Biblia Todo Logo
Bìoball air-loidhne

- Sanasan -




Levitɛnɔ 26:6 - WE NU GALE 1995

6 “Mi dɛ sɛ na, dungu fio ɔ ngɔ nùi, nɛ nɛ ɔ yala do dia nɛ, nɛ mɔ kpo yɛ́kɛ́ sɛ nɛ gɔ. Mi kumu sɛ o'dã sa'denɔ ngɔ nùi 'da nɛ do'do. Nɛ wele tɛ́ sɛ we bi bolo do nɛ gɔ.

Faic an caibideil Dèan lethbhreac




Levitɛnɔ 26:6
43 Iomraidhean Croise  

Nɛ Elize siki tɛ̃ ɛ, nɛ a zɔ wa, nɛ a fɔmbɔ wa do zu li NWA. Nɛ ogã sa'de bɔa, kɛ wa sa li wa na ursi ni, wa yolo zamɔ i, nɛ wa hɔ nza, nɛ wa kala obe 'bu wa nalɛ ngɔ wa bɔa kɔ obenɔ ni, nɛ wa 'bili sanga wa sikili sikili.


Nɛ nde mɔ ko sɛ bulu be, nɛ be ni sɛ a wi gɛ̃a dungu. Nɛ mi dɛ sɛ na, a kpa gɛ̃a dungu do Owi sɛnɛ a, kɛ wa ɔ kɔ lenɔ kɛ zã a ni, nɛ wa 'dángá sɛ gɛ̃a dungu 'da a gɔ. Nɛ li a sɛ a Salɔmɔ. Gulu nɛ na: Wi gɛ̃a dungu. We duzu kɛ, kɔ dɛa to nwa 'da a, mi zɔ sɛ mɔ tɛ obe Israɛlɛ, nɛ wa kpa sɛ gɛ̃a dungu.


Na mɛ ni, nɛ to nwa 'da Yozafatɛ ma la zi do dia nɛ, we kɛ Gale 'da a dɛa zi na, a ɔ do dungu fio falanɔ vɛ̃.


Wele kpo 'dángá sɛ yala li mɔ gɔ. Nɛ winɔ vɛ̃ wa tɔ̃ sɛ dia we tɛ mɔ.


Tanɔ ma 'dángá sɛ fɔnɔ 'da mɔ gɔ, nɛ gɛnɛ kɔ osa'de zamɔ, nɛ nde wa zɛ́lɛ́ sɛ tɛ mɔ gɔ.


E kɔ ongɔmbɔnɔ 'da lɛ wa ko dɛ dati, nɛ dɔ mbe kpo yɔ tabi a fé gɔ, nɛ dɔ hiamɔ 'bako wélé 'da walanɔ 'da lɛ gɔ.


A ia dungu fio ngɔ nùi 'da nɛ, nɛ a hã dia nyɔngɔmɔ hã nɛ ɔ nɛ kɛ ma wia ni.


Nwa a hã sɛ ngawi hã owinɔ 'da a. A wele sɛ nu a tɛ wa, nɛ a hã dia dungu hã wa.


Fala kɛ mi zɛ nu mi hã NWA na, a gbaka mi, nɛ a kɔ̃, nɛ a gese nu nɛ hã mi tɛ Sioni, kɛ mɛ a kala santo 'da a ni.


Nɛ nde mɔ dɛa na, mi ɔ do yangga. Nɛ yangga 'da mi nɛa ngɔ kɛ 'da Owi kala kpalɛ, do owinɔ kɛ wa do dɔ̃ wena ni.


Aa NWA, mɔ gbáká lɛ, mɔ bé dia zã 'da mɔ hã lɛ.


Nɛ nde mi kɔ̃́ sɛ na, owinɔ ni wa yu dati nɛ vɛ̃ kɔ kpo sabɛlɛ ni gɔ. Tua kɛ mi dɛ ní, nɛ le ma kulu sɛ, nɛ osa'de zamɛnɔ wa ko sɛ dɛlɛ wena, nɛ wa 'danga sɛ mɔ tɛ nɛ.


Mɔ le tɔa do tũ, nɛ mɔ dɛ́ sɛ kili gɔ, nɛ mɔ ɔ sɛ yala do dia nɛ.


E kɔ mbulanɔ 'da wa ma kpe ti mɔ kɔ yalinɔ 'da mɔ, nɛ ma fɔmɔ mɔ 'da fala mɔ ɔ yala ni. Nɛ 'da fala mɔ kulu ngɔ li yala, nɛ ma be sɛ mɛ ma wia na mɔ dɛ ni hã mɔ.


Nɛ owinɔ 'da NWA Gale, wa la sɛ wala do di ni. Nɛ wa sa sɛ li wala ni na: “Li wala 'da owinɔ 'da NWA.” 'Dã wi lá sɛ li wala ni gɔ, nɛ yia wi yɛ́nggɛ́ sɛ yali do di ni gɔ.


Fo sɛ ogbɔgbɔ di ni bina, nɛ o'dã sa'de kpi do kpi, wa gɔ́nɔ́ sɛ wala di ni gɔ. Owinɔ kɛ NWA kpasa wa ni, wa si sɛ do li wala ni dɛ ngɔ nùi 'da wa.


Mi dɛa sa fala do tũ fala, nɛ mi a mi hã yangga tabi ngamɔ. Wi kɛ a dɛ mɛnɔ ni vɛ̃, wi a mi NWA.


NWA gɔnɔ we 'da Owi ngɔ nù Israɛlɛ, a fi obe zã Yakɔbɔ li ngbangga.


“Aa nɛ, owinɔ 'da mi, nɛ tɛ dɛ̃ kili gɔ, Nɛ, Oisraɛlɛ, nɛ tɛ zɛ̃ nu nɛ gɔ. Mba gɔ, mi nɛ kpasa nɛ do obe zã nɛ, tɛ ngɔ nùnɔ nyɛlɛ ndũu, kɛ wa 'dɔlɔ do nɛ ni. Nɛ, Oisraɛlɛ, nɛ si sɛ dɛ ngɔ nùi 'da nɛ, nɛ kpa sɛ gɛ̃a dungu, nɛ fo sɛ 'bɔ wi tulu nɛ bina.


Ma kɛ winɔ wa kulu sɛ ngɔ li yala, nɛ wa tɔ̃ na: ‘Mi ɔa yala de wena.’


“Mbe gɔ, nɛ mi e sɛ o'dã sa'de na, wa gbɛ owinɔ, nɛ nùi ma kifi sɛ li go, we kɛ wele ɔ́ sɛ 'bɔ di ni gɔ. Nɛ wele kpo yámbá sɛ we la wala do di ni gɔ, we kɛ wa dɛ sɛ kili sa'denɔ ni.


“Tabi mi dɛ sɛ na, bolo te ngɔ nùi. Nɛ tɔ́a nu kɔya ma gbɛ sɛ owinɔ, mba do osa'denɔ ngɔ nùi 'da wa vɛ̃.


'Do nɛ, nɛ NWA Gale tɔ̃ 'bɔ na: “Mi tumba omɛnɔ nalɛ gɛ: bolo, gba wɔ, o'dã sa'de, do 'dã zɛlɛ we hã do etumbu hã Owi Yeruzalɛmɛ na, ma gbɛ wa mba do osa'denɔ ngɔ nùi 'da wa vɛ̃.


Mi gba sɛ tɔkɔ do wa, nɛ wa kpa sɛ dungu fio. Mi ndaka sɛ 'dã sa'de zamɛnɔ vɛ̃ ngɔ nùi ni do'do, nɛ nadalamɛnɔ 'da mi wa yɛnggɛ sɛ do gɛ̃a sila. Nɛ do tũ, nɛ wa ɔ sɛ dɛ ti tenɔ, nɛ nde mɔ kpo yɛ́kɛ́ sɛ wa gɔ.


Nɛ tenɔ ma wala sɛ, nɛ fɔnɔ ma ko sɛ okpalɛ. Nɛ wele do wele a ɔ sɛ dɛ ngɔ nùi 'da a, nɛ nde mɔ kpo dɛ́ sɛ a gɔ. Mi gɔnɔ sɛ dɔkpɔnɔ kɛ ma dĩlĩ winɔ 'da mi ni, nɛ mi kpasa sɛ wa ti kɔ winɔ wa kala wa do ngbánɔ ni. Nɛ wa ĩ sɛ na, mi a NWA.


Mi fi sɛ gba wɔ ngɔ nùi 'da nɛ, nɛ mi tombo o'dã sa'de zamɔ we gbɛ obenɔ 'da nɛ. Mi dɛ sɛ 'bɔ na, tɔkɔ tɛ nɛ a nù, nɛ 'dã zɛlɛ ba nɛ. Bolo ma bi sɛ nɛ gbaa na, nɛ fe vɛ̃. Mi nwa, mi tɔ̃a ni.”


Mi NWA, mi tɔ̃a na, do fala nɛ ni, nɛ a sa sɛ li mi na: ‘Wili mi’. Nɛ nde a tɔ̃́ sɛ 'bɔ na: ‘Mɔ Bala, mɔ a nwa 'da mi’ gɔ.


“Mi gba sɛ tɔkɔ do osa'de zamɔ, do onɔɛnɔ, do obe sa'denɔ ngɔ nùi gɛ na, da dɛ kɔ wa zɛ́lɛ́ tɛ owinɔ 'da mi gɔ. Nɛ mi fo sɛ 'bɔ omɔ bi bolonɔ kpi do kpi ɔ nɛ onzabele, do odu kɔya ngɔ nùi gɛ do'do. Nɛ mi dɛ sɛ na, owinɔ 'da mi wa kpa dungu fio.


“Nɛ dɛ́ mbulanɔ 'da mi vɛ̃, nɛ 'dã mɔ kpo ma kpá sɛ nɛ ngɔ nùi ni gɔ.


Nɛ nùi ma ko sɛ okpalɛ wena, nɛ nɛ zɔ́lɔ́ sɛ nyɔngɔmɔ gɔ. Nɛ nɛ dúngú sɛ do linggamɔ gɔ.


Mi tombo sɛ osa'de zamɔ na, wa tɛ hã wa gbɛ obenɔ 'da nɛ, nɛ wa kumu onadalamɛnɔ 'da nɛ. Nɛ nɛ 'báná sɛ dɛlɛ gɔ, nɛ Owele wa lá sɛ 'bɔ li wala 'da nɛ gɔ.


Mi dɛ sɛ na, bolo bi ngɔ nùi 'da nɛ, we kɛ nɛ 'danga gba tɔkɛ kɛ mi gba zi do nɛ ni. Nɛ yu sɛ, nɛ nɛ usu sɛ tɛ nɛ dɛ kɔ lenɔ 'da nɛ, nɛ nde mi tombo sɛ o'dã zɛlɛ, nɛ ma te sanga nɛ. Nɛ nɛ te sɛ dɛ kɔ̃ owi sɛnɛ nɛ.


Nɛ ndaka sɛ owi sɛnɛ nɛ, nɛ wa te sɛ li bolo.


Owinɔ wa mi sɛ kpalɛnɔ 'da wa, nɛ wa kala sɛ ma do gɛ̃a sila, nɛ fo wi tulu sɛ ngbɛ ɛ bina. Gale, NWA ngɔ mɔ nyanga nza vɛ̃ tɔ̃a ni.


Tala obe Israɛlɛ kɛ wa 'bana sɛ do tunu li wa ni, wa dɛ sɛ mɔ tɛ wa do bɔlɔ nɛ, wa tɔ̃́ sɛ bɛlɛ gɔ, nɛ wa ɔ́kɔ́lɔ́ sɛ wele do lɛnggɛ nu wa gɔ. Wa kpa sɛ dia dungu, nɛ wa ɔ sɛ nù do gɛ̃a sila, nɛ nde fo sɛ wi a kili tɛ wa bina.”


Nɛ 'da fala wa ngɛmɛ sɛ kpamɛnɔ ni dɛ kɔ mbé Tɛmpɛloe ni, nɛ ma ndele sɛ nɛ ngɔ kuti kɛ. Nɛ mi hã sɛ dia dungu hã nɛ dɛ fala gɛ. Mi NWA ngɔ mɔ nyanga nza vɛ̃, mi tɔ̃a ní.”


A fo sɛ ngilingili do ombalata bolo ngɔ nù Israɛlɛ, nɛ a gbini sanga nzabele bolo. A e sɛ dungu fio ngbala owinɔ, nɛ a dungu sɛ nwa ngɔ winɔ nyanga nza gɛ vɛ̃. A sɛ a nwa ngɔ winɔ, yolo nu gba lì Meditɛrane we hɔ nu lì Efratɛ.


“Mi hã gɛ̃a sila hã nɛ, mi la gɛ̃a sila kɛ mi do ma ni hã nɛ. Mi hã̀ ma ɔ nɛ kɛ winɔ nù gɛ wa hã ma ni gɔ. Kɔ dɔ sila nɛ ɔ́ ngɔ gɔ, nɛ kili tɛ bà nɛ gɔ.


Ma 'bana zi tũ kpo na, Herodɛ e Petro dati winɔ, takɔ wa 'bili we 'da a. Nɛ do tũi ni, nɛ Petro ɔa dɛ sanga osoda bɔa. Wa ɛnza a do dɔkpɔ bɔa, nɛ ombe sodanɔ wa yolo dɛ 'do nu tɔa.


Nɛ ɔ nɛ kɛ lɛ hɔa wi bɔlɔ zu li Gale, we duzu kɔ̃a we 'da lɛ ni, Gale dɛa na do lɛ, do wala 'da Nwa 'da lɛ Yezu Kristo.


Lean sinn:

Sanasan


Sanasan