Levitɛnɔ 26:4 - WE NU GALE 1995

⁴ nɛ mi tombo sɛ kolo hã nɛ, nɛ ma tɛ sɛ do li zɔlɔ nɛ, nɛ nùi ma ko sɛ okpalɛ, nɛ tenɔ ma hã sɛ owala nɛ.

Levitɛnɔ 26:4 Iomraidhean Croise

1 Onwanɔ 17:1

Mbe wele kpo zi kɔ le Tisbe, tɛ ngɔ nù Galadɛ, li a a Elia. A nɛa 'da nwa Akabɛ, nɛ a tɔ̃ hã a na: “Mi, wi toe 'da NWA wele kpasi, kɛ a a Gale 'da obe Israɛlɛ ni, mi tɔ̃ hã mɔ do zu li a na, kɔ sabɛlɛnɔ tɛ gɛ, mbɔɛ álá sɛ gɔ, nɛ kolo tɛ́ sɛ 'bɔ gɔ gbaa, hã mi aka a we nɛ sɛ nɛ de.”

YƆBƆ 5:10

Wi a a hã a tombo kole dɛ ngɔ nùi, nɛ a 'bɔ a a hã lì hã okpalɛ li fɔnɔ.

Zumanɔ 104:13

Yolo do li nza i, nɛ mɔ tombo kolo dɛ ngɔ kalanɔ, nɛ nùi nɔ lì 'da mɔ, nɛ ma we do ma.

Zumanɔ 67:6

Aa Gale, e kɔ owinɔ vɛ̃ wa dɔnggɔ mɔ, e kɔ wa mba vɛ̃ kpo hã wa dɔnggɔ mɔ!

Zumanɔ 67:7

Nùi ma kua Okpalɛnɔ 'dɛ ɛ ia, lɛ ĩ na mɔ, Gale 'da lɛ, mɔ wila nu mɔ tɛ lɛ.

Zumanɔ 68:9

nɛ nùi ma yaka, nɛ kolo yula li nza i, nɛ ma tɛa dati mɔ, Gale 'da lɛ obe Israɛlɛ, kɛ mɔ bia zi tɛ mɔ ngɔ kala Sinai ni.

Zumanɔ 85:12

Obe Israɛlɛ wa gbini zã wa do Gale, nɛ yolo do nù nga, wa ka mɔ dɛ ngɔ we fa a, nɛ Gale kɛ a dɛ olo nu a hã obe Israɛlɛ ni, a ka mɔ dɛ nù nga we zɔ wa.

Zumanɔ 85:13

NWA do tɛ̃ a ngboo, a hã sɛ dia dungu hã lɛ, nɛ nùi 'da lɛ ma ko sɛ odia kpalɛ.

Ezai 30:23

Nɛ nɛ mi sɛ kpalɛnɔ 'da nɛ, nɛ nwa a dɛ sɛ na, kolo tɛ dɛ ngɔ nɛ, hã ma gã. Nùi 'da nɛ ma ko sɛ odia kpalɛ hã nɛ, nɛ ma dɔ sɛ wena. Nɛ osa'denɔ 'da nɛ wa nyɔngɔ sɛ dia wɔkɔsɔ tɛ li zɔ̃nɔ.

Ezai 5:6

Mi dɛ sɛ na, fɔɛ ni dɛ bili. Wa lɛ́ sɛ 'bɔ tɛ te vinɔnɔ gɔ, nɛ wa wá sɛ 'bɔ ti nɛ gɔ. Te tɛ̀ do wɔkɔsɔ ma hɔ sɛ ngɔ fɔɛ, nɛ mi tɔ̃ sɛ na, kolo tɛ tɛ̀ 'bɔ di ni gɔ.”

Yeremi 14:22

Mɔ zɔ́ ogale bɛlɛnɔ 'da gele winɔ, mbe sanga wa ni wia we fi kolo nde? Li nza tombo kolo dɛ nù nga tumba nde? Ɔ̃ ɔ̃, wi a mɔ NWA Gale 'da lɛ, mɔ zu mɔ kpo a mɔ dɛ mɛnɔ ni vɛ̃. Ma kɛ lɛ gbini zã lɛ do mɔ ni.”

EZEKIƐLƐ 36:30

Otenɔ ma wala sɛ wena, nɛ kpalɛ li fɔnɔ sɛ a gbɔɔ. Nɛ ogele winɔ wa mɔ́mɔ́ sɛ 'bɔ nɛ gɔ, we kɛ nyɔngɔmɔ zɔ́lɔ́ sɛ 'bɔ 'da nɛ gɔ.

YƆƐLƐ 2:22

Nɛ kili bá sɛ 'bɔ osa'denɔ gɔ. Owɔkɔsɔ ngɔ kalanɔ ma tɛ kunu nɛ, nɛ ote figɛ, do ote vinɔ, do ogele tenɔ ma tɛ wala nɛ.

Levitɛnɔ 25:19

Nɛ nùi ma ko sɛ okpalɛ wena, nɛ nɛ zɔ́lɔ́ sɛ nyɔngɔmɔ gɔ. Nɛ nɛ dúngú sɛ do linggamɔ gɔ.

Levitɛnɔ 25:21

Nɛ nde nɛ ĩ́ na, mi NWA, mi wele sɛ nu mi tɛ fɔnɔ 'da nɛ do gazɛlɛ sabɛlɛ, nɛ ma ko sɛ wena, do tɛlɛ tɛ kɛ na, nɛ kpa nyɔngɔmɔ we sabɛlɛ talɛ ni.

ZAKARIA 8:12

Mi e sɛ dungu fio ngɔ nùi, nɛ kolo ma tɛ sɛ wena, nɛ ote vinɔ ma ko sɛ wala nɛ, nɛ nùi ma ko sɛ okpalɛ. Mi hã sɛ dia mɛnɔ ni vɛ̃ hã tala owinɔ 'da mi kɛ wa 'bana nza ni.

MATIE 5:45

nɛ nɛ sɛ a ngbongbo benɔ 'da Baa nɛ, kɛ a li nza i ni. We kɛ a dɛ na, wese 'da a to dɛ ngɔ o'dã winɔ do odia winɔ, nɛ kole 'da a tɛ dɛ ngɔ owi dɛ de mɛnɔ do Owi dɛ 'dã mɛnɔ vɛ̃.

Owi Nɛ Tonɔ 14:17

Gɛnɛ kɔ na mɛ ni, nɛ nde Gale zi tɛ be dia zã 'da a hã wa. A tombo kole 'da a dɛ ngɔ nù nga, nɛ a tombo 'bɔ zɔlɔ mi kpalɛ. A dɛ na, nɛ kpa nyɔngɔmɔ fai, nɛ nɛ ɔ do yangga.”

Mbulanɔ 11:13

“Ma kɛ ma wia na, nɛ dɛ mbulanɔ kɛ mi hã ma hã nɛ sɔɛ gɛ, nɛ nɛ kɔ̃ gɛnɛ NWA Gale 'da nɛ, nɛ nɛ dɛ́ to hã a do sila nɛ vɛ̃.

Mbulanɔ 11:14

Nɛ dɛ na mɛ ni, nɛ a tombo sɛ kuti kolo dɛ ngɔ nùi 'da nɛ, nɛ a tombo 'bɔ ma do li zɔlɔ nɛ na, nɛ kpa odia kpalɛ, do ble, do dɔ̃ do nɔ.

Mbulanɔ 28:12

“Nɛ a hũi sɛ nu fala a usu do lì kole li nza i ni, nɛ ma tɛ sɛ dɛ ngɔ nùnɔ 'da nɛ do li zɔlɔ nɛ. Nɛ a dɛ sɛ na, mɛnɔ 'da nɛ ma dɛlɛ dɛ dati. Na mɛ ni, nɛ ogele nu kɔnggɔnɔ wa ba sɛ ku'da kɔ̃ nɛ. Nɛ nde nɛ sɛ do wɔ ba ku'da kɔ̃ wele bina.

ZAKE 5:7

Aa onyae, we duzu ki ni, nɛ kúnú sila nɛ gbaa we hɔ ngba soe kɛ Nwa 'da lɛ, a hɔ sɛ nɛ ni. Nɛ lénggé do wi wa fɔ. A wa fɔɛ, nɛ a kunu sila a gbaa na, kuti kolo tɛ, nɛ a mi kpalɛnɔ 'da a. Nɛ a kunu 'bɔ sila a gbaa na, tala ngɔ go'do kole tɛ, nɛ kpalɛnɔ ko do dia nɛ.

USU MƐNƆ 11:6

Nɛ 'da fala kɛ wa gba sɛ olo nu Gale hã winɔ ni, wa sɛ do ngawi we ba nu wa hã li nza na, dɔ kolo tɛ́ gɔ gbaa na, wa gba olo nu Gale e do'do sɛ nɛ de. Nɛ wa sɛ 'bɔ do ngawi we kifi lìnɔ do tɔkɔ, do we tombo zɛlɛ tɛ kpi do kpi hã winɔ ngɔ nù gɛ, ɔ nɛ kɛ zã wa kɔ̃a ni.