gbagala. Mɛ sɛ a nyɔngɔmɔ kɛ wa dɔ hã NWA, he zɛ̃ nɛ unu a, nɛ ma de tɛ̃ a. Wele kɛndɔnɔ vɛ̃ a mɔ NWA.

Levitɛnɔ 3:5

Nɛ onganganɔ wa dɔ sɛ mɛnɔ ni vɛ̃ dɛ ngɔ odɔnggamɛnɔ kɛ ma li we ngɔ gbagala ni. Nɛ zɛ̃ dɔnggamɛ ni ma unu sɛ NWA, nɛ ma de tɛ̃ a.

MALAKI 1:12

Nɛ nde nɛ, nɛ zɔ ma yala, nɛ nɛ ya fala gbagala 'da mi NWA, nɛ nɛ bà ma do dĩ gɔ. Nɛ kala odɔnggamɔ kɛ ma dè gɔ ni, we a ngɔ ma hã mi.

MALAKI 1:7

Nɛ zɔ mi li nɛ yala, we kɛ nɛ kala odɔnggamɔ kɛ ma a sa li mi gɔ, nɛ nɛ a ma dɛ ngɔ gbagala we dɔnggɔ do mi. Nɛ nɛ aka 'bɔ na: ‘Lɛ zɔ mɔ yala, nɛ lɛ bá mɔ do dĩ gɔ ni do ge nde?’ Nɛ zɔ mi yala, we kɛ nɛ bá gbagala 'da mi do dĩ gɔ.

Tɔlɔ Mɔ 28:2

a é mbulanɔ gɛ hã obe Israɛlɛ na: “Nɛ tɛ sɛ do sa'de we dɔnggɔ do mi do 'da falanɔ kɛ mi ia we ma ni. Nɛ nɛ dɔ sɛ ma na, zɛ̃ we nɛ unu mi, nɛ ma dɛ yangga tɛ mi.

Tɔlɔ Mɔ 28:24

Nɛ do kɔ pɔsɔ ɛngga ni, nɛ zɛ̃ we dɔa sa'denɔ, mba do kɛ nɛ dɔ tũ kpo kpo ni, mba do de ma unu sɛ mi, nɛ ma dɛ yangga tɛ mi.

ROMA 8:32

Gale kɛ a bè zi zu Be 'da a ngboo ni hã lɛ gɔ, nɛ a 'dɔlɔ a we lɛ vɛ̃ ni, a hã́ sɛ tɛ mɛ 'bɔ mɛnɔ hã lɛ fala nɛ kpo do Be 'da a gɔ nde?

1 KORINTƐ 10:21

Nɛ wè tɛ nɔ dɔ̃ɛ 'da Nwa, nɛ nɛ nɔ 'bɔ kɛ 'da o'dã hi winɔ gɔ. Nɛ wè tɛ nyɔngɔ mɛ 'da Nwa, nɛ nɛ nyɔngɔ 'bɔ kɛ 'da o'dã hi winɔ gɔ.

USU MƐNƆ 3:20

Nɛ zɔ́, mi yula, nɛ mi tɛ ngbolo 'do nu tɔa ko ko ko. Kɔ fala kɛ wele zele gɛlɛ mi, kɔ a hũi nu tɔa, nɛ mi le sɛ dɛ 'da a i, nɛ lɛ nyɔngɔ sɛ mɔ fala nɛ kpo do a.