Levitɛnɔ 3:1 - WE NU GALE 1995

¹ “Fala kɛ wele kɔ̃ we gbɛ ngɔmbɔ do dɔnggamɔ kɛ ma be dɛa na, nɛ ma wia na, ma ɔ do wili ngɔmbɔ tabi naa ngɔmbɔ kɛ fo kunda tɛ̃ a bina ni.

Levitɛnɔ 3:1 Iomraidhean Croise

1 Sakonɔ 21:26

A dɛa gbagala dɛ di ni, nɛ a dɔ sa'de ngɔ nɛ hã NWA Gale, nɛ a gbɛ ombe sa'denɔ we be dɛa na. 'Do nɛ, nɛ a sambala NWA, nɛ NWA zele sambala 'da a. Nɛ yolo do li nza i, NWA tumba nyɛa we, nɛ ma bɛlɛ dɔnggamɛ ngɔ gbagala ni.

Kulu Tɔa 20:24

Nɛ 'bo sɛ nù dɛ ngɔ, nɛ nɛ dɛ́ do gbagala hã mi. Ngɔ gbagala ni, nɛ dɔ sɛ obata, odua do ongɔmbɔ we dɔnggɔ do mi. Nɛ nɛ gbɛ sɛ ombe sa'denɔ ni dɛ ngɔ nɛ we be dɛa na. Nɛ mi wele sɛ nu mi tɛ nɛ falanɔ vɛ̃ kɛ mi e sɛ hã nɛ na, nɛ dɔnggɔ do mi ni.

Kulu Tɔa 24:5

'Do nɛ, nɛ a ba nu a hã ozagbãlã Israɛlɛ na, wa dɔ sa'de we dɔnggɔ do Gale, nɛ wa gbɛ 'bɔ ongɔmbɔ hã Gale we be dɛa na.

Kulu Tɔa 29:28

We duzu ma, 'da fala fai, fala kɛ obe Israɛlɛ wa gbɛ sa'de we be dɛa na, nɛ wa fo sɛ gbãlã ngu'du nɛ do ku nɛ, nɛ wa hã ma hã Aroni do obe zã a.

GBA WENƆ 7:14

nɛ a tɔ̃ hã a na: “Mi kpua zi mbulu hã dɔnggamɔ we gese iɔ̃nae hã Gale. Nɛ mi dɛa mbuli ni sɔɛ gɛ ia, nɛ tala mulu sa'de 'bana.

EZEKIƐLƐ 43:27

Kɔ̃ tũnɔ ni ma e, kɔ ma hɔ kɔ̃ tũ kɛ ngbɛ'dɛ'dɛ, nɛ onganganɔ wa wia sɛ we dɔ osa'de ngɔ gbagala, do hã odɔnggamɔ kɛ ma be dɛa na ni hã mi. Wa dɛ na mɛ ni, nɛ zã mi ma kɔ̃ sɛ gɛnɛ nɛ owinɔ 'da mi. Mi NWA Gale, mi tɔ̃a ni.”

EZEKIƐLƐ 45:15

Nɛ kɔ ba'denɔ tɛ ngɔ nù Israɛlɛ, fala kɛ obata tabi dua wa hɔ kama bɔa, nɛ nɛ fo sɛ sa'de kpo kɔ nɛ hã mi NWA. Nɛ nɛ hã sɛ mɛnɔ kɛ nɛ fua ni do dɔnggamɔ fũ, tabi dɔ sa'de we dɔnggɔ do mi, tabi dɔnggamɔ kɛ ma be dɛa na, takɔ ma fo ku'da 'dã mɛnɔ 'da nɛ. Mi NWA Gale, mi tɔ̃a ni.

Levitɛnɔ 1:10

“Fala kɛ wele kɔ we gbɛ bata tabi dua, takɔ wa dɔ we dɔnggɔ do NWA, nɛ ma wia na, ma ɔ do wili nɛ, kɛ fo kunda tɛ̃ a bina ni.

Levitɛnɔ 1:3

Fala kɛ wi ni kɔ̃ we gbɛ ngɔmbɔ takɔ a dɔ we dɔnggɔ do NWA, nɛ ma wia na, a nɛ do wili ngɔmbɔ kɛ fo kunda tɛ̃ a bina ni, dɛ nu tɔa Tande i, takɔ NWA kɔ̃ gɛnɛ a.

Levitɛnɔ 17:5

Mbula gɛ, ma tombo sɛ obe Israɛlɛ na, wa tɛ gbɛ osa'de do zamɔ iko gɔ. Nɛ nde wa tɛ do wa hã nganga, dɛ nu tɔa Tande ni, nɛ a hã do dɔnggamɔ hã NWA, we be dɛa na.

Levitɛnɔ 3:6

“Fala kɛ wele kɔ̃ we hã bata, tabi dua do dɔnggamɔ kɛ ma be dɛa na, nɛ ma ɔ sɛ do wili nɛ, tabi naa nɛ, nɛ nde a tɛ ɔ̃ do kunda tɛ̃ a gɔ.

Levitɛnɔ 9:18

'Do nɛ, nɛ a 'bili gɛlɛ wili ngɔmbɛ do wili bata, kɛ owinɔ wa tɛa do ma do dɔnggamɛ we be dɛa na ni. Nɛ obenɔ 'da a wa kpɔa tɔkɔ nɛ, nɛ wa tɛ do ma hã a, nɛ a kpã ma tɛ 'bolo zã gbagala.

Levitɛnɔ 9:4

Wa tɛ sɛ 'bɔ do wili ngɔmbɔ, do wili bata, mba do dɔnggamɔ fũ kɛ wa zanga ma do nɔ ni hã NWA. Nɛ ma sɛ a dɔnggamɔ kɛ ma be dɛa na. Mba gɔ, sɔɛ gɛ, NWA a be sɛ tɛ̃ a hã nɛ.”

AMƆSI 5:22

Nɛ mi dɛ́ yangga sa'denɔ kɛ nɛ dɔ wa we dɔnggɔ do mi ni gɔ. Gɛnɛ kɔ nɛ tɛ do ogã ngɔmbɛ we gbɛ hã mi, we be dɛa na, nɛ nde mi ká sɛ mbamba mɔ tɛ nɛ gɔ.

MALAKI 1:14

'Bako do wi kɛ a ɔkɔlɔ mi na, ɛ nɛ hã dia sa'de kɔ onadalamɛnɔ 'da ɛ hã mi, nɛ nde a kpula ma do sa'de kɛ a do kunda, nɛ a dɔnggɔ do mi, nɛ a usu dia kɛ we duzu a wele nɛ ni. 'Bako do wi kɛ a fa we ɔkɔlɔ mi na mɛ ni, we kɛ mi a gã NWA ngɔ mɔ nyanga nza vɛ̃, nɛ ogele winɔ wa dɛ kili ngawi 'da mi dɛa. Mi NWA, mi tɔ̃a ni.”

MALAKI 1:8

Nɛ ba sa'de kɛ li a lɔ lɔa, tabi a nɛ ku, tabi a do zɛlɛ, nɛ nɛ tɛ do a we dɔnggɔ do mi. Ki ni ma a dia nde? Nɛ lengge na, fala kɛ nɛ hã sa'de ɔ ní hã gã wi ngɔ le, nɛ ma dɛ sɛ yangga tɛ̃ a nde? A lengge sɛ nɛ do dia nɛ we duzu ma nde? Mi NWA ngɔ mɔ nyanga nza vɛ̃, mi aka nɛ ní.

Tɔlɔ Mɔ 15:8

Fala kɛ wa gbɛ ngɔmbɔ do dɔnggamɔ we dɛ olo mbulu tabi we dɔnggamɔ kɛ ma be dɛa na, tabi we gele dɔnggamɔ iko nde,

Tɔlɔ Mɔ 6:14

Nɛ a tɛ sɛ do osa'de talɛ kɛ fo kunda tɛ wa bina ni hã mi NWA. Mɛ a be wili bata, kɛ a dɛa sabɛlɛ kpo ni na, wa dɔ a we dɔnggɔ do mi, nɛ be naa bata, we si olo ku'da 'dã mɔ zu a, do wili bata we dɔnggamɔ kɛ ma be dɛa na.

Mbulanɔ 12:27

Fala kɛ nɛ tɛ do osa'de we dɔ we dɔnggɔ do NWA Gale 'da nɛ, nɛ nɛ dɔ mulu nɛ do tɔkɔ nɛ vɛ̃ dɛ ngɔ gbagala 'da a. Fala kɛ mɛ a dɔnggamɔ kɛ ma be dɛa na, nɛ nɛ a sɛ tɔkɔ nɛ dɛ ngɔ gbagala 'da NWA, nɛ nɛ wia sɛ we nyɔngɔ mulu nɛ.

KƆLƆSƐ 1:20

Nɛ do wala 'da Kristo ni, Gale 'dafa dɛa na sanga a do omɛnɔ vɛ. A 'dafa dɛa na sanga a do mɛnɔ li nza, do kɛnɔ nù nga vɛ do wala 'da tɔkɔ tɛ Kristo kɛ a fia ngɔ finda te ni.

OHEBRE 10:22

We duzu ma, lɛ é sila lɛ vɛ̃ ngɔ Gale, nɛ lɛ nɛ́, nɛ lɛ kɔ́lɔ́ do a do sila lɛ kpo, we duzu kɛ Yezu fua ndi 'dã mɔ kɔ sila lɛ, nɛ lɛ fɔla tɛ lɛ do lì kɛ ma a sa li Gale ni.

1 YOANƐ 1:3

Lɛ zɔa do gbali lɛ, nɛ lɛ zele do zala lɛ, nɛ lɛ tɔ̃ 'bɔ we nɛ hã nɛ, takɔ nɛ mba do lɛ kpo, ɔ nɛ kɛ lɛ mba do Baa lɛ, do Be 'da a Yezu Kristo kpo ni.

Owi kpe dati 20:26

Obe Israɛlɛ wa nɛa we zɔ ní, nɛ wa la dɛ Betɛlɛ. Nɛ wa dungu nù dati nwa, he wa he kɔ̃a tɛ wa do ngba soe ni gbaa nɛ wese gɛ̃, nɛ wa nyɔngɔ mɔ gɔ Nɛ wa dɔ sa'de we dɔnggɔ do Gale, nɛ wa gbɛ 'bɔ mbe we be dɛa na.

Owi kpe dati 21:4

Fala sa do titole belee, nɛ wa kulu ngɔ, nɛ wa dɛ gbagala do ta, nɛ wa dɔ sa'de we dɔnggɔ do Gale, do be dɛa na dɛ di ni.