Levitɛnɔ 27:3 - WE NU GALE 1995

^3-7 Nɛ we futa mbili ni, nɛ wa ba sɛ ma do 'da mɛ kɛ wa we do mbili kɔ tɔa Tande 'da NWA ni. Mbili kɛ wa we sɛ ma ni ma kɛ: A ɔ do wi wili kɛ sabɛlɛ 'da a sanga 'bu nɛ bɔa, we hɔ 'bu nɛ gazɛlɛ, nɛ wa futa sɛ mbili 'bu nɛ mɔlɔ. A ɔ do wuko, nɛ wa futa sɛ mbili 'bu nɛ talɛ. A ɔ do bulu be kɛ sabɛlɛ 'da a sanga mɔlɔ, we hɔ 'bu nɛ bɔa, nɛ wa futa sɛ mbili 'bu nɛ bɔa. A ɔ do be zɔnga, nɛ wa futa sɛ mbili 'bu. A ɔ do bulu be, kɛ a dɛ ti sabɛlɛ mɔlɔ, nɛ Wa futa sɛ mbili mɔlɔ. A ɔ do boko be, nɛ wa futa sɛ mbili talɛ. A ɔ do wi wili kɛ sabɛlɛ 'da a la ngɔ 'bu nɛ gazɛlɛ, nɛ wa futa sɛ mbili 'bu ngɔ nɛ mɔlɔ. A ɔ do wuko kɛ sabɛlɛ 'da a la ngɔ 'bu nɛ gazɛlɛ, nɛ wa futa sɛ mbili 'bu.

Levitɛnɔ 27:3 Iomraidhean Croise

2 Onwanɔ 12:4

Gɛnɛ kɔ na mɛ ni, nɛ nde a 'dàngà zi falanɔ kɛ wa 'dafa we dɔnggɔ do ogale bɛlɛnɔ ni gɔ. Nɛ winɔ wa 'bana zi tɛ gbɛ sa'de, do dɔ fũ yɔmbɔ dɛ di ni, we dɔnggɔ do ogale bɛlɛnɔ.

Kulu Tɔa 30:13

Wi wili kpo kpo kɛ mɔ tɔlɔ sɛ a ni, a futa sɛ mbili kpo kɛ dĩ nɛ gramɛ mɔlɔ, nɛ wa dɛa do fɛ̃a mɔ bolo ni. Wa kala mbilinɔ ni bɔa, sɛ nɛ dĩ nɛ we kɔ̃ do dĩ kilo kɛ wa we do mɛnɔ kɔ tɔa Tande 'di ni de. Wa ngɛmɛ sɛ mbili ni hã mi.

Kulu Tɔa 38:24

Mɔ mbalinɔ kɛ obe Israɛlɛ wa mba ma, nɛ wa dɛ do tɔa Tande ni, dĩ nɛ zi kilo 877 do gramɛ 300. Wa wia zi dĩ nɛ do mɔ we mɛnɔ kɔ tɔa Tande i ni.

Levitɛnɔ 27:14

“Fala kɛ wele e tɔa 'da a hã NWA, nɛ nganga a we sɛ gole nɛ do 'da dia tɔa, tabi do 'da 'dã tɔa. Nɛ wa oso sɛ ɔ nɛ kɛ nganga wia do gole nɛ ni.

Levitɛnɔ 27:25

“Wa we sɛ golenɔ vɛ̃ do 'da mɛ kɛ wa we do mbili kɔ tɔa Tande 'da NWA ni.

Levitɛnɔ 5:15

“Fala kɛ wele zɔlɔ tɛ do dɔnggamɛ kɛ ma wia ni hã NWA, kɔ gɛnɛ kɔ a dɛ̃ do mbana gɔ, nɛ nde a dɛa 'dã mɔ dɛ 'da NWA. Nɛ ma wia na, a tɛ do wili bata, tabi wili dua kɛ fo kunda tɛ̃ a bina ni hã NWA. A tɛ sɛ nɛ, we si olo ku'da 'dã mɛ zu a. Wa we sɛ gole sa'de ni do 'da mɔ we do mbili kɔ tɔa Tande. Nɛ sa'de ni sɛ we hã do dɔnggamɔ si olo ku'da 'dã mɔ.

Levitɛnɔ 6:6

Ma wia na, we nyɛ ngɔ gbagala ni nyɛa fai, nɛ ma tɛ bì gɔ.

Tɔlɔ Mɔ 18:16

Wa gɔnɔ sɛ zu obulu benɔ 'da fala wa ɔ zɛkɛ kpo ni. Nɛ wa gɔnɔ sɛ zu wa do mbili kɛ wa dɛa do fɛ̃a mɔ bolo ni mɔlɔ. Nɛ wa we sɛ dĩ nɛ do mɔ we do mbili kɔ tɔa Tande na, ma hɔ gramɛ 'bu.

Tɔlɔ Mɔ 3:47

We duzu wa, wele kpo kpo a hã sɛ mbili mɔlɔ kɛ wa dɛa do fɛ̃a mɔ bolo, nɛ wa ba ma do 'da mɔ we do mbili kɔ tɔa Tande.